Revhi 26:22 - Bhaibheri Rakachena muChindau

²² Ndinozotuma zvikara zvomushango pakati penyu, zvinozomutorera vana venyu, zvechiuraya n'ombe dzenyu, zvechiita kuti mushomanike. Nemapato enyu anozoita matongo.

Revhi 26:22 Iomraidhean Croise

2 Madzi. 17:25

Naapo pevakatanga kugaramwo, avazi kudira Mambo Mwari; ndizvo Mambo Mwari wakatumira mhondoro pakati pavo, dzakauraya vamweni vavo.

2 Madzi. 2:24

Naapo wakakunukuka, akaringira kwevari, wakavatuka ngezina raMambo Mwari. Kwakabuda kubva mugwasha mabheya mairi echikadzi, akauraya zvirumbwana zvimweni makumi marongomuna nezviiri zvavo.

2 MaKro. 15:5

Munguvadzo zvaiya zvisikazi kuita nyore kwaari unobuda nokwaari unopotera, ngokuti kutambudzika kukuru kwakabata veshe vagari venyika.

Isa. 24:6

Ndizvo kutukwa kwapedza nyika, naavo vanogara mukati mwayo vanotambudzika ngokushaisha kwavo; ndizvo vagari vomunyika vanopera, vashomani ndivo vasaramwo.

Isa. 33:8

Mapato asiiwa, apana uchahambamwo. Chitenderano chagurwa; mhiko dzaro dzashoorwa; aacharemeredzi munhu naumwe.

Jer. 15:3

Neni ndinozoemesa padera pavo mbeu murongomuna dzezvinoparadza,” unoronza Mambo Mwari: “Shoti yokuuraya, imbgwa dzokubaura, shiri dzomudenga, nezvikara zvomushango, kudya nokuparadza.

Jer. 42:2

vakati kunaJeremia muprofeti, “Ita wakanaka, upurutane kupota kwedu, newe utikumbirire kunaMambo Mwari, Mwari wako, kukumbirira veshe vakasara. Ngokuti takasiiwa tiri vashomani pavazhinji vedu, kudai ngezvinoona madziso ako.

Chi. 1:4

Njira dzinoenda Zioni dzinochema, ngokuti akuna naumwe unouya kumadhiri akaemeswa; misiwo yaro yeshe yaparadzwa, vapristi varo vanogwimba; mhandwe dzaro dzinotambudzika, iro pacharo riri mukutambudzika.

Ezek. 14:15

“Kudai ndechitumira zvikara zvinotyisa kuiparadza nyika, kuita matongo, pasina naumwe ungahamba ndimwo ngendaa yezvikara,

Ezek. 14:21

“Ngokuti izvi ndizvo zvinoronza Mambo Mwari: Kunozopinda kwakaitawani kukura apo ndinozotumira kuita kwangu kunouraya kwokutonga kwangu kurongomuna kunotyisa padera peJerusarema, shoti, nzara, zvikara zvinotyisa, nenhenda, kuuraya kubva kweiri vanhu nemhuka!

Ezek. 33:28

Ndinozoita kuti nyika iite matongo nokuparadzwa, nokudzikudza kwesimba rayo kunozopera; nemitunhu yaIsuraeri inozoita matongo, kuti akuna naumwe unozohamba ndimwo.

Ezek. 5:17

Ndinozotumira nzara nemhuka dzomushango padera penyu, nazvo zvinozomubira vana venyu; nhenda nokuparadzwa kwengazi zvinozopinda ngepakati penyu; ndinozounza shoti padera penyu. Inini Mambo Mwari ndazviereketa.”

Revhi 26:6

Ndinozomupa kunyarara munyika, munozoata pashi, pasina unomutyisidzira; ndinozodzinga zvikara zvakashata kubva munyika, neshoti aizoparuri nyika yenyu.

Mik. 3:12

Ndizvo ngendaa yenyu Zioni rinozorimwa kudai ngomunda, neJerusarema rinozoita mirwi yematongo, nomutunhu wetemperi kudai ngendau dzakakwirira dzegwasha.

Zek. 7:14

neni ndakavaparadzira ngechipupuri pakati pemadzinza eshe evasaizia. Ndiyo nyika yevakasiya kuita shango, ndizvo akuna naumwe wakapindamwo nokubudamwo; nenyika yakanaka yakaitwa shango.”

Dhuto. 32:24

Vanozoonda ngenzara, nokupedzwa ngokupisha kukurutu, netupuka tunodya nenhenda. Mazino ezvikara ndinozoatuma kurwisana navo, pamwepo noukaira hwezviro zvinokambaira mubukuta.

Vato. 5:6

Mumazuva aShamugari mukororo waAnathi, mumazuva aJaeri, mapato aazi kuhambwa ngomunhu, nevahambi vakahamba ngenjira dzemishwashwairo.