Revhi 26:13 - Bhaibheri Rakachena muChindau

¹³ Inini ndini Mambo Mwari, Mwari wenyu, uwo wakamubudisa kubva kunyika yeEgipite, kuti musaizwe hloko ndivo; ndakagura zvisungo zvejoka renyu, ndikaita kuti muhambe ngokururama.

Revhi 26:13 Iomraidhean Croise

Nduyo 116:16

A Mambo Mwari, ndiri muranda wako; ndiri muranda wako, mukororo womurandakadzi wako; wakasunhura zvisungo zvangu.

EKISEDHUSI 14:8

Mambo Mwari wakakonzesa mwoyo waFaro mambo weEgipite, naye wakarumbirira vana vaIsuraeri, ngokuti vana vaIsuraeri vakabuda kuenda ngenyara yakamirudzwa.

EKISEDHUSI 20:2

“Ndini Mambo Mwari, Mwari wako, uwo wakakubudisa kubva munyika yeEgipite, kubva kumhatso youhloko.

EKISEDHUSI 6:7

Ndinozomutora kuita vanhu vangu, neni ndinozoita Mwari wenyu. Nemwi munozozia kuti ndini Mambo Mwari, Mwari wenyu, uwo unomubudisa kubva pashi pemitwaro yevaEgipite.

Isa. 51:23

Asi ndinozoiisa munyara yaavo vanokutambudza, avo vakati kwouri, ‘Gwadama pashi, kuti tihambe padera pako; newe wakaradzika pashi mushana wako kuti udai ngamavhu nokudai ngepato, kuneavo vanohamba padera paro.’ ”

Isa. 9:3

Wakawanza dzinza, wakawanza kudakara kwaro; vanodakara pamberi pako kudai ngokudakara kwepakucheka, kudai ngokudakara kwevanhu avo vanopaurirana zvakachakatwa.

Jer. 2:20

Ngokuti ngomukuwo wekare wakagura joka rako, muzvisungo zvako; newe wakati, “Andidi kukushandira! Padera pezvitunhu zveshe, nepashi pemiti yeshe yakasvipirika wakaatapo, wechiita uhure.

Jer. 28:2

“Izvi ndizvo zvinoronza Mambo Mwari wehondo, Mwari waIsuraeri echiti, ‘Ndagura joka ramambo weBhabhuroni.

Jer. 28:4

Ndinozopetudza kundau iyi Jekhonia mukororo waJehoiakimu mambo waJudha, pamwepo nevabatwa veshe vaJudha, avo vakatorwa kuenda Bhabhuroni, ngokuti ndinozogura joka ramambo weBhabhuroni,’ unoronza Mambo Mwari.”

Ezek. 30:18

PaThafanehesi zuva rinozoita chidima, apo pendinozogurapo majoka eEgipite, nokudzikudza kwesimba rayo kunozopera kweriri; gore rinozorifukidza, nevanasikana varo madhorobha vanozoenda muuhloko.

Ezek. 34:27

Miti yomushango inozobereka michero yayo, nenyika inozobudisa zvakawanda zvayo. Anozongwaririka munyika yawo, anozozia kuti inini ndini Mambo Mwari, apo pendinozogura mipiningidzo yemajoka awo, nokuanunura kubva munyara dzaavo avo vakavaita hloko.

Hos. 11:4

Ndakavakweya ngemapote enyasha dzomunhu, ngezvisungo zvorudo. Kwevari ndaiya ndakadai ngeavo vanobvisa joka patsaya dzavo. Ndakakotama pashi kwevari, ndikaisa kudya pamberi pavo.

Revhi 25:38

Inini ndini Mambo Mwari, Mwari wenyu, uwo wakamukwidza kubva kunyika yeEgipite, kuti ndimupe nyika yeKhenani, zve, ndiite Mwari wenyu.

Revhi 25:42

Ngokuti ava varanda vangu, vendakabudisa kubva kunyika yeEgipite; avazotengeswi kudai ngehloko.

Revhi 25:55

Ngokuti vanhu vaIsuraeri varanda vangu, varanda vangu vendakabudisa kubva kunyika yeEgipite; inini ndini Mambo Mwari, Mwari wenyu.

Nah. 1:13

Nazvino ndinozogura joka rake kubva kwouri, nokudambura zvisungo zvakakusunga.”