Revhi 26:12 - Bhaibheri Rakachena muChindau

¹² Ndinozohamba pakati penyu ndiite Mwari wenyu, muite vanhu vangu.

Revhi 26:12 Iomraidhean Croise

Gen. 17:7

Ndinozogwinyisa chitenderano changu pakati pangu newe, nemibarirwana yako inouya sure kwako, nemibarirwana yavo kuti chiite chitenderano chemhera nariini, ndiite Mwari kwouri nokumibarirwana yako inouya sure kwako.

Gen. 17:8

Ndinozopa kwouri nokumibarirwana yako inouya sure kwako nyika iyo youri mupara kweiri, nyika yeshe yeKhenani, kuita nhaka yenyu metsa nariini; neni ndinozoita Mwari wavo.”

Gen. 3:8

Navo vakazwa Mambo Mwari echihamba mumunda ngomukuwo wokupipirira kwezuva. Munhu nomukadzi wake vakahwara pakati pemiti yomumunda, kubva mukuapo kwaMambo Mwari.

Gen. 5:22

Enokhi wakahamba naMwari ngesure kwokubara Methusera makore mazana matatu (300), akabara vamweni vakororo nevasikana.

Gen. 5:24

Enokhi wakahamba naMwari, naye wakangarangaka; ngokuti Mwari wakamutora.

Gen. 6:9

Iyi ndiyo mibarirwana yaNoa. Noa waiya munhu wakarurama, ari wakaperera pakati pevanhu venguvayo. Noa wakahamba naMwari.

2 Sam. 7:7

Mundau dzeshe dzendakahamba pakati pevana veshe vaIsuraeri, ndakaereketa izwi here kunoumwe wevatungamiriri verudzi rwaIsuraeri, avo vendakapanga kuusha vanhu vangu vaIsuraeri, ndechiti, ‘Ngenyi musikandiakiri mhatso yemiti yemisidhari?’

Nduyo 50:7

“Izwanyi, imwimwi vanhu vangu, neni ndinozoereketa; A Isuraeri, ndinozopupura kurwisana newe. Inini ndiri Mwari, Mwari wako.

EKISEDHUSI 29:45

Ndinozogara pakati pevana vaIsuraeri, ndiite Mwari wavo.

EKISEDHUSI 29:46

Navo vanozozia kuti ndiri Mambo Mwari, Mwari wavo, uwo wakavabudisa kubva munyika yeEgipite, kuti ndigare pakati pavo. Inini ndiri Mambo Mwari, Mwari wavo.

EKISEDHUSI 3:6

Wakatizve, “Ndini Mwari wababa ako, Mwari waAbrahama, Mwari waIsaka naMwari waJakobe.” Mosi wakafisha hope yake, ngokuti wakatya kuringira Mwari.

EKISEDHUSI 6:7

Ndinozomutora kuita vanhu vangu, neni ndinozoita Mwari wenyu. Nemwi munozozia kuti ndini Mambo Mwari, Mwari wenyu, uwo unomubudisa kubva pashi pemitwaro yevaEgipite.

Isa. 12:2

Ngegwinyiso, Mwari ruponeso rwangu; ndinozogonda, andizotyi, ngokuti Mambo Mwari, Mwari isimba rangu, nokugwinya kwangu; naye waita ruponeso rwangu.”

Isa. 41:10

usatya, ngokuti ndinewe; usaita maharura, ngokuti ndiri Mwari wako; ndinozokugwinyisa, ndinozokudetsera, ndinozokubata ngenyara yangu inonyisa yokumudyo.

Jer. 11:4

ichi chendakapanga madzibaba enyu ngeiro zuva rendakavabudisa kubva munyika yeEgipite, kubva muchoto chesimbi ndechiti, ‘Purutanai izwi rangu nokuita kudai ndizvo zveshe zvandakamupanga. Ndizvo munozoita vanhu vangu, neni ndinozoita Mwari wenyu,

Jer. 30:22

‘Nemwi munozoita vanhu vangu, neni ndinozoita Mwari wenyu.’ ”

Jer. 31:33

“Asi ichi ndicho chitenderano chendinozoita nemhatso yaIsuraeri, ngesure kweawo mazuva, unoronza Mambo Mwari; ‘Ndinozoisa mupango wangu mukati mwavo, nokuunyora mumwoyo mwavo; neni ndinozoita Mwari wavo, navo vanozoita vanhu vangu.’

Jer. 32:38

Vanozoita vanhu vangu, neni ndinozoita Mwari wavo.

Jer. 7:23

Asi mupango uyu ndakavapanga ndechiti, ‘Purutanai izwi rangu, neni ndinozoita Mwari wenyu, nemwi munozoita vanhu vangu; muhambe kwega munjira yendinomupanga ndiyo, kuti zvimunakire.’

Ezek. 11:20

kuitira kuti vahambe muzviemeso zvangu, nokungwarira zvitongero zvangu, vazvipurutane. Zvino vanozoita vanhu vangu, neni ndinozoita Mwari wavo.

Ezek. 36:38

Kudai ngezvifuyo zvokuita mubairo, kudai ngezvifuyo zvomuJerusarema ngenguva yemishongano yaro yemadhiri, ndizvo madhorobha akaparadzwa anozozadzwa ngezvikwata zvevanhu. Zvino vanozozia kuti inini ndini Mambo Mwari.”

Joeri 2:27

Munozozia kuti ndiri pakati paIsuraeri, nokuti inini Mambo Mwari, ndini Mwari wenyu, akuna umweni. Vanhu vangu avazombotsverudzwizve.

Zek. 13:9

Neni ndinozoisa urwu rupande rwechitatu mumuriro, ndinozoaererisa kudai ngounoeresa sirivha, nokuvaedza kudai ngounoedzwa kunoitwa mukore. Vanozodaidza ngezina rangu, neni ndinozovapingura. Ndinozoti, ‘Vanhu vangu;’ navo vanozoti, ‘Mambo Mwari ndiye Mwari wedu.’ ”

Zvi. 5:3

Munozobudisa veshe vamuna nevakadzi kubanze, muvaise kubanze kwekamba, kuti vasasvipisa kamba yavo, apo pendinogara pakati pavo.”

Mateu 22:32

‘Inini ndiri Mwari waAbrahama naMwari waIsaka naMwari waJakobe?’ Mwari aasiri Mwari wevakafa akadi, asi wevanopona.”

2 VaK. 6:16

Kuri pari kutenderana kwetemperi raMwari nemiedzaniso yokudira? Ngokuti isusu tiri temperi raMwari unopona; kudai ngezvaakaronza Mwari kuti, “Ndinozogara pakati pavo, nokuhamba pakati pavo; neni ndinozoita Mwari wavo, navo vanozoita vanhu vangu.

Dhuto. 23:14

Ngokuti Mambo Mwari, Mwari wenyu unohamba pakati pekamba renyu, kumusunhura nokuparadza magaa enyu kubva pamberi penyu; ndizvo kamba renyu rinozoita rakachena, kuti iye asazoona chiro nachimwe chakasvipiswa pakati penyu, amufuratire.

Dhuto. 23:15

Musazohwirinza hloko dzinonga dzatiza kubva kumadzitenzi adzo kuuya kwomuri.

Vahebheru 11:16

Asi zvino vanodisisa nyika yakapinda kunaka, kuronza kuti, yomudenga. Ndizvo Mwari aatsveruki kudaidzwa kuti Mwari wavo. Ngokuti wakavanasirira dhorobha.

Chakapangijihwa 2:1

“Nyorera ngirosi yechiara chiri muEfesu wechiti: ‘Aya ndiwo mazwi ouwo unobata nyeredzi nomwe munyara yake yokumudyo, unohamba pakati pezvigadzikiro zvezvibani zvinomwe zvomukore.’

Chakapangijihwa 21:7

Iye unonyisa unozogara nhaka yezviro izvi, neni ndinozoita Mwari wake, naye unozoita mukororo wangu.