Revhi 22:2 - Bhaibheri Rakachena muChindau

² “Ereketa kuna Aroni nevakororo vake, kuti vadziparadzanise kubva kunezvakachena zvevanhu vaIsuraeri, zve, kuti vasazotsverudza zina rangu rakachena ngeizvo zvevanopira kwendiri; inini ndini Mambo Mwari.

Revhi 22:2 Iomraidhean Croise

Ezura 8:28

Neni ndakati kwevari, “Imwimwi muri vakacheneswa kunaMambo Mwari, nezvidziyo zvakacheneswa; sirivha nomukore zviripo zvinopuwa ngomwoyo unoda kunaMambo Mwari, Mwari wemadzibaba enyu.

EKISEDHUSI 13:12

Unozoemesera Mambo Mwari eshe anotanga kubeura ndani. Matangwe eshe ounawo anobva kuzvifuyo; mikono inozoita yaMambo Mwari.

EKISEDHUSI 28:38

Nayo inozopfekwa pahuma yaAroni, naAroni unozotwara zvakashata zvingaitika pazviro zvakacheneswa izvo vanhu vaIsuraeri zvevanopira kuita zvipo zvakacheneswa; inondozogara nguva dzeshe pahuma yake, kuti zviashirike pamberi paMambo Mwari.

Isa. 52:11

Ibvai imwimwi, ibvai, budai kubanze kubvapo! Musagwama chiro chinosvipisa; budai kubva pakati paro; mudzichenese, imwimwi munotwara zvidziyo zvaMambo Mwari.

Ezek. 44:8

Nemwi amuzi kungwarira mupango wemidiro yangu yakachena; asi mwakaemesa vapara kumushandira kuita vangwariri vemipango yangu mundau yangu yakachena ngokwenyu.’

Revhi 15:31

“Ngokudaro munozoparadzanisa vanhu vaIsuraeri kubva kwokusikasukika kwavo, kuti vasazofa mukusvipa kwavo, apo vechizosvipisa tende rangu romushongano riri pakati pavo.”

Revhi 18:21

Usazopa noumwe worudzi rwako kuti apotye mumuriro kuna Morekhi, zve, usazotsverudza zina raMwari wako: ngokuti inini ndini Mambo Mwari.

Revhi 19:12

Musazopika ngokunyepa ngezina rangu, zve, musazotsverudza zina raMwari wenyu: inini ndini Mambo Mwari.

Revhi 20:3

Inini pachangu ndinozoemesa hope yangu kubva kunouwo munhu, ndimugure kubva pakati pevanhu vake; ngokuti wakapa worudzi rwake kuti apotye muriro kunaMorekhi, kusvipisa ndau yangu yakachena, nokutsverudza zina rangu rakachena.

Revhi 21:6

Vanozoita vakachena kunaMwari wavo, vasazotsverudza zina raMwari wavo; ngokuti ndivo vanopira midiro yaMambo Mwari, inoitwa ngomuriro, nokudyazve kwaMwari; ndizvo vanozoita vakachena.

Revhi 22:1

Mambo Mwari wakaereketa kunaMosi echiti,

Revhi 22:32

Musazotsverudza zina rangu rakachena; asi ndinozoita wakacheneswa pakati pevanhu vaIsuraeri; inini ndini Mambo Mwari uwo unomuchenesa.

Zvi. 18:32

Nemwi amuzoa nokushaisha ngendaa yazvo, apo mwakapira zvezvakapinda kunaka zvazvo. Asi musazosvipisa zvipo zvakachena zvevaIsuraeri, kuti musazofa.’ ”

Dhuto. 15:19

Eshe matangwe emikono yen'ombe neyemakwai unozoaparadzanisa kunaMambo Mwari, Mwari wako; auzoiti mushando ngedzematangwe emikono yen'ombe dzako, nokuti kugunda dzematangwe emakwai ako.