Revhi 21:6 - Bhaibheri Rakachena muChindau

⁶ Vanozoita vakachena kunaMwari wavo, vasazotsverudza zina raMwari wavo; ngokuti ndivo vanopira midiro yaMambo Mwari, inoitwa ngomuriro, nokudyazve kwaMwari; ndizvo vanozoita vakachena.

Revhi 21:6 Iomraidhean Croise

Ezura 8:28

Neni ndakati kwevari, “Imwimwi muri vakacheneswa kunaMambo Mwari, nezvidziyo zvakacheneswa; sirivha nomukore zviripo zvinopuwa ngomwoyo unoda kunaMambo Mwari, Mwari wemadzibaba enyu.

EKISEDHUSI 19:22

Nevapristiwo vanokwedzera kunaMambo Mwari, ngavadzichenese pachavo, kuti Mambo Mwari asazovaparadza.”

EKISEDHUSI 28:36

“Unozoita ndiro yomukore wakaera, unangure padera payo, kudai ngokunangurwa kwendandazi, kuti, ‘KUCHENESWA KUNA MAMBO MWARI.’

EKISEDHUSI 29:44

Ndinozochenesa tende romushongano nearita; ndinozochenesawo Aroni nevakororo vake, kuti vandishandire mumushando woupristi.

Isa. 52:11

Ibvai imwimwi, ibvai, budai kubanze kubvapo! Musagwama chiro chinosvipisa; budai kubva pakati paro; mudzichenese, imwimwi munotwara zvidziyo zvaMambo Mwari.

Ezek. 44:7

mukutendera vapara, vasikazi kuchekwa mumwoyo nomunyama, kupinda mundau yangu yakachena, kuti vaitsverudze, mutemperi mwangu, apo imwimwi munopira kwendiri chingwa changu, mafuta nengazi. Vagura chitenderano changu ngezvinyangadzo zvavo zveshe.

Revhi 10:3

Zvino Mosi wakati kunaAroni, “Ichi ndicho chaakaereketa Mambo Mwari echiti, ‘Ndinozocheneswa mukati mweavo vanokwedzera kwendiri, nepamberi pevanhu veshe ndinozoirikidzwa.’ ” NaAroni wakanyarara.

Revhi 18:21

Usazopa noumwe worudzi rwako kuti apotye mumuriro kuna Morekhi, zve, usazotsverudza zina raMwari wako: ngokuti inini ndini Mambo Mwari.

Revhi 19:12

Musazopika ngokunyepa ngezina rangu, zve, musazotsverudza zina raMwari wenyu: inini ndini Mambo Mwari.

Revhi 20:3

Inini pachangu ndinozoemesa hope yangu kubva kunouwo munhu, ndimugure kubva pakati pevanhu vake; ngokuti wakapa worudzi rwake kuti apotye muriro kunaMorekhi, kusvipisa ndau yangu yakachena, nokutsverudza zina rangu rakachena.

Revhi 21:17

“Ereketa kunaAroni wechiti, ‘Kunyazwi ndiani uri worudzi rwako, mumibarirwana yavo, uwo uri wakaremara, asazokwedzera kupira kudya kwaMwari wake.

Revhi 21:21

Akuna munhu worudzi rwaAroni, mupristi uri wakaremara unozokwedzera kupira midiro yaMambo Mwari inoitwa ngomuriro; uri wakaremara; aazokwedzeri kuti apire kudya kwaMwari wake.

Revhi 21:23

Asi kwega asazopinda mukati mwendau yejira rakachena, nokuti kukwedzera kuarita, ngokuti uri wakaremara, kuti asazosvipisa ndau dzangu dzakachena; ngokuti ndini Mambo Mwari unovachenesa.’ ”

Revhi 21:8

Ndizvo munozovabata kudai ngevakacheneswa, ngokuti ndivo vanopira kudya kwaMwari wenyu; vanozoita vakachena kwomuri, ngokuti inini Mambo Mwari, uwo unomuchenesa, ndiri wakachena.

Revhi 3:11

Zvino mupristi unozozvipisha padera pearita, kudai ngomudiro wokudya wakaitwa ngomuriro kunaMambo Mwari.

Zvi. 16:5

zvino wakaereketa kunaKhora nokunembungano yake yeshe echiti, “Mangwanani Mambo Mwari unozopangidzira kuti ngavari vake, nokuti ndiani wakachena; unozoita kuti akwedzere pasinde pake; uwo waanozotsanangura, iye unozoita kuti akwedzere kwaari.

Zvi. 28:2

“Panga vaIsuraeri, uti kwavari, ‘Zvipo zvangu, kudya kwomudiro wangu unoitwa ngomuriro, wokuita gwema rakanaka kwendiri, munozongwarira kuzvipira kwendiri ngenguva yakaemeswa.’

1 Pet. 2:9

Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera, kuti muchumaire ngemishando inesimba yaakaita uwo wakamudaidza kubva muchidima, kuti mupotere mukujeka kwake kunoshamisa.