Revhi 21:5 - Bhaibheri Rakachena muChindau

⁵ Vasazodzipara mabaraara musoro, nokuti kupara makhona endebvu dzavo, nokuti kucheka nyora mumuiri yavo.

Revhi 21:5 Iomraidhean Croise

Isa. 15:2

Dhibhoni wakwira kumhatso yezvimwari, kundau dzakakwirira koochema; Moabhi unochemera Nebho naMedhebha. Soro reshe rine mhanza, nendebvu dzeshe dzinoparwa.

Isa. 22:12

Muiro zuva Mambo Mwari wehondo wakadaidza kuchema nokutsumba, nokuita mhanza nokusimira machira emasaka.

Jer. 16:6

Vakuru nevadoko veshe vanozofa munyika iyi; avazoikwi, apana naumwe unozovachema, akuna kuchekwa, nokuti kuparwa kwesoro kwevari.

Jer. 48:37

Ngokuti soro reshe rinoparwa, nomurebvu weshe unoparwa; nepadera penyara dzeshe panozochekwa nyora, nepadera pezviunu panopfekeswa machira emasaka.

Ezek. 44:20

Avazopari masoro avo, nokuti kutendera nyunzu kuti dzikure; kwega vanozogunda bvudzi padera pemasoro avo.

Ezek. 5:1

“Neiwewe, O mukororo womunhu, tora shoti yakapinza, ishandise kudai ngechisvo chomugundi, para ndiro bvudzi resoro rako nendebvu dzako; zvino tora zvipimo zvokupima, uparadzanise bvudzi.

Revhi 10:6

NaMosi wakati kunaAroni nokunaEreaza nokunaIthama, vakororo vake, “Musadusa ngundu dzenyu kubva pamasoro enyu, zve, musabaura zvokusimira zvenyu, kuti musafa, nokuti ushungu husazodzaka padera pevanhu veshe; asi hama dzenyu, mhatso yeshe yaIsuraeri vangachema uku kupisha kwaakabasa Mambo Mwari.

Revhi 21:4

Asi asazodzisvipisa pachake kudai ngemwamuna uri pakati pevanhu vake, kuti adzitsverudze pachake.

Amo. 8:10

Ndinozotsandura madhiri enyu kuita kubonda, nendwiyo dzenyu dzeshe kuita kuchema; ndinozounza machira emasaka pazviunu zveshe, nemhanza padera pesoro reshe; ndinozozviita kuti zvidai ngokubonda ngendaa yomukororo umwe ega, nokupera kwazvo kudai ngezuva rinovava.

Mik. 1:16

Dziite mhanza, upare bvudzi rako ngendaa yevana vako vanodikanwa; udziise mhanza kudai ngengwanga, ngokuti vakatorwa kubva kweuri kuitwa hloko.

Dhuto. 14:1

Imwimwi muri vana vaMambo Mwari, Mwari wenyu. Musazodzicheka nokuti kuparwa tsiyo pakati pemadzinza enyu ngepamusoro pevakafa.