Revhi 21:1 - Bhaibheri Rakachena muChindau

¹ Mambo Mwari wakati kunaMosi, “Ereketa kunavapristi vakororo vaAroni, wechiti kwavari, ‘Asazoapo noumwe unozodzisvipisa ngendaa yevanhu vakafa pakati pevanhu vake,

Revhi 21:1 Iomraidhean Croise

Ezek. 44:25

“Vasazokwedzera kunomunhu wakafa, kuti vasadzisvipisa; asi baba nokuti mai, eya, nokuti mukororo nokuti mwanasikana, nokuti mukoma nokuti mukunda usina kuroorwa, vangadzisvipisa.

Hos. 5:1

“Izwai ichi, O vapristi! Purutana, O mhatso yaIsuraeri! Purutana, O mhatso yamambo! Ngokuti kutongwa kuri kwomuri, ngokuti mwakaita murau muri Mizipha, nomumbure wakatambanudzwa padera paThabho,

Revhi 19:28

Musazocheka miiri yenyu kuita nyora ngendaa yewakafa, nokuti kucheka nyora pamuiri yenyu: inini ndini Mambo Mwari.

Revhi 21:11

Zve, asazopotera kunomuiri wakafa kunyazwi ngowenyi, nokuti kudzisvipisa ngepamusoro pababa ake nokuti mai ake.

Mar. 2:1

“Nazvino, O vapristi, uyu mutemo ngewenyu.

Mar. 2:4

Ziai zvino kuti ndatumira uyu mutemo kwomuri, kuti chitenderano changu naRevhi chigare chiripo,” unoronza Mambo Mwari wehondo.

Zvi. 19:11

“Uwo unozogwama muiri womunhu wakafa kunyazwi ngouri, unozoita wakasvipiswa mazuva manomwe.

Zvi. 19:14

“Ichi ndicho chironzo apo munhu echizofa mutende: veshe avo vanopotera mutende nevarimwo veshe vanozoita vakasvipiswa mazuva manomwe.

Zvi. 19:16

Kunyazwi ndiani unozogwama wakafa wakaurawa ngeshoti kundau yokubanze, nokuti muiri wakafa wega, nokuti godo romunhu, nokuti iba, unozoita wakasvipiswa mazuva manomwe.

Zvi. 5:2

“Panga vana vaIsuraeri kuti vabudise kubanze kwekamba munhu weshe unemapere, unomubvidza nomunhu weshe wakasvipiswa ngokubata vakafa.

Zvi. 6:6

“Mazuva eshe okudziparadzanisira kwake kunaMambo Mwari aazokwedzeri panomuiri wakafa.