Revhi 20:9 - Bhaibheri Rakachena muChindau

⁹ Ngokuti munhu weshe unozotuka baba ake nokuti mai ake ngechakwadi unozourawa; uwo unozotuka baba ake nokuti mai ake, ngazi yake inozoa padera pake.

Revhi 20:9 Iomraidhean Croise

2 Sam. 1:16

Dhavhidha wakati kwaari, “Ngazi yako ngaiwe padera pesoro rako; ngokuti ngomuromo wako wakapupurira wemene wechiti, ‘Ndakauraya wakadzodzwa waMambo Mwari.’ ”

1 Madzi. 2:32

Mambo Mwari unozohwirinzira mishando yake yengazi padera pesoro rake, ngokuti wakauraya vamuna vairi vaiya vakarurama kupinda iye, wakavauraya ngeshoti, baba angu Dhavhidha asikazii, ava ndivo Abhina mukororo waNeri, nduna yehondo yaIsuraeri, naAmasa mukororo waJetha, nduna yehondo yaJudha.

EKISEDHUSI 21:17

“Kunyazwi ndiani unotuka baba ake nokuti mai ake, ngegwinyiso unozourawa.

Mazwi 20:20

Uwo unotuka baba ake nokuti mai ake, chibani chake chinozodzimwa muchidima chikuru.

Mazwi 30:11

“Varipo avo vanotuka madzibaba avo, vasikafumisi vanamai vavo.

Mazwi 30:17

“Dziso rinotsvinyira baba, nokushoora kupurutana mai, makungu omubani anozoritsoura, nokudyiwa ngemakodzi.

Ezek. 18:13

unokweretesa kuti auyirwe ngezvakawanda, unozopona here? Aazoponi. Waita zviro izvi zveshe zvinonyangadza; ngegwinyiso unozofa; ngazi yake inozogara padera pake.

Ezek. 22:7

Baba namai vanoitwa chishekedzo mukati mwako; vapara vanogara mukati mwako vakaangiridzwa; nherera neshirikadzi vanoshaishirwa mukati mwako.

Revhi 20:16

Kudai munhu womukadzi echizokwedzera kunemhuka nokuti ngeiri, nokuatwa ndiyo, ngokudaro unozouraya mukadzi uwo nemhuka; ngegwinyiso zvinozourawa; ngazi yazvo inozoa padera pazvo.

Revhi 20:27

“Munhu wemwamuna nokuti womukadzi unomweya wokufembera, nokuti n'anga, ngegwinyiso unozourawa; vanozovaponda ngemapuwe; ngazi yavo inozoa padera pavo.”

Mateu 15:4

Ngokuti Mwari wakati, ‘Remeredza baba ako namai ako, nouwo unotuka baba nokuti mai, ngaafe.’

Mateu 27:25

Nevanhu veshe vakapingura, vakati, “Ngazi yake ngaiuye padera pedu nepadera pevana vedu.”

Marku 7:10

Ngokuti Mosi wakati, ‘Remeredza baba ako namai ako,’ zve, ‘Naye unotuka baba kunyazwi mai ngegwinyiso ngaafe mukufa.’

Dhuto. 27:16

“Wakatukwa uwo munhu unozoita chishekedzo ndibaba ake namai.” Navanhu veshe vanozoti, “Ameni!”

Josh. 2:19

Kudai umwe wenyu kunyazwi ndiani unozobuda kumisiwo yemhatso yako kuenda kubanze mupato, ngazi youwo inozoa padera pesoro rake, nesu tinozoita vasina ndaa; asi kudai nyara ikakuwadza kunyazwi ndiani unewe mumhatso mwako, tinozoa nendaa yokufa kwake.

Vato. 9:24

Izvi zvakaitika kuti runya rwaakaita kunevakororo makumi manomwe vaJerubhaari ruunzidzirwe, nengazi yavo iitire ndaa kunaAbhimerekhi hama yavo, uwo wakavauraya, nepadera pevamuna veShekhemu avo vakamudetsera kuuraya vakoma vake.