Revhi 20:5 - Bhaibheri Rakachena muChindau

⁵ inini pachangu ndinozoemesa hope yangu kubva kunouwo munhu, nemhuri yake, ndimugure kubva kunevanhu vake, naavo veshe vanoita umhombo kumuteera, kuti vaite umhombo naMorekhi.’

Revhi 20:5 Iomraidhean Croise

2 MaKro. 21:11

Zve, wakaemesa ndau dzakakwirira munyika yemitunhu yaJudha, naye wakatungamirira vagari veJerusarema kuita zvifebi, wakaita kuti vaJudha vapauke.

Nduyo 106:39

Ndizvo vakaita vakasvipiswa ngemishando yavo, vakaita chidengu muzviito zvavo.

EKISEDHUSI 20:5

Usazoigwadamira nokuti kuishandira; ngokuti inini, Mambo Mwari, Mwari wako, ndiri Mwari une ndurumwa, ndechiunzidzira kushata kwemadzibaba padera pevana, padera pomubarirwana wechitatu nowechirongomuna waavo vanondinyenya,

Jer. 3:2

Mirudza madziso ako kundau dzakakwirira dzisina chiro, uone! Iripo here ndau pousikazi kuatwa newe? Pasinde penjira wakavagarira vadiwa kudai ngavaArabia mushango. Newe wasvipisa nyika ngouhure hwako nokushata kwako.

Jer. 32:39

Ndinozovapa mwoyo umwe nenjira imwe, kuti vanditye mhera nariini, kuti zvivanakire nemibarirwana yavo inoteera sure kwavo.

Jer. 44:11

“Ndizvo izvi zvinoronza Mambo Mwari, Mwari waIsuraeri: Ringirai, ndadziemesera kuunza kushata padera penyu, kuuraya veshe Judha.

Hos. 2:13

Ndinozomuorora ngendaa yemazuva emadhiri aBhaari, apo akapisha mitombo kwaari, naye akadzinemesa ngendandazi dzake dzomunzee nezvinemeso zvake, akateera zvigango zvake, akandiriyarwa inini, Mambo Mwari unoronza.

Hos. 2:5

Ngokuti mai avo vakaita uhure; iye wakavabereka wakaita zvinotsverudza. Ngokuti wakati, “Ndinozoteera zvigango zvangu, zvinondipa chingwa changu nemvura yangu, nemamviri angu emakwai, rukangaza rwangu, mafuta angu, nokumwa kwangu.”

Revhi 17:10

“Kunyazwi ngouri munhu uri wemhatso yaIsuraeri, nokuti wevapara unogara pakati penyu, unozodya ngazi, ndinozoemesa hope yangu kubva kunomunhu uwo unodya ngazi, ndinozomugura kubva pakati pevanhu vake.

Revhi 17:7

Ndizvo avachazopiri midiro yavo kunemiedzaniso yokudira yembudzi, yevanoteera sure kwao kuita umhombo. Ichi chinozoita chiemeso kwavari kunoti mhera nariini pakati pemibarirwana yavo.’

Revhi 20:4

Nokudai vanhu venyika vechizotswatira madziso avo kubva kunomunhuwo, apo anopa worudzi rwake kupotya mumuriro kunaMorekhi, vasikamuurayi,

Revhi 20:6

“Nouwo munhu unokunukuka kuenda kune vanomweya wokufembera nokuman'anga, kuita umhombo kuateera, eya, ndinozoemesa hope yangu kurwa nouwo munhu, ndinozomugura kubva pakati pevanhu vake.