Revhi 20:3 - Bhaibheri Rakachena muChindau

³ Inini pachangu ndinozoemesa hope yangu kubva kunouwo munhu, ndimugure kubva pakati pevanhu vake; ngokuti wakapa worudzi rwake kuti apotye muriro kunaMorekhi, kusvipisa ndau yangu yakachena, nokutsverudza zina rangu rakachena.

Revhi 20:3 Iomraidhean Croise

EKISEDHUSI 30:33

Kunyazwi ndiani unozokumanidza akadai ndiwo, nokuti unoisa amweni awo padera pomupara, unozogurwa kubva pakati pevanhu vake.’ ”

Ezek. 20:39

“Asi imwimwi, O mhatso yaIsuraeri, izvi ndizvo zvinoronza Mambo Mwari, Mwari: Endai, mudire miedzaniso yenyu yokudira, zvinopano umwe ngaumwe wenyu, zvinopano nesure kweizvo, kudai musikazondipurutani; asi zina rangu rakachena amuchazorisvipisi ngezvipo zvenyu nemiedzaniso yenyu yokudira.

Ezek. 5:11

“Ndizvo kudai ngezvendinopona, unoronza Mambo Mwari, Mwari, ngegwinyiso ngokuti imwimwi mwakasvipisa ndau yangu yakachena ngezviro zvenyu zveshe zvinonyenyisa nezvinonyangadza, ndizvo inini ndinozomutemera pashi; dziso rangu arizomukunguriri, neni andizomusvipiri mwoyo.

Revhi 15:31

“Ngokudaro munozoparadzanisa vanhu vaIsuraeri kubva kwokusikasukika kwavo, kuti vasazofa mukusvipa kwavo, apo vechizosvipisa tende rangu romushongano riri pakati pavo.”

Revhi 17:10

“Kunyazwi ngouri munhu uri wemhatso yaIsuraeri, nokuti wevapara unogara pakati penyu, unozodya ngazi, ndinozoemesa hope yangu kubva kunomunhu uwo unodya ngazi, ndinozomugura kubva pakati pevanhu vake.

Revhi 18:21

Usazopa noumwe worudzi rwako kuti apotye mumuriro kuna Morekhi, zve, usazotsverudza zina raMwari wako: ngokuti inini ndini Mambo Mwari.

Revhi 19:12

Musazopika ngokunyepa ngezina rangu, zve, musazotsverudza zina raMwari wenyu: inini ndini Mambo Mwari.

Revhi 20:4

Nokudai vanhu venyika vechizotswatira madziso avo kubva kunomunhuwo, apo anopa worudzi rwake kupotya mumuriro kunaMorekhi, vasikamuurayi,

Revhi 21:6

Vanozoita vakachena kunaMwari wavo, vasazotsverudza zina raMwari wavo; ngokuti ndivo vanopira midiro yaMambo Mwari, inoitwa ngomuriro, nokudyazve kwaMwari; ndizvo vanozoita vakachena.

Revhi 7:20

Asi avo vasikazi kusukika vechizodya nyama yakapirwa kuita mudiro wokuiyana kunaMambo Mwari, uwo munhu unozogurwa kubva pakati pehama dzake.

Revhi 7:21

Naapo umwe wenyu unozogwama chiro chisikazi kusukika, kudai ngokusikasukiki kwomunhu, nokuti ngeiri mhuka isikazi kusukika, nokuti ngechiri chiro chinonyangadza chisikazi kusukika, oroodya nyama yemidiro yokuiyana iyo yakaemera Mambo Mwari, uwo munhu unozogurwa kubva pakati pehama dzake.”

Zvi. 19:13

Veshe vanozogwama muiri wakafa, muiri womunhu wafa, vasikadzichenesi pachavo, vanosvipisa thabhenakeri raMambo Mwari; vanhu vakadaro vanozobviswa kubva pakati pevaIsuraeri. Ngokuti mvura yokucheneswa aizi kufafazirwa padera pavo, vanozoita vasikazi kusukika; nokusvipiswa kwavo kundori padera pako.

Zvi. 19:20

Vanhu veshe vakasvipiswa, asi vasikadzichenesi pachavo, vanhu avo vanozobviswa kubva pakati pembungano, ngokuti vakasvipisa ndau yakachena yaMambo Mwari. Ngokuti mvura yokuchenesa aizi kufafazirwa padera pavo, vakasvipiswa.

2 VaK. 6:16

Kuri pari kutenderana kwetemperi raMwari nemiedzaniso yokudira? Ngokuti isusu tiri temperi raMwari unopona; kudai ngezvaakaronza Mwari kuti, “Ndinozogara pakati pavo, nokuhamba pakati pavo; neni ndinozoita Mwari wavo, navo vanozoita vanhu vangu.

1 Pet. 3:12

Ngokuti madziso aMambo Mwari anoringira padera pevakarurama, nenzee dzake dzinopurutana kumikumbiro yavo. Asi hope yaMambo Mwari inorwa navo vanoita zvakashata.”