Revhi 20:2 - Bhaibheri Rakachena muChindau

² “Ereketa kunevanhu vaIsuraeri wechiti, ‘Kunyazwi ndiani wevanhu vaIsuraeri, nokuti wevapara, unogara muIsuraeri, kudai echizopira nokuti ndiani worudzi rwake kuti apotye muriro kunaMorekhi, ngegwinyiso unozourawa; vanhu vaIsuraeri vanozomuponda ngemapuwe.

Revhi 20:2 Iomraidhean Croise

1 Madzi. 11:7

Zvino Soromoni wakaaka ndau yakakwirira yokudira Khemoshi, chinyangadzo cheMoabhi, neyaMorekhi chinyangadzo chevana vaAmoni, pamutunhu uri ngokumabvazuva kweJerusarema.

2 Madzi. 17:17

Vakaita kuti vakororo vavo nevanasikana vavo vapinde ngepakati pomuriro; vakaringidza, vakaita un'anga, vakadzitengesa pachavo kuita zvakashata mukuona kwaMambo Mwari, kumumusira ushungu.

2 Madzi. 23:10

Wakasvipisa Thofethi riri mubani reBhenihinomu, kuti kusazoapo naumwe ungazoita kuti mukororo wake nokuti mwanasikana wake apinde kupotya muriro kuita mudiro kunaMorekhi.

2 MaKro. 28:3

wakapira midiro mubani romukororo waHinomu, wakaita kuti vakororo vake vaphotye muriro, kudai ngezvainyangadza zvaiitwa ngevemadzinza avo vaakadzinga Mambo Mwari kubva pamberi pevanhu vaIsuraeri.

2 MaKro. 33:6

Wakaita kuti vakororo vake vapotye mumuriro mubani romukororo waHinomu; zve, wakagonda vafemberi nemaninji, akashandisa un'anga, akashandisa masaramuso, akashandisa vanomukirwa, nevaroyi. Wakaita zvakashata kakurutu mukuona kwaMambo Mwari, kumusira ushungu hwake.

Nduyo 106:38

Vakaparadza ngazi isina ndaa, ngazi yevakororo vavo neyevanasikana vavo, avo vevakapira kuita mudiro wemiedzaniso yeKhenani; nenyika yakasvipiswa ngengazi.

Jer. 32:35

Vakaaka ndau dzakakwirira dzaBhaari mubani romukororo waHinomu, pekupira vakororo nevanasikana vavo kuita mudiro kunaMorekhi, kunyazwi andizi kuvapanga, nokuti kutongopinimidza kuti vaite kunyangadza uku, kuita kuti Judha ashaishe.

Jer. 7:31

Navo vanoangira kuaka ndau dzakakwirira dzeThofethi, iri mubani romukororo waHinomu, kuti vapishe vakororo nevanasikana vavo mumuriro; icho chendisikazi kupanga nokuti kupotera mumwoyo mwangu.

Ezek. 20:26

Ndakavasvipisa kubudikidza ngezvipo zvavo zvemene, mukupira mudiro womuriro avo veshe vari matangwe avo, kuitira kuti ndivazadze ngokutyiswa, kuti vazie kuti inini ndini Mambo Mwari.

Ezek. 20:31

Naapo mwoopira zvipo zvenyu, nokuita kuti vana venyu vapotye mumuriro, munodzisvipisa pachenyu ngemiedzaniso yenyu yeshe metsa nanyamashi. Neni ndingazobvunzwa ndimwi here, O mhatso yaIsuraeri? Kudai ngezvendinopona, unoronza Mambo Mwari, Mwari, inini andizobvunzwi ndimwi.’

Ezek. 23:37

Ngokuti vakaita uhure, nengazi iri munyara dzavo, vakahura nemiedzaniso yavo, vakaita kuti vakororo vavo, avo vevakandiberekera, vapotye mumuriro kuti vaite mudiro wezvokudya.

Ezek. 23:39

Ngokuti apo vaiya vauraira miedzaniso yavo yokudira vana vavo, ngezuva rimwero vakauya muugaro hwangu hwakachena kuhusvipisa. Ringira, izvi ndizvo zvevakaita mukati mwemhatso yangu.

Revhi 17:13

“Kunyazwi ngouri munhu wevanhu vaIsuraeri, nokuti wevapara unogara pakati penyu, unovhima nokubata mhuka nokuti ngeiri, nokuti shiri inodyiwa, iye unozoparadza ngazi yayo, nokuifushira ngemavhu.

Revhi 17:15

Munhu weshe unozodya muiri wechadzifira chega, nokuti weicho chakabaurwa ngezvikara, kunyazwi umwe wenyika yenyu nokuti umwe wevapara, unozosuka zvokufuka zvake, nokushamba muiri wake ngemvura, naye unozoita wakasvipiswa metsa madeekoni; naapo unozoita wakasukika.

Revhi 17:8

“Newe unozoti kwavari, ‘Kunyazwi ngouri munhu pakati pevaIsuraeri, nokuti munhu mupara unogara pakati penyu, unopira mudiro wokupisha nokuti mubairo,

Revhi 18:21

Usazopa noumwe worudzi rwako kuti apotye mumuriro kuna Morekhi, zve, usazotsverudza zina raMwari wako: ngokuti inini ndini Mambo Mwari.

Revhi 20:1

Mambo Mwari wakaereketa kunaMosi echiti,

Revhi 20:27

“Munhu wemwamuna nokuti womukadzi unomweya wokufembera, nokuti n'anga, ngegwinyiso unozourawa; vanozovaponda ngemapuwe; ngazi yavo inozoa padera pavo.”

Revhi 24:14

“Mubudise kubanze kwekamba uwo wakatuka; naavo veshe vakamuzwa echituka ngavaise nyara dzavo padera pesoro rake, nembungano yeshe ngaimuponde ngemapuwe.

Revhi 24:16

Nouwo unozotuka zina raMambo Mwari ngegwinyiso unozourawa, nembungano yeshe ngegwinyiso inozomuponda ngemapuwe. Uwo uri mupara, kudai ndiye unobarwa munyika, apo echizotuka zina raMambo Mwari, unozopondwa ngemapuwe.

Revhi 24:23

Mosi wakaereketa kunavanhu vaIsuraeri kuti vamubudise kubva mukamba uwo wakatuka, nokumuponda ngemapuwe. Vanhu vaIsuraeri vakaita kudai ngezvaakapanga Mambo Mwari kunaMosi.

Zvak. 7:43

Nemwi mwakatora tende raMorekhi nenyeredzi yechimwari chenyu Refani, miedzaniso yemwakaita kuti muidire; neni ndinozomututisa kuenda mberi kweBhabhuroni.

Dhuto. 12:31

Musazoita kudaro kunaMambo Mwari, Mwari wenyu, ngokuti chinyangadzo cheshe chaanozonda Mambo Mwari chaiitwa kunezvimwari zvavo; ngokuti vakororo vavo nevanasikana vavo vaivapisha mumuriro kunezvimwari zvavo.

Dhuto. 17:2

Kudai kwechizooneka pakati penyu, mukati mwemadhorobha enyu emwakapuwa ndiMambo Mwari, Mwari wenyu, munhu wemwamuna nokuti womukadzi, wakaita zvakashata mukuona kwaMambo Mwari, Mwari wenyu, ngokugura chitenderano chake,

Dhuto. 18:10

Kusazooneka pakati penyu noumwe unoita kuti mukororo wake nokuti mwanasikana wake apotye mumuriro, nokuti unoshandira kuuka, nokuti uwo unoita zvisi, nokuti muringidzi, nokuti nyamusoro,

Dhuto. 21:21

Nevanhu veshe vedhorobha rake vanozomuponda ngemapuwe kuti afe. Ndizvo munozodusa kushata kubva kwomuri; nevaIsuraeri veshe vanozozwa, vatye.

Dhuto. 22:21

zvino munozounza uyu musikana kumusiwo wemhatso yababa ake, nevanhu vedhorobha rake vanozomuponda ngemapuwe kuti afe, ngokuti wakaita zvinotsverudza muIsuraeri, ngokuita zvoumhombo mumhatso yababa ake. Ngokudaro munozodusa kushata kubva pakati penyu.