Revhi 2:9 - Bhaibheri Rakachena muChindau

⁹ Mupristi unozotora kwouri mudiro wezviyo rupande rwawo kuita chicherechedziso, unozorupisha padera pearita; uri mudiro wakaitwa ngomuriro wegwema rakanaka kunaMambo Mwari.

Revhi 2:9 Iomraidhean Croise

EKISEDHUSI 29:18

Unozopisha gondohwe reshe padera pearita; uyu mudiro wokupisha kunaMambo Mwari; uri gwema rakanaka, mudiro unoitwa ngokupishwa kunaMambo Mwari.

Isa. 53:10

Asi kwaiya kuda kwaMambo Mwari kumuparadza ngokurwadziwa apo unoita kupona kwake mudiro wokushaisha, unozoona mubarirwana wake, unozorebesa mazuva ake; kubudikidza ndiye kuda kwaMambo Mwari kunozobudirira munyara yake.

Revhi 1:9

Asi maura ayo nemadondova ayo unozozvisuka ngemvura. Zvino mupristi unozopisha zveshe paarita, kuti uite mudiro wokupisha, mudiro unoitwa ngomuriro, unegwema rakanaka kunaMambo Mwari.

Revhi 2:16

Nomupristi unozopisha chicherechedziso chayo, rupande rwekoroni yakapurwa, norupande rwemafuta ayo, nemakha ayo eshe, uyu mudiro wakaitwa ngomuriro kunaMambo Mwari.

Revhi 2:2

naye unozohuunza kunevakororo vaAroni vapristi, nomupristi unozonokora tsimba yahwo, hunemafuta nemakha; nomupristi unozohupisha kuita chicherechedziso padera pearita, kuti huite mudiro unoitwa ngomuriro, wegwema rakanaka kunaMambo Mwari.

Revhi 2:8

Newe unozounza mudiro wezviyo wakaitwa ngeizvi zviro kunaMambo Mwari, naapo unozopirwa kunomupristi, iye unozouunza paarita.

Revhi 24:7

Unozoisa mafuta emakha akanaka padera pomusara umwe ngoumwe, kuita chikarakadziso chomudiro wezvingwa, kudai ngomudiro unoitwa ngomuriro kunaMambo Mwari.

Revhi 4:31

Naye unozodusa mafuta ayo eshe, kudai ngemafuta anoduswa kubva kumudiro wokunyarara; nomupristi unozoapishira padera pearita kuita gwema rakanaka kunaMambo Mwari; ngokudaro mupristi unozoita muripo ngendaa yake, nakwo kunozorekererwa kwaari.

Revhi 5:12

Unozohuunza kumupristi, nomupristi unozonokora tsimba kubva kwohuri, kuita chicherechedziso chahwo, ahupishe padera pearita, kudai ngemiitiro yokupira midiro inoitwa ngomuriro kunaMambo Mwari; mudiro wokushaisha.

Revhi 6:15

Vanozonokora tsimba youfu hwomudiro wezviyo, nemafuta ahwo, nemakha ari padera pomudiro wezviyo, unozohupisha padera pearita kuita gwema rakanaka, kuita chicherechedziso chahwo, kunaMambo Mwari.

Zek. 13:7

“Muka, O shoti, urwe nomuushi wangu, urwe nomunhu uri hama yangu, unoronza Mambo Mwari wehondo. Baya muushi, kuti makwai apararire kweshe; ndinozopetudza nyara yangu padera pevadoko.

Zek. 13:9

Neni ndinozoisa urwu rupande rwechitatu mumuriro, ndinozoaererisa kudai ngounoeresa sirivha, nokuvaedza kudai ngounoedzwa kunoitwa mukore. Vanozodaidza ngezina rangu, neni ndinozovapingura. Ndinozoti, ‘Vanhu vangu;’ navo vanozoti, ‘Mambo Mwari ndiye Mwari wedu.’ ”

Zvi. 5:26

Nomupristi unozonokora tsimba yezviyo zvomudiro uwo, kuita rupande rwechicherechedziso chawo, unozoupisha padera pearita, ngesure kweizvo unozoita kuti mukadziwo amwe mvura.

Varoma 12:1

Ndizvo ndinomupota, hama, ngenyasha dzaMwari, kuti mupire miiri yenyu kuita mudiro unopona, wakachena nounoashirika kunaMwari, uri mushando wenyu wokudira uneshwiro.

Varoma 15:16

kuti ndiite mushandiri waKristu Jesu kunevemadzinza mumushando woupristi muvhangeri raMwari, kuti vemadzinza vangaita mudiro unoashirika, wakacheneswa ndiMweya Wakachena.

Vaefesu 5:2

Muhambe murudo, kudai ndiKristu wakatida, akadzipira ngepamusoro pedu, kuita mudiro nomubairo kunaMwari zviite gwema rakanaka.

Vafiripi 2:17

Asi kunyazwi ndechidururwa padera pomudiro nomushando wokugonda kwenyu, ndinodakara ndechidakara nemwi mweshe.

Vafiripi 4:18

Asi ndaanazvo zviro zveshe, ndafumiswa. Ndagutiswa, ndaashira kubva kunaEphafrodhitusi zvipo zvemwakatumira kubva kwomuri, zviri gwema rakanaka, mudiro unoashirika unodakadza kunaMwari.