Revhi 2:14 - Bhaibheri Rakachena muChindau

¹⁴ “Kudai wechizounza mudiro wezviyo wemichero yokutanga kunaMambo Mwari, unozounza mudiro wezviyo wemichero yako yokutanga, mitsonzoti yekoroni mimbishi yakakochwa ngomuriro, eya koroni yakapurwa kubva kumitsonzoti.

Revhi 2:14 Iomraidhean Croise

Gen. 4:3

Ngesure kwomukuwo Kheni wakaunza michero yemavhu kuita mudiro kunaMambo Mwari,

2 Madzi. 4:42

Kwakauya munhu wakabva Bhaarisharisha, wakaunzira munhu waMwari michero yomutanguro, zvingwa zvebhari makumi mairi, nemitsonzoti yomushosho wekoroni musaka rake. Erisha. wakati, “Ipai vanhu kuti vadye.”

Revhi 2:15

Unozotutsira mafuta padera payo, nokuisa makha padera payo, uyu mudiro wezviyo.

Revhi 2:16

Nomupristi unozopisha chicherechedziso chayo, rupande rwekoroni yakapurwa, norupande rwemafuta ayo, nemakha ayo eshe, uyu mudiro wakaitwa ngomuriro kunaMambo Mwari.

Revhi 22:29

Naapo munozopira kunaMambo Mwari mubairo wokubonga, munozopira kuti uashirike kubva kwomuri.

Revhi 23:10

“Ereketa kunevanhu vaIsuraeri, wechiti kwavari, ‘Apo mwazoguma kunyika yendinozomupa, mwechizokukura zviyo zvayo, munozounza kunomupristi mwanda wemichero wokutanga wezviyo zvenyu.

Revhi 23:13

Nomudiro wezviyo unozoita makhirogramu mairi oufu hwakakumanidzwa namafuta, kuita mudiro unoitwa ngomuriro kunaMambo Mwari, wegwema rakanaka; nomudiro wokumwa unozoita ritha rimwe revhini.

Revhi 23:20

Mupristi unozozvizunguza pamwepo nezvingwa zvemichero yokutanga, kuita mudiro wokuzunguza pamberi paMambo Mwari, nemagondohwe mairi: zvinozoita zvakachena kunaMambo Mwari, zviri zvevapristi.

Mar. 1:11

Ngokuti kubvira mukubuda kwezuva metsa kupota kwaro zina rangu iguru pakati pemadzinza; nokundau dzeshe mutombo wokupisha unegwema rakanaka unozopirwa kuzina rangu, nomunikero wakachena; ngokuti zina rangu iguru pakati pevemadzinza, unoronza Mambo Mwari wehondo.

Zvi. 28:2

“Panga vaIsuraeri, uti kwavari, ‘Zvipo zvangu, kudya kwomudiro wangu unoitwa ngomuriro, wokuita gwema rakanaka kwendiri, munozongwarira kuzvipira kwendiri ngenguva yakaemeswa.’

1 VaK. 15:20

Asi zvino Kristu wakamuswa kubva kwevakafa, wakaita muchero womutanguro weavo vakafa.

Dhuto. 26:2

munozotora michero yomutanguro yenyika yeshe, munozounza michero yenyika yomunozopuwa ndiMambo Mwari, nemwi munozoiisa muchitundu, munozoenda nayo kundau yaanozotsanangura Mambo Mwari, Mwari wenyu, kuti aise zina rake apo.

Chakapangijihwa 14:4

Ava ndivo vasikazi kudzisvipisa ngavakadzi, ngokuti vakadai ngemhandwe; ndivo vanoteera Gwai kweshe kwerinoenda. Vakatengwa kubva pakati pevanhu kuti vaite mitanguro kunaMwari nokuGwai,