Revhi 2:13 - Bhaibheri Rakachena muChindau

¹³ Auzorekeri midiro yako yeshe yezviyo yokudya inozorungwa ngomunyu; zve, usazotenda kuti chitenderano chaMwari chitamikirwe ngomunyu; mumidiro yako yeshe yezviyo, unozoipira nomunyu.

Revhi 2:13 Iomraidhean Croise

2 MaKro. 13:5

Amuzii here kuti Mambo Mwari, Mwari waIsuraeri, wakapa kunaDhavhidha umambo kuti atonge padera paIsuraeri kunoti mhera nariini, kwaari nokunevana vake ngechitenderano chomunyu?

Ezura 7:22

metsa makhirogramu makumi emazana matatu nemazana marongomuna (3,400) esirivha, chipimo chekoroni makhirogramu gumi remakumi emazana (10,000), maritha evhini makumi emazana mairi (2,000), maritha emafuta makumi emazana mairi (2,000) nezvipimo zvomunyu zvakawandisa.

EKISEDHUSI 30:35

Newe unozoita ndiwo mutombo une gwema rakanaka, wakanasirwa ngoungwaru hwengwazi yokunasira mitombo, yakarungwa ngomunyu, wakaera nokuchena.

Ezek. 43:24

Unozozviunza pamberi paMambo Mwari, nevapristi vanozokandira munyu padera pazvo, vanozozvipira kuita mudiro wokupisha kunaMambo Mwari.

Zvi. 18:19

Midiro yeshe yakachena, yevanopa vaIsuraeri kunaMambo Mwari, ndapa kwouri, pamwepo nevakororo vako nevanasikana vako, kuita chiemeso chemhera nariini; chitenderano chomunyu pamberi paMambo Mwari kwouri nokumibarirwana yako newe mhera nariini.”

Mateu 5:13

“Imwimwi muri munyu wenyika, asi kuti munyu warasha kunaka kwawo, ungachazorungwa ngenyi? Sure kweizvi auchanakiri chiro, kwega kurashwa kubanze nokutsikwa-tsikwa ngevanhu.

Vakorose 4:6

Kuereketa kwenyu ngakuwe nenyasha nguva dzeshe, kwechirungwa ngomunyu, kuti muzie njira inosisira kupingurana ndiyo umwe kuno umweni.