Revhi 2:10 - Bhaibheri Rakachena muChindau

¹⁰ Neicho chinosara chomudiro wezviyo chinozoita chaAroni nevakororo vake; chiri chakapinda kuchenesesa chemidiro inoitwa ngomuriro kunaMambo Mwari.

Revhi 2:10 Iomraidhean Croise

2 MaKro. 31:14

NaKore mukororo waImina muRevhi, uwo waiya murindi womusiwo wokumabvazuva, waiya mukuru padera pezvipo zvakapirwa ngokuda kunaMwari, kuti akoanisire zvipo zvaMambo Mwari neizvo zvakachenesesa.

Ezura 2:63

mutongi wakavaronzera kuti vasachazodya zviro zvakapindisisa kuchena, metsa kwauya mupristi unoshandisa Urimu neThumimu.

Ezek. 44:29

Vanozodya midiro yezviyo, midiro yokushaisha, midiro yokupauka; zveshe zvakapirwa muIsuraeri zvinozoita zvavo.

Ezek. 46:20

Wakati kwendiri, “Iyi ndiyo ndau pevanozobikira vapristi midiro yokupauka nemidiro yokushaisha, nepevanozokocha mudiro wezviyo, kuti vasazoibudisa kuruwanze rwokubanze, apo pevanochenesa vanhu.”

Revhi 10:12

Mosi wakaereketa kunaAroni nokunaEreaza nokunaIthama, vakororo vake vaiya vasara, “Torai mudiro wezviyo wakasara wemidiro yaMambo Mwari inoitwa ngomuriro, muudye usina mumera muri pasinde pearita, ngokuti uri wakachenesesa.

Revhi 14:13

Unozouraya gondohwe pandau panourairwa mudiro wokushaisha nomudiro wokupisha mundau yakachena; ngokuti mudiro wechishaishi chokupauka kudai ngomudiro wokushaisha ngezvomupristi; wakachenesesa.

Revhi 2:3

Nouhwo hunozosara hwomudiro wezviyo hunozoita hwaAroni nevakororo vake, chiri chiro chakapinda chakachenesesa chomudiro unoitwa ngomuriro kunaMambo Mwari.

Revhi 21:22

Unozodya kudya kwaMwari wake, kweshe ukwo kwakachenesesa noukwo kwakachena.

Revhi 5:13

Ndizvo mupristi unozoita muripo wechishaishi chake chaakashaisha kunoumwe weizvi, naye unozorekererwa. Kudai ngomudiro wezviyo uhwo hunosara hunozoita hwomupristi.”

Revhi 6:16

Nouhwo hunosara hunozodyiwa ndiAroni nevakororo vake; nahwo hunodyiwa husina mumera, mundau yakachena; muruwanze rwetende romushongano vanozohudya.

Revhi 6:23

Mudiro weshe wezviyo womupristi unozopishwa weshe; auzodyiwi.”

Revhi 6:9

“Panga Aroni nevakororo vake wechiti, ‘Ichi ndicho chironzo chomudiro wokupisha. Mudiro wokupisha, ngokuti unopishwa padera pearita usiku hweshe metsa kuedze, nomuriro wearita unozogara wechibaka kweriri.

Revhi 7:7

“Mudiro wokupauka wakadai ngomudiro wokushaisha, ngokuti chironzo chazvo ndichimwecho; mupristi unoita muripo ngowake.

Zvi. 18:9

Izvi zvinozoita zvako kubva mukati mwezviro zvakachenesesa, izvo zvakangwarirwa kubva kumuriro: mudiro wavo weshe uwo wevanounza kuita mudiro kwendiri, kudai ngechiro chakapindisisa kuchena, kunyazwi mudiro wezviyo, mudiro wokushaisha nokuti mudiro wokupauka, zvinozoita zvako nevakororo vako.

1 Sam. 2:28

Inini ndakamutsanangura kubva kumadzinza eshe aIsuraeri kuti aite mupristi wangu, kuti akwire paarita rangu, kupisha mutombo unegwema rakanaka nokusimira efodhi pamberi pangu. Neni ndakapa kumhatso yababa ako midiro yangu yeshe yokupisha ngomuriro inobva kuvana vaIsuraeri.