Revhi 18:5 - Bhaibheri Rakachena muChindau

⁵ Ndizvo munozongwarira zviemeso zvangu, nezvitongero zvangu; izvo kudai munhu echizviita unozopona ndizvo: inini ndini Mambo Mwari.

Revhi 18:5 Iomraidhean Croise

Neh. 9:29

Newe wakavanyowedza kuitira kuti vapetuke kumipango yako. Asi ivo vakaita manyau vakadzikudza, avazi kupurutana mipango yako, asi vakashaisha ngokugura zvitongero zvako izvo zvinoita kuti munhu akazviita uchapona ndizvo. Vakafuratira makhadza avo akaoma, vakaomesa mitsipa yavo, vakaramba kupurutana.

EKISEDHUSI 6:2

Mwari wakaereketa kunaMosi echiti, “Ndini Mambo Mwari.

EKISEDHUSI 6:29

Mambo Mwari wakati kunaMosi, “Ndini Mambo Mwari; ronzera Faro mambo weEgipite zveshe zvendinoereketa kwouri.”

EKISEDHUSI 6:6

Ndizvo ronzai kune vana vaIsuraeri, kuti, ‘Ndini Mambo Mwari, ndinozomubudisa kubva pashi pemitwaro yevaEgipite, ndinozomusunhura kubva muuhloko hwavo, ndinozomuripira ngomuoko wakatambanudzwa nezvitongero zvikuru.

Isa. 55:3

Kotamisira nzee yako, uuye kwendiri; purutana, kuti mweya wako upone. Ndinozoita chitenderano newe chemhera nariini, nyasha dzangu dzinorudo, rudo rwegwinyiso rwakagondiswa Dhavhidha.

Ezek. 18:9

unoteera muzviemeso zvangu nokunasa kungwarira zvitongero zvangu, unoita ngokugondeka, uwo wakadaro wakarurama, ngegwinyiso unozorarama,” unoronza Mambo Mwari, Mwari.

Ezek. 20:11

Ndakavapa zviemeso zvangu, ndikavaonisa zvitongero zvangu, ndizvo kudai munhu echizviita, unozopona ndizvo.

Ezek. 20:13

Asi mhatso yaIsuraeri yakamukira kurwa neni mushango; avazi kuhamba muzviemeso zvangu, asi vakaramba zvitongero zvangu, izvi kudai munhu echizviita, unozopona ndizvo; nemaSabatha angu vakaasvipisa kakurutu. Zvino ndakapinimidza kuti ndaizodurura ushungu hwangu padera pavo mushango, kuti ndivapedze.

Ezek. 20:21

Asi vana vakamukira kurwa neni; avazi kuteera muzviemeso zvangu, navo avazi kunasa kungwarira zvitongero zvangu, kudai munhu echizviita, unozopona ndizvo; vakasvipisa maSabatha angu. Zvino ndakapinimidza kuti ndaizodurura ushungu hwangu padera pavo, kurwa navo kuti ndipedze ushungu hwangu kwevari mushango.

Revhi 18:6

“Akuna naumwe wenyu unozokwedzera kuti afukure upunu hwouwo uri hama yake: ngokuti inini ndini Mambo Mwari.

Mar. 3:6

“Ngokuti inini Mambo Mwari andipinduki; ndizvo imwimwi, O vana vaJakobe, amuzi kupedzwa.

Mateu 19:17

Naye wakati kwaari, “Unondibvunza ngenyi ngendaa yechakanaka? Uripo umwe wakanaka, asi kudai wechida kupotera mukupona wechingwarira mipango.”

Ruka 10:28

Naye wakati kwaari, “Wanasa kupingura; ita kudaro, newe unozorarama.”

Varoma 10:5

Mosi unonyora ngendaa yokururama kunobva kuMupango echiti, “Munhu uwo unoita kururama kweMipango, unozopona ndiyo.”

Varoma 7:10

neni ndakafa, nomupango uwo waigondisa kupona, uyu ndakauona wechiita rufu kwendiri.

Vagaratiya 3:12

Asi Mupango autseyami pakugonda, ngenjira imweni, “Kunyazwi ndiani unoita mishando yeMupango unozopona ndiyo.”

Dhuto. 30:20

mumude Mambo Mwari, Mwari wenyu, mupurutane izwi rake, munamatire kwaari; ngokuti zvinoronza kupona kwenyu, nouwandu hwemazuva enyu, kuti mugare munyika yaakapika Mambo Mwari kupa kunemadzibaba enyu, kunaAbrahama, Isaka, nokunaJakobe.

Dhuto. 30:6

Zve, Mambo Mwari, Mwari wenyu, unozocheka mwoyo wenyu nomwoyo yemibarirwana yenyu, kuti mude Mambo Mwari, Mwari wenyu ngomwoyo wenyu weshe, nomweya wenyu weshe, kuti mupone.

Dhuto. 4:1

Ndizvo zvino izwanyi, imwimwi vaIsuraeri, kuzviemeso nezvitongero zvendinomudzidzisa, kuti muzviite, kuti mupone nokupoteramwo, mugare nhaka yenyika yemwakapuwa ndiMambo Mwari, Mwari wemadzibaba enyu.