Revhi 18:3 - Bhaibheri Rakachena muChindau

³ Musazoita kudai ngemishando yevanhu venyika yeEgipite kwemwaigara; musazoitazve kudai ngemishando yevanhu venyika yeKhenani, kwendinomuendesa. Musazohamba ngezviitiro zvavo.

Revhi 18:3 Iomraidhean Croise

2 Madzi. 17:8

vaiya vakahamba ngetsika dzevasikatendi Mwari, avo vaakadzinga Mambo Mwari kubva pamberi pevana vaIsuraeri, nedzemadzimambo aIsuraeri, idzo dzevakaemesa ngokwavo.

Nduyo 106:35

asi vakadzikumanidza nevemadzinza, vakadzidzira mishando yavo.

EKISEDHUSI 23:24

musazogwadamira zvimwari zvavo nokuti kuzvidira nokuti kuita kudai ngemishando yavo; asi munozovaparadza yaamho nokuputsa sika dzavo.

Ezek. 23:8

Aazi kurekera uhure hwake hwaakaita kubvira Egipite; ngokuti muutsva hwake vamuna vakaata naye, vakapukuta tsungu dzoumhandara hwake, navo vakadururira kuemura kwavo padera pake.

Revhi 20:23

Musazohamba ngemiitiro yevanhu venyika, avo vendakadzinga kubva pamberi penyu. Ngokuti avo vakaita zveshe izvi zviro, ndizvo ndakavanyenya.

Varoma 12:2

Musatodzera zveiyi nyika, asi mwechitsandurwa ngokumusirirwa kwomupinimidzo wenyu, kuti mutsvakisise kuzia kuda kwaMwari, kwakanaka, kunoashirika nekwakaperera.

Dhuto. 12:4

Amuzodiri kudaro kunaMambo Mwari, Mwari wenyu.

Dhuto. 29:17

Mwakaona zvinyangadzo zvavo, nemiedzaniso yavo inonyenyesa yemiti, yemapuwe, yesirivha neyomukore, iyo yaiya pakati pavo.

Dhuto. 9:4

Musazoereketa mumwoyo mwenyu apo Mambo Mwari azovadzinga kubva pamberi penyu mwechiti, “Ngokunaka kwangu Mambo Mwari wakandipotedza muno kuti ndigare nhaka yenyika iyi;” asi indaa yokushata kwaaya madzinza Mambo Mwari wakaadzinga kubva pamberi penyu.