Revhi 17:7 - Bhaibheri Rakachena muChindau

⁷ Ndizvo avachazopiri midiro yavo kunemiedzaniso yokudira yembudzi, yevanoteera sure kwao kuita umhombo. Ichi chinozoita chiemeso kwavari kunoti mhera nariini pakati pemibarirwana yavo.’

Revhi 17:7 Iomraidhean Croise

2 MaKro. 11:15

naye wakaemesa vapristi vake kundau dzakakwirira, nepadera pezvimwari zvembudzi, nezvemakonyana zvaakaita.

Nduyo 106:37

Vakapira vakororo nevanasikana vavo kumadhimoni.

Nduyo 106:39

Ndizvo vakaita vakasvipiswa ngemishando yavo, vakaita chidengu muzviito zvavo.

EKISEDHUSI 22:19

“Kunyazwi ndiani unoatana nemhuka ngegwinyiso unozourawa.

EKISEDHUSI 22:20

“Kunyazwi ndiani unopira mubairo kune chimwari chimweni, asi kwega kunaMambo Mwari, unozourawa.

EKISEDHUSI 27:21

Mutende romushangano ngokubanze kwejira rechisitiro riri pamberi pebhokisi rechitenderano, Aroni nevakororo vake vanozochingwarira chechibaka pamberi paMambo Mwari kubvira madeekoni metsa mangwani mangwanani. Mupango uyu unozongwarirwa mhera nariini ngevana vaIsuraeri nemibarirwana yavo.

EKISEDHUSI 32:8

Vakasira kupauka kubva kunjira yendakavapanga; vadziitira konyana rakaumbwa ngomukore wakanyunguruswa, varidira nokupira mudiro kweriri vechiti, ‘Izvi ndizvo zvimwari zvenyu, A Isuraeri, zvakamubudisa kubva kunyika yeEgipite.’ ”

EKISEDHUSI 34:15

Usazoita chitenderano nevagari venyikayo, ngokuti naapo voohura ngokuteera zvimwari zvavo nokupira mudiro kuzvimwari zvavo, noumwe wavo unozomukoka, nemwi munozodya mudiro wake

Jer. 3:1

“Kudai munhu echiramba mukadzi wake, naye akaenda kubva kwaari nokuita mukadzi woumweni munhu, unozohwirira kwaari here? Iyo nyika aizosvipiswi kakurutu here? Iwewe wakaita uhure nevadikani vazhinji, newe ungapetuka kwendiri here? Unoronza Mambo Mwari.

Ezek. 23:3

vakaita uhure muEgipite; vakaita uhure vachimuutsva hwavo; mazamo avo akabatwa batwa, vakapukutwa tsungu dzoumhandara hwavo.

Ezek. 23:8

Aazi kurekera uhure hwake hwaakaita kubvira Egipite; ngokuti muutsva hwake vamuna vakaata naye, vakapukuta tsungu dzoumhandara hwake, navo vakadururira kuemura kwavo padera pake.

Revhi 17:8

“Newe unozoti kwavari, ‘Kunyazwi ngouri munhu pakati pevaIsuraeri, nokuti munhu mupara unogara pakati penyu, unopira mudiro wokupisha nokuti mubairo,

Revhi 20:5

inini pachangu ndinozoemesa hope yangu kubva kunouwo munhu, nemhuri yake, ndimugure kubva kunevanhu vake, naavo veshe vanoita umhombo kumuteera, kuti vaite umhombo naMorekhi.’

Revhi 3:17

“Chinozoita chiemeso chinoitwa mhera nariini kunemibarirwana yenyu kundau dzeshe dzokugara: Musazodya mafuta nokuti ngazi.”

Johani 12:31

Zvino kwaapano kutongwa kwenyika iyi, zvino mutongi wenyika iyi unozorashwa kubanze.

Johani 14:30

Ngesure kweizvi andichazoereketi zvizhinji nemwi, ngokuti mutongi wenyika iyi unouya. Aana simba padera pangu;

1 VaK. 10:20

Asi izvo zviro zvevanopira, vanozvipira kunemadhimoni, haiwa kunaMwari. Neni andidi kuti muiyane nemadhimoni.

2 VaK. 4:4

Kwavari mwari weiyi nyika wakapofomadza mipinimidzo yevasikatendi, kuti vasaona kujeka kwevhangeri routhende hwaKristu, uwo uri muedzaniso waMwari.

Vaefesu 2:2

Muneizvo zvemwakahamba pakati pazvo karetu, mwakateera mitoo yeiyi nyika, mukateera njira yomuzvare wesimba romweya womudenga, mweya uwo unoshanda zvino mukati mwevakororo vokusikapurutana.

Dhuto. 31:16

Mambo Mwari wakati kunaMosi, “Ngokukasira unozoata nemadzibaba ako. Zvino ava vanhu vanozomiruka, vaite umhombo ngokuteera zvimwari zvevanhu vapara venyika yevanozoenda koogara pakati pavo; navo vanozondisiya, nokugura chitenderano changu chendakaita navo.

Dhuto. 32:17

Vakapira mibairo kunemadhimoni, haiwa kunaMwari, kuzvimwari zvevasaizia, kuzvimwari zvitsva zvichaamba kubuda, zvisaityiwa ngemadzibaba enyu.

Chakapangijihwa 9:20

Vamweni vanhu, vasikazi kuurawa ngenyatwa idzi, avazi kutenderuka kubva kumishando yenyara dzavo, kuitira kuti vasazodira madhimoni nemiedzaniso yokudira yomukore, yesirivha, yethusi, yemapuwe neyemiti, iyo isikakoni kuona nokuti kuzwa nokuti kuhamba.