Revhi 17:5 - Bhaibheri Rakachena muChindau

⁵ Uku kuitira kuti vaIsuraeri vaunze midiro yavo yevanouraira kubanze, vaiunze kunaMambo Mwari, kumusiwo wetende romushongano, kumupristi nokuipira kunaMambo Mwari kuita midiro yokunyarara.

Revhi 17:5 Iomraidhean Croise

Gen. 21:33

Abrahama wakasima muti wemuthamarisiki muBheeri-shebha, akakumbirapo ngezina raMambo Mwari, Mwari wemhera nariini.

Gen. 22:13

Abrahama wakamirudza madziso ake, akaringira, akaona sure kwake gondohwe raiya rakabatwa muchitenhere ngenyanga dzaro; Abrahama wakaenda, akatora gondohwe, akaripira kuita mudiro wokupisha pandau yomukororo wake.

Gen. 22:2

Wakati, “Tora mukororo wako, mukororo wako ega, Isaka, uwo wounoda, uende kunyika yeMoria; umupirepo kuita mudiro wokupisha, padera poumwe wemitunhu wendinozokuronzera.”

Gen. 31:54

Jakobe wakapa mudiro pamutunhuwo, akadaidza hama dzake kudya chingwa, vakadya chingwa, vakaatapo usiku hweshe.

1 Madzi. 14:23

Ngokuti avozve vakadziakira pachavo ndau dzakakwirira, nokudziitira miedzaniso, nemakwasha okudira, padera pemitunhu nepashi pemiti yeshe yakasvipirika;

1 Madzi. 3:2

Vanhu vaipira midiro pandau dzakakwirira, ngokuti paiya pasina mhatso yaiya yakaakirwa zina raMambo Mwari, metsa kumazuva awo.

1 Madzi. 3:3

Soromoni wakamuda Mambo Mwari, echihamba ngezviemeso zvaDhavhidha baba ake; kwega kuti wakapira midiro yokupisha zvinonuhwira pandau dzakakwirira.

2 Madzi. 16:4

Wakapira minikero nokupisha mitombo inegwema rakanaka pandau dzakakwirira, nepadera pezvimitunhu, nepashi pemiti yeshe yakasvipira.

2 Madzi. 17:10

Vakadziemesera pachavo miedzaniso yokudira nemakwasha padera pemitunhu yeshe yakakwirira nepashi pemiti yeshe yakasvipira.

2 MaKro. 28:4

Wakapira midiro nokupisha mitombo inegwema rakanaka mundau dzakakwirira, padera pemitunhu, nepashi pomuti weshe wakasvipira.

EKISEDHUSI 24:5

Naye wakatuma majaha evana vaIsuraeri akapira midiro yokupisha, akabaira midiro yokuiyanisa yen'ombe kunaMambo Mwari.

Ezek. 20:28

Ngokuti apo ndaiya ndavaunza munyika, yendakapika kuti ndiipe kwevari, zvino kunyazwi ngepari pevakaona zvimitunhu zvakakwirira nemimbiti yeshe yakatsikana mashakani, vakapira mibairo yavopo, vakapira midiro yavo yokundinyangadza; naapozve vakapisha mitombo yavo inegwema rakanaka, vakadururapo midiro yavo yokumwa.

Ezek. 22:9

Mukati mwako varimwo vanegunyengu kuti vaparadze ngazi, avo mukati mwako varipo vanodya padera pemitunhu, avo vanoita kuemura kwenyama mukati mwako.

Ezek. 43:27

Naapo aya mazuva apera, zvino kubvira pazuva rechisere kuendemberi, vapristi vanozoita midiro yokupisha padera pearita, nemidiro yenyu yokunyarara, neni ndinozomuashira, unoronza Mambo Mwari.”

Ezek. 44:15

“Asi vapristi vevaRevhi, vakororo vaZadhoki, avo vakangwarira mushando wendau yangu yakachena apo vanhu vaIsuraeri vapauka kubva kwendiri, vanozokwedzera kwendiri kuti vandishandire; vanozoema pamberi pangu, kuti vandipe mafuta nengazi, unoronza Mambo Mwari, Mwari.

Revhi 17:4

asikaiunzi kumusiwo wetende romushongano, kuipira kuita mudiro kunaMambo Mwari pamberi petabhenakeri raMambo Mwari, munhu uwo unozoa nendaa yengazi, ngokuti wakaparadza ngazi; unozogurwa kubva pakati pevanhu vake.

Revhi 17:6

Mupristi unozofafaza ngazi paarita raMambo Mwari, riri pamusiwo wetende romushongano, nokupisha mafuta kuita gwema rakanaka kunaMambo Mwari.

Dhuto. 12:2

Munozoparadza yaamho ndau dzeshe dzevakashandira zvimwari zvavo madzinza omunoenda koogara nhaka yao, padera pemitunhu yakakwirira, nepadera pezvimitunhu, nepashi pemiti yeshe yakasvipirika.