Revhi 17:4 - Bhaibheri Rakachena muChindau

⁴ asikaiunzi kumusiwo wetende romushongano, kuipira kuita mudiro kunaMambo Mwari pamberi petabhenakeri raMambo Mwari, munhu uwo unozoa nendaa yengazi, ngokuti wakaparadza ngazi; unozogurwa kubva pakati pevanhu vake.

Revhi 17:4 Iomraidhean Croise

Gen. 17:14

Mwamuna weshe usikazi kuchekwa, uwo usikazi kuchekwa nyama yeganda repamberi pomuiri wake unozogurwa kubva kuvanhu vake; iye wagura chitenderano changu.”

Nduyo 32:2

Unomuchena munhuwo uwo Mambo Mwari waasikaerengeri zvakashata, nouwo mumweya mwake amuna kuchengedza.

EKISEDHUSI 12:15

“Munozodya chingwa chisina mumera mazuva manomwe; ngezuva rokutanga munozobvisa mumera kubva kumhatso dzenyu: ngokuti uwo unozodya chingwa chino mumera kubvira pazuva rokutanga metsa kuguma pazuva rechinomwe, uwo munhu unozogurwa kubva kuvana vaIsuraeri.

EKISEDHUSI 12:19

Usazoapo mumera mumhatso dzenyu metsa apera mazuva manomwe: ngokuti uwo unozodya icho chinomumera, uwo munhu unozogurwa kubva mumushongano wevaIsuraeri, kunyazwi muhambi nokuti uwo wakabarirwa munyika.

EKISEDHUSI 30:33

Kunyazwi ndiani unozokumanidza akadai ndiwo, nokuti unoisa amweni awo padera pomupara, unozogurwa kubva pakati pevanhu vake.’ ”

EKISEDHUSI 30:38

Kunyazwi ndiani unozoita wakadai ngouwo, kuti adzinuhwidze gwema rawo, iye unozogurwa kubva pakati pevanhu vake.”

Isa. 66:3

“Kunyazwi ndiani unouraya kabi wakadai ngouwo unouraya munhu; kunyazwi ndiani unopira kakwai kuita mudiro wakadai ngewagura mutsipa wembwa; kunyazwi ndiani unopira mudiro wezviyo, wakadai ngouwo unopira ngazi yenguruwe kuita mudiro; kunyazwi ndiani unopisha mutombo unegwema rakanaka wakadai ngouwo unopira mudiro wokukarakadza muedzaniso. Ava vakatsanangura njira dzavo, avo mweya yavo inodakara munezvinonyangadza zvavo.

Ezek. 20:40

Ngokuti pamutunhu wangu wakachena, mutunhu wakareba waIsuraeri, unoronza Mambo Mwari, Mwari, apo veshe vemhatso yaIsuraeri veshe avo vanozodira inini munyika; apo ndinozovaashira, naapo ndipo pendinozoda michero yenyu nezvipo zvenyu zvakapinda kunaka nezvakachena.

Revhi 1:3

“Kudai mudiro wake uri mudiro wokupisha wezvifuyo, ngaape yomukono isina kuremara naye unozopa kudai ngokuda kwake pamusiwo wetende romushongano pamberi paMambo Mwari.

Revhi 17:10

“Kunyazwi ngouri munhu uri wemhatso yaIsuraeri, nokuti wevapara unogara pakati penyu, unozodya ngazi, ndinozoemesa hope yangu kubva kunomunhu uwo unodya ngazi, ndinozomugura kubva pakati pevanhu vake.

Revhi 17:14

Ngokuti kupona kwenyama yeshe ingazi yayo; ndizvo ndakati kunevaIsuraeri, ‘Musazodya ngazi nokuti ngeyeiri nyama, ngokuti kupona kwemiiri yeshe kuri mungazi yayo; uwo unoidya unozogurwa.

Revhi 17:3

kunyazwi ngouri munhu wemhatso yaIsuraeri, unozouraya n'ombe nokuti gwai nokuti mbudzi, mukamba, nokuti unoiuraya kubanze kwekamba,

Revhi 17:5

Uku kuitira kuti vaIsuraeri vaunze midiro yavo yevanouraira kubanze, vaiunze kunaMambo Mwari, kumusiwo wetende romushongano, kumupristi nokuipira kunaMambo Mwari kuita midiro yokunyarara.

Revhi 17:9

asikauunzi kumusiwo wetende romushongano, kuti aupire kunaMambo Mwari, uwo munhu unozogurwa kubva pakati pevanhu vake.’

Revhi 18:29

Ngokuti kunyazwi ndiani unozoita izvi zvinyangadzo, eya, munhu unozviita unozogurwa kubva pakati pevanhu vake.

Revhi 20:16

Kudai munhu womukadzi echizokwedzera kunemhuka nokuti ngeiri, nokuatwa ndiyo, ngokudaro unozouraya mukadzi uwo nemhuka; ngegwinyiso zvinozourawa; ngazi yazvo inozoa padera pazvo.

Revhi 20:18

Kudai munhu echizoatana nomukadzi uri kumwedzi wake, iye wafukura upunu hwomubvidza wake, naye wafukura upunu hwomubvidza wake; navo vari vairi vanozogurwa kubva pakati pevanhu vavo.

Revhi 20:3

Inini pachangu ndinozoemesa hope yangu kubva kunouwo munhu, ndimugure kubva pakati pevanhu vake; ngokuti wakapa worudzi rwake kuti apotye muriro kunaMorekhi, kusvipisa ndau yangu yakachena, nokutsverudza zina rangu rakachena.

Revhi 3:2

Unozoisa nyara yake padera pesoro romudiro, uiuraye pamusiwo wetende romushongano; nevakororo vaAroni vapristi vanozofafazira ngazi paarita kuritendenedza.

Revhi 7:18

Asi kudai nyama kunyazwi ngeiri yakapirwa yemidiro yake yokuiyana yechizodyiwa ngezuva rechitatu, aizoashiriki, zve, akuzoerengwi kunouwo wakaipira; asi chinozoita chinyangadzo, nomunhu unozodya kweiri unozotwara kushaisha kwake.

Johani 10:7

Ndizvo Jesu wakaereketazve kwavari echiti, “Ngegwinyiso ndinoti kwomuri, inini ndiri musiwo wemakwai.

Johani 10:9

Inini ndiri musiwo; kunyazwi ndiani unopinda ndini, unozoponeswa, unozopotera nokubuda, aone kudya.

Johani 14:6

Jesu wakati kwaari, “Inini ndiri njira negwinyiso nokupona. Akuna unouya kunaBaba, asikauyi ndini.

Varoma 4:6

Dhavhidhawo unofumisa munhu uwo waakaerengera Mwari kuti kururama ngepabanze pemishando

Varoma 5:13

ngegwinyiso kushaisha kwaiyapo munyika Mupango usati waapo, asi kushaisha akuerengwi apo pasina Mupango.

Varoma 5:20

NoMupango wakapotera kuti kushaisha kuwande; asi apo kushaisha kwawanzwa, nyasha dzakapinda kakurutu kuwanzwa,

Dhuto. 21:8

Itira nyasha, A Mambo Mwari, kunevanhu vako Isuraeri, avo vowakaripira; usaunzidzira ngazi isina ndaa padera pevanhu vako Isuraeri.” Nengazi iyo inozorekererwa kwavari.