Revhi 16:12 - Bhaibheri Rakachena muChindau

¹² Unozotora chidziyo chakazara ngemasimbe omuriro anopisha kubva paarita pamberi paMambo Mwari, nenyara dzake dzakazara ngomutombo unegwema rakanaka wakanasa kukuiwa, unozozviunza mukati mwejira rendau yakachena.

Revhi 16:12 Iomraidhean Croise

EKISEDHUSI 31:11

nemafuta okudzodza ndiwo, nomutombo wokupisha unegwema rakanaka wendau yakachena. Vanozoita kudai ndizvo zveshe zvendakupanga.”

EKISEDHUSI 37:29

Wakaita mafuta akacheneswa okudzodza, nomutombo wokupisha wakaera wakabvengedzwa inegwema rakanaka, kudai ngomuitiro womunasiri wemitombo inegwema rakanaka.

Revhi 10:1

Zvino Nadhabhi naAbhihu vakororo vaAroni vakatora vari vairi umwe ngoumwe chidziyo chake chokupishira mutombo unegwema rakanaka, vakaisa muriro mukati mwazvo, vakaisa mitombo inegwema rakanaka umwo, vakapira muriro usaitenderwa pamberi paMambo Mwari, uwo waasikazi kuvapanga.

Zvi. 16:18

Ndizvo munhu weshe wakatora chidziyo chake, wakaisa muriro mukati mwacho, wakaisamwo mutombo unegwema rakanaka umwo, wakaema pamusiwo wetende romushongano pamwepo naMosi naAroni.

Zvi. 16:46

NaMosi wakati kunaAroni, “Tora chidziyo chokupishira mutombo, uise muriro mukati mwacho kubva paarita, uisemwo mutombo unegwema rakanaka, uende ngokukasira kumbungano, uvaitire muripo; ngokuti ushungu hwaMambo Mwari hwabudira kwavari; nhenda yauya.”

Dhuto. 33:10

Vanodzidzisa Jakobe zvitongero zvako, naIsuraeri mipango yako; vanoisa mutombo unegwema rakanaka pamberi pako, nomubairo wokupisha zveshe padera pearita rako.

Vahebheru 9:14

ngazi yaKristu inozopinda kwakaitawani, uwo kubudikidza ngomweya wemhera nariini wakadzipa asina chaangapomerwa kunaMwari, kuchenesa mhumba dzedu kubva kumishando yakafa kuti tishandire Mwari unopona!

Vahebheru 9:7

asi kundau yechipiri yetende kwaipotera mupristi mukuru ega, kamwe ngegore, haiwa asina ngazi, yaapira ngendaa yake nendaa yezvishaishi zvevanhu zvakaitwa ngokusikazia.

1 Joh. 1:7

asi kudai techihamba mukujeka kudai ndiye uri mukujeka, tinakwo kuiyana umwe kunoumweni, nengazi yaJesu Mukororo wake inotisuka kubva kuzvishaishi zveshe.

Chakapangijihwa 8:5

Zvino ngirosi yakatora chidziyo chokupishira mutombo nayo yakachizadza ngomuriro waibva paarita, ikaukandira padera penyika; kwakaapo kutinhira nemazwi makuru nemheni nokuzungunyika kwenyika.