Revhi 15:13 - Bhaibheri Rakachena muChindau

¹³ “Naapo uwo unomubvidza acheneswa kubva kumubvidza wake ngaadzierengere mazuva manomwe okucheneswa kwake, asuke zvokufuka zvake, nokushamba muiri wake mumvura inoerera, naye unozoita wakasukika.

Revhi 15:13 Iomraidhean Croise

Revhi 14:8

Uwo unoda kuti acheneswe unozosuka zvokufuka zvake, nokupara bvudzi rake reshe, adzishambidze pachake mumvura, naye unozoita wakacheneswa. Ngesure kweizvo unozouya mukamba, asi unozogara kubanze kwetende rake mazuva manomwe.

Revhi 8:33

Nemwi amuzobudi kubva kumusiwo wetende romushongano metsa kupere mazuva manomwe, metsa mazuva okudzodzwa kwenyu apera, ngokuti zvinotora mazuva manomwe kumudzodza.

Revhi 15:28

Kudai mubvidza wake wechizopwa, ngaadzierengere mazuva manomwe, ngesure kweizvo unozoita wakasukika.

Revhi 15:5

Weshe unobata mubhedhi wake unozosuka zvokufuka zvake, nokudzishamba ngemvura, naye unozoita wakasvipiswa metsa madeekoni.

Chakapangijihwa 1:5

nokunobva kunaJesu Kristu uri chapupu chakagondeka, dangwe rokumuka kwevakafa, nomutongi wemadzimambo enyika. Kwaari uwo wakatida, akatisunhura kubva kuzvishaishi zvedu ngengazi yake,

Jakobe 4:8

Kwedzerai pasinde naMwari, naye unozokwedzera pasinde kwomuri. Shambai nyara dzenyu, imwimwi vashaishi, muchenese mwoyo yenyu imwimwi munemipinimidzo miiri.

2 VaK. 7:1

Ndizvo vanodikanwa, kudai ngezvetinazvo izvi zvigondiso, ngatidzichenese pachedu kubva kunezvinosvipisa zveshe zvenyama nezvomweya, techiperera mukucheneswa mukutya Mwari.

Jer. 33:8

Ndinozovachenesa kubva mukusvipiswa kwavo kweshe kwevakaitwa ngokushaisha nokumukira kwavo neni ndinozovakungurira kushata kweshe kwezvishaishi zvavo nokumukira kwevakaita kwendiri.

Zvi. 12:14

Asi Mambo Mwari wakati kunaMosi, “Kudai baba ake vaiya vakamupfira mata muhope mwake, asaizoita unotsveruka here mazuva manomwe? Ngaabviswe akonyerwe kubanze kwekamba mazuva manomwe, ngesure kweizvo ngaaunzwezve.”

Revhi 14:10

“Ngezuva rechisere unozotora magondohwe mairi asina kuremara, nethukazi rimwe regwai rinegore rimwe, risina kuremara, nomudiro wezviyo makhirogramu matatu oufu hwakamotseka, kuita mudiro wezviyo unokumanidzwa nemafuta, nebhesini rendiro yemafuta.

Revhi 9:1

Ngezuva rechisere Mosi wakadaidza Aroni nevakororo vake, nevakuru vaIsuraeri.

EKISEDHUSI 29:37

Mazuva manomwe unozoripira arita, urichenese; nearita rinozoita rakapindisisa kuchena; kunyazwi chiinyi chinogwama arita chinozocheneswa.

EKISEDHUSI 29:35

“Ndizvo zveunozoita kunaAroni nokuvakororo vake, kudai ngeizvo zveshe zvendakakupanga; mumazuva manomwe unozovagadza.