Revhi 14:8 - Bhaibheri Rakachena muChindau

⁸ Uwo unoda kuti acheneswe unozosuka zvokufuka zvake, nokupara bvudzi rake reshe, adzishambidze pachake mumvura, naye unozoita wakacheneswa. Ngesure kweizvo unozouya mukamba, asi unozogara kubanze kwetende rake mazuva manomwe.

Revhi 14:8 Iomraidhean Croise

2 MaKro. 26:21

Uzia mambo wakaita mapere metsa zuva rokufa kwake, aane mapere wakagara ega mumhatso yakaparadzana, ngokuti wakaparadzaniswa kubva kumhatso yaMambo Mwari. Jothamu mukororo wake waiya mukuru padera pemhatso yamambo, echitonga padera pevanhu venyika.

EKISEDHUSI 19:10

Mambo Mwari wakati kunaMosi, “Enda kuvanhu, uvachenese nyamashi namangwani. Ngavasuke zvokusimira zvavo,

EKISEDHUSI 19:14

Mosi wakadzaka kune vanhu kubva pamutunhu, akachenesa vanhu; navo vakasuka zvokusimira zvavo.

Revhi 11:25

Nouwo unozotwara nokuti ngechiri chomuiri wazvo unozosuka zvokusimira zvake, unozoita wakasvipiswa metsa madeekoni.

Revhi 14:20

nomupristi unozopira mudiro wokushaisha, nomudiro wezviyo padera pearita. Mupristi unozomuitira muripo, naye unozoita wakacheneswa.

Revhi 14:9

Ngezuva rechinomwe unozopara bvudzi resoro rake reshe nemurebvu wake, netsiyo dzemadziso ake, eya, nebvudzi rake reshe unozoripara. Zvino unozosuka zvokufuka zvake, nokushamba muiri wake ngemvura, naye unozoita wakacheneswa.

Revhi 15:13

“Naapo uwo unomubvidza acheneswa kubva kumubvidza wake ngaadzierengere mazuva manomwe okucheneswa kwake, asuke zvokufuka zvake, nokushamba muiri wake mumvura inoerera, naye unozoita wakasukika.

Revhi 8:6

Zvino Mosi wakaunza Aroni nevakororo vake, wakavashambidza ngemvura.

Zvi. 6:9

“Kudai munhu echizofa ngokukasira pasinde pake, naye echisvipisa soro rake ngezuva rokucheneswa kwake, ngezuva rechinomwe unozoripara.

Zvi. 8:7

Newe unozoita kudai kwavari, kuvachenesa: unozovafafazira mvura yokuchenesa, navo vanozopara muiri wavo weshe ngechisvo, vasuke zvokusimira zvavo, ndikwo kudzichenesa pachavo.

Dhuto. 21:12

naapo unozomuunza kumatso yako. Iye unozopara soro rake, nokugurira ndwara dzake.

1 Pet. 3:21

Ndiwo muedzaniso worubhabhatidzo runomuponesa, andirwopi runobvisa tsvina kubva panyama, asi chigondiso chakaitwa chomwoyo isina ndaa kunaMwari, kubudikidza ngokumuka kwaJesu Kristu kubva kwevakafa.

Chakapangijihwa 7:14

Ndikati kwaari, “Mambo wangu, ndimwi munozia.” Naye wakati kwendiri, “Ava ndivo vanobuda kubva mudambudziko gurutu; navo vakasuka zvokufuka zvavo, vakazvichenesa mungazi yeGwai.