Revhi 12:8 - Bhaibheri Rakachena muChindau

⁸ Kuti asikakoni kuunza gwai ngaaunze magora mairi nokuti njia itsva mbiri, imwe iite mudiro wokupisha, neimweni iite mudiro wokushaisha; nomupristi unozomuitira muripo wake, naye unozoita wakasukika.”

Revhi 12:8 Iomraidhean Croise

Revhi 1:14

“Kudai mudiro wake wokupisha kunaMambo Mwari uri weshiri, unozounza mudiro wake wegora nokuti wenjia itsva.

Revhi 12:7

Naye unozopira pamberi paMambo Mwari, kuita muripo wake; unozosukika kubva kumubvidza wake. Ichi ndicho chironzo chouwo unobara mwana womukomana nokuti mwanasikana.

Revhi 13:1

Mambo Mwari wakaereketa kunaMosi naAroni echiti,

Revhi 14:21

“Asi kudai ari murombo, asikakoni kuona zvakawanda kudaro, ngaatore gondohwe rimwe kuti riite mudiro wokupauka kuti uzunguzwe, kuti uitwe muripo kwaari, nekhirogramu rimwe roufu hwakamotseka hwakakumanidzwa nemafuta kuita mudiro wezviyo, nendiro yemafuta,

Revhi 14:22

nemagora mairi, nokuti njia mbiri itsva, zvaanokona kuona; imwe inozoita mudiro wokushaisha neimweni inozoita mudiro wokupisha.

Revhi 15:14

Ngezuva rechisere unozodzitorera magora mairi nokuti njia mbiri itsva, auye pamberi paMambo Mwari kumusiwo wetende romushongano, nokuzvipa kunomupristi.

Revhi 15:15

Mupristi unozopira imwe kuita mudiro wokushaisha, neimweni kuita mudiro wokupisha; nomupristi unozomuitira muripo pamberi paMambo Mwari ngendaa yomutunda ngazi yake.

Revhi 15:29

Ngezuva rechisere unozodzitorera magora mairi, nokuti njia mbiri itsva, nokudziunza kunomupristi, kumusiwo wetende romushongano.

Revhi 4:26

Naye unozopisha mafuta acho eshe padera pearita, kudai ngemafuta omudiro wokuiyana; ngokudaro mupristi unozoita muripo ngendaa yechishaishi chake, nacho chinozorekererwa kwaari.

Revhi 5:11

“Asi kudai asikakoni kuunza magora mairi nokuti njia mbiri, unozounza mudiro wekhirogramu rimwe roufu hwakamotseka kuita mudiro wokushaisha. Asazodururira mafuta kwouri, zve, asazoisa makha kwouri, ngokuti mudiro wokushaisha.

Revhi 5:7

“Asi kudai asikakoni kuunza gwai, unozounza kunaMambo Mwari ngendaa yechishaishi chake chaakashaisha magora mairi, nokuti njia mbiri, imwe yomudiro wechishaishi, neimwenizve yomudiro wokupisha.

Mateu 21:12

NaJesu wakapotera muTemperi, wakabudisa avo veshe vaitengesa naavo vaitenga muTemperi, naye wakapinduridza matafura eavo vaitenganisana mare nezvigaro zvaavo vaitengesa njia.

2 VaK. 8:9

Ngokuti imwimwi munozia nyasha dzaMambo wedu Jesu Kristu, kuti kunyazwi iye waiya mupfumi, asi ngendaa yenyu wakaita murombo, kuti imwimwi ngourombo hwake muite vapfumi.