Revhi 12:7 - Bhaibheri Rakachena muChindau

⁷ Naye unozopira pamberi paMambo Mwari, kuita muripo wake; unozosukika kubva kumubvidza wake. Ichi ndicho chironzo chouwo unobara mwana womukomana nokuti mwanasikana.

Revhi 12:7 Iomraidhean Croise

Jobe 1:5

Naapo mazuva edhiri apera, Jobe waizotuma kuti avachenese, naye waizomiruka mangwanani maishi nokupira midiro yokupisha kudai ngouwandu hwavo veshe; ngokuti Jobe wakati, “Pamweni vakororo vangu vangadai vakashaisha nokutuka Mwari mumwoyo mwavo.” Jobe waiita izvi nguva dzeshe.

Jobe 14:4

Ndiani ungakona kubudisa chiro chakasukika kubva kunechiro chisikazi kusukika? Akuna naumwe ungakona.

Revhi 1:4

Unozoisa nyara yake padera pesoro romudiro wokupisha, nawo unozoashirika kwaari kuita kuripirwa kwake.

Revhi 12:6

“Naapo mazuva okusukika kwake apera, omwana womukomana nokuti omusikana, ngaaunze kunomupristi gwai raane gore rimwe, kuita mudiro wokupisha, nokuti njia itsva nokuti gora, kuita mudiro wokushaisha, pamusiwo wetende romushongano.

Revhi 12:8

Kuti asikakoni kuunza gwai ngaaunze magora mairi nokuti njia itsva mbiri, imwe iite mudiro wokupisha, neimweni iite mudiro wokushaisha; nomupristi unozomuitira muripo wake, naye unozoita wakasukika.”

Revhi 15:15

Mupristi unozopira imwe kuita mudiro wokushaisha, neimweni kuita mudiro wokupisha; nomupristi unozomuitira muripo pamberi paMambo Mwari ngendaa yomutunda ngazi yake.

Revhi 4:20

Unozoitazve kumukono uwo kudai ngezvaakaita kunomukono womudiro wokushaisha; nomupristi ngokudaro unozoita muripo ngepamusoro pavo, nakwo kunozorekererwa kwavari.

Revhi 4:26

Naye unozopisha mafuta acho eshe padera pearita, kudai ngemafuta omudiro wokuiyana; ngokudaro mupristi unozoita muripo ngendaa yechishaishi chake, nacho chinozorekererwa kwaari.

Revhi 4:31

Naye unozodusa mafuta ayo eshe, kudai ngemafuta anoduswa kubva kumudiro wokunyarara; nomupristi unozoapishira padera pearita kuita gwema rakanaka kunaMambo Mwari; ngokudaro mupristi unozoita muripo ngendaa yake, nakwo kunozorekererwa kwaari.

Revhi 4:35

Unozotora mafuta aro eshe, kudai ngemafuta egwai anotorwa kubva kumudiro wokuiyana, nomupristi unozoapisha padera pearita, kudai ngezvinoitwa kumidiro yomuriro kunaMambo Mwari. Ndizvo mupristi unozoita muripo ngendaa yechishaishi chake chaakashaisha, nacho chinozorekererwa kwaari.

Varoma 3:23

ngokuti veshe vakashaisha avahaniri kuuthende hwaMwari;

Varoma 3:26

Kwaiya kuonisa ngouyu mukuwo kuti iye pachake wakarurama nokupembedza uwo unotenda munaJesu.

1 VaK. 7:14

Ngokuti mwamuna usikatendi unocheneswa kubudikidza ngomukadzi, nomukadzi usikatendi unocheneswa kubudikidza ngomwamuna. Dai zvisikazi kudaro, vana venyu vaizodai vasikazi kucheneswa, asi zvino vakacheneswa.

Vagaratiya 3:28

Apachina muJudha nokuti muGiriki, apachina wakasungwa nokuti wakasunhurika, apachina mwamuna nokuti mukadzi, ngokuti imwimwi mweshe muri umwe munaKristu Jesu.