Revhi 12:3 - Bhaibheri Rakachena muChindau

³ Ngezuva rechisere mwana womukomana unozochekwa ganda repamberi pomuiri wake.

Revhi 12:3 Iomraidhean Croise

EKISEDHUSI 22:30

Unozoita kudaro kabi dzako nemakwai ako; inozogara namai ayo mazuva manomwe; ngezuva rechisere unozoipira kwendiri.

Revhi 12:4

Naye unozogara mazuva makumi matatu nematatu okubva mungazi yokubara kwake; asazobata chiro chakachena, nokuti kupotera kundau yakachena, metsa mazuva okusukika kwake apere.

Revhi 15:3

Uku kunozoita kusikasukika kwake kwomutunda ngazi wake: kunyazwi muiri wake wechibudisa mutunda ngazi, kunyazwi muiri wake wapwa, kuri kusvipiswa kwake.

Ruka 1:59

Kwakaitika ngezuva rechisere kuti vakauya kuzocheka mwana, navo vaida kumududza zina rake kuti ndiZekharia, kudai ngezina rababa ake.

Ruka 2:21

Naapo mazuva masere apera okuti achekwe, vakadudza zina rake kuti Jesu, iro rakadudzwa ngengirosi isati yaapo mimba yake.

Zvak. 15:1

Vanhu vamweni vakadzaka vechibva Judhia, vaidzidzisa hama vechiti, “Ngepabanze pokuti mwachekwa, kudai ngomushuma waMosi, amungaponeswi.”

Varoma 3:19

Zvino tinozia kuti kunyazwi ngechiri chinoronzwa ngoMupango chinoereketwa kwavari vari pashi peMupango, kuti miromo yeshe inyaradzwe, nenyika yeshe iuye mukutonga kwaMwari.

Vagaratiya 3:17

Chendinoronza ngeichi; Mupango wakauya mazana marongomuna nemakumi matatu emakore karetu achingaiti kuti chiite chisina shwiro chitenderano chaiya chakaemeswa ndiMwari karetu, kuti chigondiso chaMwari chikorere.

Vagaratiya 5:3

Inini ndinopupura kumunhu weshe unoashira kuchekwa kuti iye unomutari wokungwarira Mupango weshe.

Dhuto. 30:6

Zve, Mambo Mwari, Mwari wenyu, unozocheka mwoyo wenyu nomwoyo yemibarirwana yenyu, kuti mude Mambo Mwari, Mwari wenyu ngomwoyo wenyu weshe, nomweya wenyu weshe, kuti mupone.

Vafiripi 3:5

ndakachekwa ngezuva rechisere, ndiri worudzi rwevanhu vaIsuraeri, ndiri wedzinza raBhenjamini, ndiri muHebheru wakabarwa ngevaHebheru; paMipango ndiri muFarisi;

Vakorose 2:11

Mwaariwo imwimwi mwakachekwa ngokuchekwa kusikaitwi ngenyara, ngokubviswa kwomuiri wenyama, mukuchekwa ukwo kuri kwaKristu;