Revhi 11:44 - Bhaibheri Rakachena muChindau

⁴⁴ Ngokuti inini ndini Mambo Mwari, Mwari wenyu; ndizvo munozodzichenesa, munozoita vakachena, ngokuti inini ndiri wakachena. Zve, musazodzisvipisa ngezviro zvinogwezva padera penyika.

Revhi 11:44 Iomraidhean Croise

Nduyo 99:5

Kudzai Mambo Mwari, Mwari wedu, mudire muri pachitambariro chake. Iye wakachena!

Nduyo 99:9

Kudzai Mambo Mwari, Mwari wedu, mudirei pamutunhu wake wakachena; ngokuti Mambo Mwari, Mwari wedu, wakachena. Nduyo yoKubonga.

EKISEDHUSI 16:12

“Ndakazwa kuvhuruvhuta kwevana vaIsuraeri. Ereketa kwavari wechiti, ‘Madeekoni munozodya nyama, mangwanani munozogutswa ngechingwa; nemwi munozozia kuti ndini Mambo Mwari, Mwari wenyu.’ ”

EKISEDHUSI 19:10

Mambo Mwari wakati kunaMosi, “Enda kuvanhu, uvachenese nyamashi namangwani. Ngavasuke zvokusimira zvavo,

EKISEDHUSI 19:6

Nemwi munozoita umambo hwevapristi kwendiri nedzinza rakacheneswa. Aya ndiwo mazwi ounozoereketa kunevana vaIsuraeri.”

EKISEDHUSI 20:2

“Ndini Mambo Mwari, Mwari wako, uwo wakakubudisa kubva munyika yeEgipite, kubva kumhatso youhloko.

EKISEDHUSI 22:30

Unozoita kudaro kabi dzako nemakwai ako; inozogara namai ayo mazuva manomwe; ngezuva rechisere unozoipira kwendiri.

EKISEDHUSI 22:31

Nemwi munozoita vanhu vakacheneswa kwendiri; ndizvo musazodya nyama yakarumwa ngezvikara mushango; munozoikandira imbwa.

EKISEDHUSI 23:25

Munozodira Mambo Mwari, Mwari wenyu, naye unozofumisa chingwa chenyu nemvura yenyu; neni ndinozobvisa nhenda kubva pakati penyu.

EKISEDHUSI 6:7

Ndinozomutora kuita vanhu vangu, neni ndinozoita Mwari wenyu. Nemwi munozozia kuti ndini Mambo Mwari, Mwari wenyu, uwo unomubudisa kubva pashi pemitwaro yevaEgipite.

Isa. 43:3

Ngokuti inini ndini Mambo Mwari, Mwari wako, Wakachena waIsuraeri, Muponesi wako. Ndinopa Egipite kuita muripiro wako, Ethiopia neSebha.

Isa. 51:15

Ngokuti inini ndini Mambo Mwari, Mwari wako, uwo unovhundura ruandhle maungu akaungumira; Mambo Mwari wehondo ndiro zina rake.

Revhi 10:3

Zvino Mosi wakati kunaAroni, “Ichi ndicho chaakaereketa Mambo Mwari echiti, ‘Ndinozocheneswa mukati mweavo vanokwedzera kwendiri, nepamberi pevanhu veshe ndinozoirikidzwa.’ ” NaAroni wakanyarara.

Revhi 11:43

Musazodziita chinyangadzo ngezviro zvinogwezva, zve, musazodzisvipisa ndizvo; kuti musvipiswe ndizvo.

Revhi 18:2

“Ereketa kunavanhu vaIsuraeri, wechiti kwavari: ‘Inini ndini Mambo Mwari, Mwari wenyu.

Revhi 19:10

Nemwi musazozuwa mivhini yenyu kuti isare isina zviro nokuti kunongeredza mavhini akawira pashi; munozozvisiira varombo nevapara: inini ndini Mambo Mwari, Mwari wenyu.

Revhi 19:2

“Ereketa kumbungano yeshe yevanhu vaIsuraeri, wechiti kwavari, ‘Munozoita vakachena ngokuti inini Mambo Mwari, Mwari wenyu ndiri wakachena.

Revhi 19:3

Munhu weshe unozoremeredza mai ake nababa ake, nokungwarira maSabatha angu: ndini Mambo Mwari, Mwari wenyu.

Revhi 19:4

Musapetukira kumiedzaniso, nokuti kudziitira zvimwari zvakanyunguruswa: inini ndini Mambo Mwari, Mwari wenyu.’

Revhi 20:26

Munozoita vakachena kwendiri; ngokuti inini Mambo Mwari ndiri wakachena, neni ndakamuparadzanisa kubva pakati pevanhu vamweni, kuti muite vanhu vangu.

Revhi 20:7

Ndizvo dzichenesenyi ngokwenyu, muite vakachena; ngokuti inini ndini Mambo Mwari, Mwari wenyu.

Revhi 21:8

Ndizvo munozovabata kudai ngevakacheneswa, ngokuti ndivo vanopira kudya kwaMwari wenyu; vanozoita vakachena kwomuri, ngokuti inini Mambo Mwari, uwo unomuchenesa, ndiri wakachena.

Amo. 3:3

Vairi vangahamba pamwepo, vasikazi kutenderana here?

Zvi. 15:40

Ndizvo mucherechedze muite mipango yangu yeshe, muite vakachena kunaMwari wenyu.

Mateu 5:48

Ndizvo imwimwi itai vakaperera, kudai ndiBaba enyu ari mudenga vakaperera. Chumairo Inoendemberi.

Dhuto. 14:2

Ngokuti muri vanhu vakachena kunaMambo Mwari, Mwari wenyu, naMambo Mwari wakamutsanangura kuti muite vanhu vakatsanangurwa vari vake, kupinda madzinza eshe ari padera penyika.

1 VaTes. 4:7

Ngokuti Mwari aazi kutidaidzira kunezvisikazi kusukika, asi mune zvakacheneswa.

Josh. 24:19

Asi Joshua wakati kuvanhu, “Amungashandiri Mambo Mwari, ngokuti iye uri Mwari wakachena; uri Mwari unendurumwa; aazomurekereri kupauka kwenyu nezvishaishi zvenyu.

1 Pet. 2:9

Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera, kuti muchumaire ngemishando inesimba yaakaita uwo wakamudaidza kubva muchidima, kuti mupotere mukujeka kwake kunoshamisa.

Chakapangijihwa 22:11

Iye usikazi kururama ngaagare asikazi kururama, nouwo unetsvina ngaagare anetsvina, nouwo wakarurama ngaagare kuita zvakarurama, nouwo wakacheneswa ngaagare kuita wakacheneswa.

1 Sam. 2:2

Akuna naumwe wakachena kudai ndiMambo Mwari, ngokuti akunazve umweni ngokubanze kwako; akuna buwe naimwe yakadai ndiMwari wedu.

1 Sam. 6:20

Zvino vanhu veBhethishemeshi vakati, “Ndiani unokona kuema pamberi paMambo Mwari, Mwari uyu Wakachena? Tinozomuendesa kunani abve kwetiri?”