Revhi 10:3 - Bhaibheri Rakachena muChindau

³ Zvino Mosi wakati kunaAroni, “Ichi ndicho chaakaereketa Mambo Mwari echiti, ‘Ndinozocheneswa mukati mweavo vanokwedzera kwendiri, nepamberi pevanhu veshe ndinozoirikidzwa.’ ” NaAroni wakanyarara.

Revhi 10:3 Iomraidhean Croise

Gen. 18:25

Ngazviite kuretu kubva kwouri zviro zvakadaro, kuuraya vakarurama pamwepo nevakashata, ngokudaro vakarurama vangazodai ngevakashata! Ngazviite kuretu kubva kwouri! Mutongi wenyika yeshe aazoiti zvakarurama here?”

Jobe 2:10

Asi iye wakati kwaari, “Iwewe unoereketa kudai ngoumwe wevakadzi vari mapenzi. Tinozoashira zvakanaka zvega kubva panyara yaMwari, tisikaashiri zvakashata here?” Muneizvi zveshe Jobe aazi kushaisha ngomuromo wake.

Nduyo 119:120

Muiri wangu unohuta ngokukutya; ndinotya zvitongero zvako.

Nduyo 148:14

Wamirudzira runyanga vanhu vake, kukudzwa kwevakacheneswa vake veshe, ngendaa yevaIsuraeri, avo vari pasinde pake. Kudzai Mambo Mwari!

Nduyo 39:10

Dusa mushwapu wako kwendiri; ndinopera kuchaiwa ngenyara yako.

Nduyo 39:9

Ndiri chimbungumbungu, andizi kushama muromo wangu; ngokuti ndiwe wazviita.

Nduyo 46:10

“Nyararai muzie kuti inini ndini Mwari! Ndinokudzwa pakati pamadzinza, ndinokudzwa munyika.”

Nduyo 89:7

Mwari unotyisa mumbungano yevakacheneswa, mukuru unotyiwa kupinda veshe vanomutendenedza?

Nduyo 93:5

Uchapupu hwako hunegwinyiso kakurutu; kuchena kunosisira mhatso yako, A Mambo Mwari, mhera nariini.

EKISEDHUSI 14:17

Neni ndinozokonzesa mwoyo yevaEgipite, navo vanozopoteremwo kuvateera: ndinozoremeredzwa padera paFaro nepehondo yake yeshe, nepengoro dzake nepevagadhi vake vemahachi.

EKISEDHUSI 14:4

Neni ndinozokonzesa mwoyo waFaro, naye unozovateera; inini ndicharemeredzwa padera paFaro nepehondo yake yeshe; nevaEgipite vanozozia kuti ndini Mambo Mwari.” Vakaita kudaro.

EKISEDHUSI 19:22

Nevapristiwo vanokwedzera kunaMambo Mwari, ngavadzichenese pachavo, kuti Mambo Mwari asazovaparadza.”

EKISEDHUSI 19:24

Mambo Mwari wakati kwaari, “Enda, udzake; ukwire, iwewe naAroni; asi vapristi nevanhu vasazodarika kukwira kunaMambo Mwari kuti asazovaparadza.”

EKISEDHUSI 30:30

Unozodzodza Aroni nevakororo vake nokuvachenesa, kuti vandishandire mumushando woupristi.

Isa. 39:8

Zvino Hezekia wakati kunaIsaya, “Izwi raMambo Mwari rewaereketa rakanaka.” Ngokuti wakapinimidza kuti, “Kunozoapo kunyarara nokungwaririka pamazuva angu.”

Isa. 49:3

Naye wakati kwendiri, “Uri muranda wangu, iwewe Isuraeri, uwo mwaari ndinozokudzwa.”

Isa. 52:11

Ibvai imwimwi, ibvai, budai kubanze kubvapo! Musagwama chiro chinosvipisa; budai kubva pakati paro; mudzichenese, imwimwi munotwara zvidziyo zvaMambo Mwari.

Ezek. 20:41

Kudai ngegwema rakanaka ndinozomuashira, pendinozomubudisa kubva pakati pemadzinza, nokumuunganidza kubva kunyika dzemwakaparadzirwa; ndinozoonisa kucheneswa kwangu pakati penyu mukuona kwemadzinza.

Ezek. 28:22

wechiti, ‘Izvi ndizvo zvinoronza Mambo Mwari, Mwari: Ringira ndinorwa newe, O Sidhoni; ndinozoirikidzwa pakati pako. Vanozozia kuti inini ndini Mambo Mwari, apo ndazopedza kuita kutonga kwangu mukati mwaro, nokuonesa kucheneswa kwangu mukati mwaro;

Ezek. 38:16

Unozokwira kurwa nevanhu vangu Isuraeri, kudai ngegore rinofukidzira nyika. Mumazuva okupedzisira, ndinozokuunza wechirwa nenyika yangu, kuitira kuti vemadzinza vandizie, apo kubudikidza ndiwe, O Gogi, ndinozoonisa kucheneswa kwangu pamberi pemadziso avo.’

Ezek. 40:46

Nekamera rakaringira dera ngerevapristi, vangwariri vomushando wearita; ava mibarirwana yaZadoki ivo vega pakati pemibarirwana yaRevhi, avo vangakwedzera pasinde paMambo Mwari kumushandira.”

Ezek. 42:13

Zvino wakati kwendiri, “Makamera edera neokubani akaringirana nepandau pasina chiro makamera akachena, apo vapristi vanokwedzera kunaMambo Mwari vanozodyisa zviro zvakachenesesa; umwo vanozoisa zviro zvakachenesesa, midiro yezviyo, midiro yokushaisha, nemidiro yokupauka, ngokuti ndau iyo yakachena.

Revhi 21:15

kuti asazotsverudza rudzi rwevanhu vake; ngokuti inini ndini Mambo Mwari uwo unomuchenesa.”

Revhi 21:17

“Ereketa kunaAroni wechiti, ‘Kunyazwi ndiani uri worudzi rwako, mumibarirwana yavo, uwo uri wakaremara, asazokwedzera kupira kudya kwaMwari wake.

Revhi 21:21

Akuna munhu worudzi rwaAroni, mupristi uri wakaremara unozokwedzera kupira midiro yaMambo Mwari inoitwa ngomuriro; uri wakaremara; aazokwedzeri kuti apire kudya kwaMwari wake.

Revhi 21:6

Vanozoita vakachena kunaMwari wavo, vasazotsverudza zina raMwari wavo; ngokuti ndivo vanopira midiro yaMambo Mwari, inoitwa ngomuriro, nokudyazve kwaMwari; ndizvo vanozoita vakachena.

Revhi 21:8

Ndizvo munozovabata kudai ngevakacheneswa, ngokuti ndivo vanopira kudya kwaMwari wenyu; vanozoita vakachena kwomuri, ngokuti inini Mambo Mwari, uwo unomuchenesa, ndiri wakachena.

Revhi 22:9

Ndizvo vanozongwarira zviemeso zvangu, kuti vasazotwara ndaa yokushaisha ndizvo, vechifira mukati mwendau yakachena ngendaa yokuisvipisa; inini ndini Mambo Mwari uwo unovachenesa.’

Revhi 8:35

Ndizvo munozogara pamusiwo wetende romushongano mazuva manomwe masikati nousiku, mungwarire kupanga kwaMambo Mwari kuti musafa; ngokuti ndakapangwa kudaro kwomuri.”

Zvi. 16:5

zvino wakaereketa kunaKhora nokunembungano yake yeshe echiti, “Mangwanani Mambo Mwari unozopangidzira kuti ngavari vake, nokuti ndiani wakachena; unozoita kuti akwedzere pasinde pake; uwo waanozotsanangura, iye unozoita kuti akwedzere kwaari.

Zvi. 20:12

Asi Mambo Mwari wakaereketa kunaMosi naAroni echiti, “Ngokuti amuzi kundigonda, kuonisa kucheneswa kwangu mukuona kwevaIsuraeri, ndizvo amuzoigumisi iyi mbungano kunyika yendakapa kwavari.”

Mateu 10:37

Iye unopinda kuda baba kunyazwi mai kuneinini, aazi kundisisira. Naye unopinda kuda mukororo kunyazwi mwanasikana kuneinini, aazi kundisisira.

Johani 12:28

Baba, ngarikudzwe zina renyu.” Apapo rakauya izwi rechibva mudenga rechiti, “Ndakarikudza, neni ndinozorikudzazve.”

Johani 14:13

Kunyazwi chiinyi chomunozokumbira ngezina rangu ndinozochiita, kuti Baba vairikidzwe kubudikidza ngoMukororo.

Dhuto. 32:51

Ngokuti imwimwi mweshe mwakapauka kubva kwendiri pakati pevaIsuraeri pamvura yeMeribhathikadheshi, mushango reZini; ngokuti wakakorera kundichenesa pakati pevaIsuraeri.

2 VaTes. 1:10

apo paanouya kooirikidzwa ngevakacheneswa vake nokushamiswa pakati pavo veshe vanotenda, ngeiro zuva, ngokuti uchapupu hwedu kwomuri hwakatendwa.

1 Pet. 4:17

Ngokuti nguva yaguma yokuti kutongwa kutange kumhatso yaMwari; kudai kwechitanga kwetiri, kunozoita kwakadini kugumisira kwevasikapurutani vhangeri raMwari?

1 Sam. 2:30

Ndizvo Mambo Mwari, Mwari waIsuraeri, unoti, ‘Ndakagondisa ngegwinyiso kuti vemhatso yako nevemhatso yababa ako vanozohamba pamberi pangu mhera nariini;’ asi zvino Mambo Mwari unoti, ‘Haiwa, azvizoitiki; ngokuti avo vanondiremeredza ndinozovaremeredza, naavo vanondishoora vanozonyenyeredzwa.’

1 Sam. 3:18

Ndizvo Samueri wakamuronzera zveshe, apana chaakamufishira. Zvino wakati, “NdiMambo Mwari; ngaaite zvinomunakira.”

1 Sam. 6:20

Zvino vanhu veBhethishemeshi vakati, “Ndiani unokona kuema pamberi paMambo Mwari, Mwari uyu Wakachena? Tinozomuendesa kunani abve kwetiri?”