Revhi 10:2 - Bhaibheri Rakachena muChindau

² Kwakabuda muriro kubva pamberi paMambo Mwari wakavapedza, navo vakafa pamberi paMambo Mwari.

Revhi 10:2 Iomraidhean Croise

2 Sam. 6:7

Noushungu hwaMambo Mwari hwakabakira Uza; naMwari wakamuchaya apo ngendaa yokushaisha kwake, naye wakafirapo pasinde pebhokisi rechitenderano chaMwari.

1 Madzi. 13:28

Wakaenda, akaona muiri wakakandirwa munjira, mbongoro nemhondoro zvakaema pasinde pomuiri. Mhondoro aizi kudya muiri uwo, nokuti kuruma mbongoro.

1 Madzi. 18:38

Zvino muriro waMambo Mwari wakadzaka, wakapedza mudiro wokupisha, huni, mapuwe, bukuta nemvura yaiya mumugero.

2 Madzi. 1:10

Asi Erija wakapingura, echiti kunenduna yemakumi mashanu, “Kudai ndiri munhu waMwari, ngaudzake muriro kubva mudenga ukuuraye iwewe nevanhu vako makumi mashanu.” Zvino muriro wakadzaka wechibva mudenga, ukauraya nduna nevanhu vayo makumi mashanu.

2 Madzi. 1:12

Asi Erija wakavapingura, akati kwevari, “Kudai ndiri munhu waMwari, muriro ngaudzake kubva mudenga ukuuraye iwewe nevanhu vako makumi mashanu.” Zvino muriro waMwari wakadzaka wechibva mudenga, ukauraya nduna nevanhu vayo makumi mashanu.

1 MaKro. 13:10

Noushungu hwaMambo Mwari hwakabaka kunaUza; wakamuchaira pashi ngokuti wakatambanudza nyara yake kubata bhokisi rechitenderano; naye wakafapo pamberi paMambo Mwari.

1 MaKro. 15:13

Ngokuti amuzi kuritwara pakutanga, Mambo Mwari, Mwari wedu wakatihonokera, ngokuti atizi kuringwarira kudai ngezvakaemeswa.”

1 MaKro. 24:2

Asi Nadhabhi naAbhihu vakafa kutangira baba avo, vaiya vasina vana; ndizvo Ereaza naIthama vakaita mushando woupristi.

Jobe 1:16

Naapo achaereketa kudaro, kwakaguma umweni, akati, “Muriro waMambo Mwari wakadzaka kubva mudenga, wapisha makwai nevaranda, ukazvipedza; inini ndega ndapokonyoka kuuya kookuronzera.”

Nduyo 50:3

Mwari wedu unouya, aanyarari; pamberi pake pane muriro unoparadza, dutu guru rinomutendenedza.

EKISEDHUSI 24:1

Zvino wakati kunaMosi, “Kwira kunaMambo Mwari, iwewe naAroni, Nadhabhi naAbhihu, nevakuru vaIsuraeri makumi manomwe, mudire muri kuretu.

Isa. 30:33

Ngokuti Tofethi yakanasirirwa kare; ngegwinyiso yakanasirirwa mambo; wakaita ndau yakadzama nokupamhama; muriro nehuni dzakawanda; femero raMambo Mwari rakadai ngerwizi rwesorufa rinobaka kuita muriro.

Revhi 10:5

Vakakwedzera pamberi, vakavatwara ngemabhachi avo kuenda kubanze kwekamba, kudai ngezvaakaronza Mosi.

Revhi 16:1

Mambo Mwari wakaereketa kunaMosi ngesure kwokufa kwevakororo vairi vaAroni, apo pevakauya pasinde pamberi paMambo Mwari, vakafa.

Revhi 9:24

Kwakabuda muriro kubva pamberi paMambo Mwari, wakapedza kupisha mudiro wokupisha nemafuta, zvaiya paarita; uwo wakaoneka ngevanhu veshe, vakadaidzira, vakawa pashi ngehope dzavo.

Zvi. 14:37

vamuna vakaunza mushumo wakashata ngendaa yenyika iyo, vakafa ngenhenda pamberi paMambo Mwari.

Zvi. 16:35

Kwakabuda muriro wakabva kunaMambo Mwari, wakapedza kuuraya vamuna vaiya mazana mairi nemakumi mashanu (250) vakapisha mutombo unegwema rakanaka.

Zvi. 16:49

Zvino avo vakaurawa ngenhenda vaiya gumi namarongomuna emakumi emazana nemazana manomwe (14,700), ngepabanze peavo vakafa ngendaa yaKhora.

Zvi. 26:61

Asi Nadhabhi naAbhihu vakafa, apo pevakapa muriro usikatenderwi pamberi paMambo Mwari.

Zvak. 5:10

Paripo wakawa pashi patsoka dzake, akafa. Naapo majaha apotera akamuona afa, akamutwara kumubudisa kubanze, akamuika paiya nomwamuna wake.

Zvak. 5:5

Naapo Ananiasi echizwa aya mazwi, wakawa pashi, akafa. Nokutya kwakakura kwakagumira avo veshe vakazvizwa.

1 VaK. 10:11

Asi izvi zviro zvakaitwa kwavari kuita zvionero; nazvo zvakanyorwa kuti zvitingwadze, isusu tagumirwa ngokupera kwenyika.

1 Sam. 6:19

Mambo Mwari wakauraya vanhu makumi manomwe veBhethishemeshi ngokuti vaiya varingira mubhokisi rechitenderano chaMambo Mwari; nevanhu vakachema ngokuti Mambo Mwari waiya auraya vanhu vazhinji ngokuuraya kukurutu.