Revhi 10:12 - Bhaibheri Rakachena muChindau

¹² Mosi wakaereketa kunaAroni nokunaEreaza nokunaIthama, vakororo vake vaiya vasara, “Torai mudiro wezviyo wakasara wemidiro yaMambo Mwari inoitwa ngomuriro, muudye usina mumera muri pasinde pearita, ngokuti uri wakachenesesa.

Revhi 10:12 Iomraidhean Croise

2 MaKro. 31:14

NaKore mukororo waImina muRevhi, uwo waiya murindi womusiwo wokumabvazuva, waiya mukuru padera pezvipo zvakapirwa ngokuda kunaMwari, kuti akoanisire zvipo zvaMambo Mwari neizvo zvakachenesesa.

Ezura 7:5

mukororo waAbhishua, mukororo waFinehasi, mukororo waEreaza, mukororo waAroni mupristi mukuru,

EKISEDHUSI 29:2

nechingwa chisina mumera, nemakeke asina mumera, zvakakanywa ngemafuta, nezvingwa zvidoodoko zvisina mumera, zvakadzodzwa ngemafuta. Unozozviita ngoufu hwakamotseka hwekoroni.

EKISEDHUSI 29:33

Vanozodya izvo zvakapirwa kuripa ndizvo, pakugadzwa nepakucheneswa; asi mupara aazozvidyi, ngokuti zvakacheneswa.

EKISEDHUSI 6:23

Aroni wakaroora Erishebha, mwanasikana waAminadhabhi mukunda waNashoni; iye wakamubarira Nadhabhi, Abhihu, Ereaza naIthama.

Ezek. 44:29

Vanozodya midiro yezviyo, midiro yokushaisha, midiro yokupauka; zveshe zvakapirwa muIsuraeri zvinozoita zvavo.

Revhi 10:13

Nemwi munozoudya pandau yakachena, ngokuti uri chikoaniswa chako nechikoaniswa chevakororo vako, chemidiro yaMambo Mwari inoitwa ngomuriro; ngokuti ndakapangwa kudaro.

Revhi 21:22

Unozodya kudya kwaMwari wake, kweshe ukwo kwakachenesesa noukwo kwakachena.

Revhi 24:9

Nazvo zvinozoita zvaAroni nezvevakororo vake; vanozozvidyira mundau yakachena, ngokuti zviri zvakachenesesa kwaari, zvemidiro yaMambo Mwari inoitwa ngomuriro, ngechiemeso chemhera nariini.”

Revhi 7:9

Nemidiro yeshe yezviyo yakabikwa pachoto, neyakabikwa muhari, neyakakangwa muruwenda, inozoita yomupristi wakaipira.

Zvi. 3:2

Aya ndiwo mazina evakororo vaAroni; Nadhabhi dangwe rake, naAbhihu, Ereaza, naIthama.