Revhi 1:3 - Bhaibheri Rakachena muChindau

³ “Kudai mudiro wake uri mudiro wokupisha wezvifuyo, ngaape yomukono isina kuremara naye unozopa kudai ngokuda kwake pamusiwo wetende romushongano pamberi paMambo Mwari.

Revhi 1:3 Iomraidhean Croise

Gen. 22:13

Abrahama wakamirudza madziso ake, akaringira, akaona sure kwake gondohwe raiya rakabatwa muchitenhere ngenyanga dzaro; Abrahama wakaenda, akatora gondohwe, akaripira kuita mudiro wokupisha pandau yomukororo wake.

Gen. 22:2

Wakati, “Tora mukororo wako, mukororo wako ega, Isaka, uwo wounoda, uende kunyika yeMoria; umupirepo kuita mudiro wokupisha, padera poumwe wemitunhu wendinozokuronzera.”

Gen. 22:8

Abrahama wakati, “Mukororo wangu, Mwari unozodzionera emene gwai rokuita mudiro wokupisha.” Ndizvo vakahamba veshe pamwepo.

Gen. 8:20

Zvino Noa wakaakira Mambo Mwari arita; wakatora imwe kubva kumbeu imwe ngaimwe yemhuka yeshe yakasukika, nokune mbeu yeshiri yeshe yakasukika, akaita midiro inopishwa padera pearita.

2 MaKro. 29:32

Nouwandu hwemidiro yokupisha yakaunzwa ngembungano yaiya mikono makumi manomwe, nemagondohwe zana (100), nezvimakwai mazana mairi (200); zveshe izvi zvaiya midiro yokupisha kunaMambo Mwari.

2 MaKro. 35:12

Vakadusa midiro yokupisha kuti vapire kudai ngezvikwata zvemhatso dzemadzibaba evanhu, kuti vapire kunaMambo Mwari, kudai ngezvakanyorwa mubhuku raMosi. Vakaitazve kudaro nemikono.

Nduyo 110:3

Vanhu vako vanozodzipira ngokuda pazuva rounozotungamirira hondo yako pamutunhu wakacheneswa. Kubva muchibereko chemangwanani, kudai ngebeto, utsva hwako hunozouya kweuri.

Nduyo 40:8

Ndinodakara kuita kuda kwako, Mwari wangu; mupango wako uri mumwoyo mwangu.”

EKISEDHUSI 12:5

Kagwai kenyu kanozoita kasina kuremara, gondohwe rine gore rimwe; munozoritora kubva pamakwai nokuti kubva pambudzi.

EKISEDHUSI 24:5

Naye wakatuma majaha evana vaIsuraeri akapira midiro yokupisha, akabaira midiro yokuiyanisa yen'ombe kunaMambo Mwari.

EKISEDHUSI 29:18

Unozopisha gondohwe reshe padera pearita; uyu mudiro wokupisha kunaMambo Mwari; uri gwema rakanaka, mudiro unoitwa ngokupishwa kunaMambo Mwari.

EKISEDHUSI 29:4

Unozounza Aroni nevakororo vake kumusiwo wetende romushongano nokuvashamba ngemvura.

EKISEDHUSI 29:42

Unozoita mudiro unopishwa ngenguva dzeshe kumibarirwana yenyu pamusiwo wetende romushongano pamberi paMambo Mwari, apo pendinozoshongana newe, kuti ndierekete apo newe.

EKISEDHUSI 32:6

Vakafumira remangwanani kumiruka, vakapira midiro yokupisha nokuunza midiro yokuiyanisa; nevanhu vakagara pashi kudya nokumwa, vakamiruka kutamba.

EKISEDHUSI 35:21

Navo vakauya, munhu weshe wakasundwa ngomwoyo wake, nomunhu weshe wakasundwa ngomweya wake kuti atende, vakaunza zvipo kunaMambo Mwari, zvomushando wetende romushongano, nomushando waro weshe, nowokunasira zvokusimira zvakacheneswa.

EKISEDHUSI 35:29

Veshe vamuna nevakadzi, vana vaIsuraeri, vakasundwa ngomwoyo yavo vakaunza zvipo zvomushando waakapanga Mambo Mwari kubudikidza ndiMosi kuti uitwe, vakazviunza ngomwoyo inoda kunaMambo Mwari.

EKISEDHUSI 35:5

Torai kubva pakati penyu zvipo zvokuita mudiro kunaMambo Mwari; kunyazwi ndiani uno mwoyo unenyasha, ngaaunze zvipo: mukore sirivha nethusi;

EKISEDHUSI 36:3

Vakaashira kubva kunaMosi zvipo zveshe zvakaunzwa ngokuda ngevana vaIsuraeri zvokuita mushando wendau yakachena. Vakaangirira kuunza kwaari zvipo zvokupa ngokuda mangwanani eshe.

EKISEDHUSI 38:1

Wakaita arita rokupishira midiro ngomuti wehlofunga; urebu hwaro hwaiya mamitha mairi nezvidoko zviiri, nokupamhama kwaro kwaiya mamitha mairi nezvidoko zviiri, pamarupande aro marongomuna akaedzana; nokuturama kwaro kwaiya mitha rimwe nezvidoko zvitatu.

Isa. 1:11

“Mibairo yenyu mizhinji inodetserenyi kwendiri?” Mambo Mwari unoronza. “Ndaremba ngeminikero yemagondohwe anopishwa, nemafuta emhuka dzakakodzwa; andidakari ngengazi yemikono, nokuti yezvikwai neyemagotokoto.

Ezek. 20:40

Ngokuti pamutunhu wangu wakachena, mutunhu wakareba waIsuraeri, unoronza Mambo Mwari, Mwari, apo veshe vemhatso yaIsuraeri veshe avo vanozodira inini munyika; apo ndinozovaashira, naapo ndipo pendinozoda michero yenyu nezvipo zvenyu zvakapinda kunaka nezvakachena.

Ezek. 40:39

Nomuberere romusiwo aiyapo matafura mairi, kurutii rumwe nematafura amweni mairi kurutii rumweni, pokuurairapo midiro yokupisha, midiro yokushaisha, nemidiro yokupauka.

Revhi 1:10

“Kudai mudiro wake wokupisha wechibva pazvifuyo, makwai nembudzi, mudiro wake wokupisha unozoita wegondohwe negotokoto zvisina kuremara.

Revhi 14:10

“Ngezuva rechisere unozotora magondohwe mairi asina kuremara, nethukazi rimwe regwai rinegore rimwe, risina kuremara, nomudiro wezviyo makhirogramu matatu oufu hwakamotseka, kuita mudiro wezviyo unokumanidzwa nemafuta, nebhesini rendiro yemafuta.

Revhi 16:7

Naye unozotora zviphongo zviiri, nokuzvipira pamberi paMambo Mwari pamusiwo wetende romushongano;

Revhi 17:4

asikaiunzi kumusiwo wetende romushongano, kuipira kuita mudiro kunaMambo Mwari pamberi petabhenakeri raMambo Mwari, munhu uwo unozoa nendaa yengazi, ngokuti wakaparadza ngazi; unozogurwa kubva pakati pevanhu vake.

Revhi 17:8

“Newe unozoti kwavari, ‘Kunyazwi ngouri munhu pakati pevaIsuraeri, nokuti munhu mupara unogara pakati penyu, unopira mudiro wokupisha nokuti mubairo,

Revhi 17:9

asikauunzi kumusiwo wetende romushongano, kuti aupire kunaMambo Mwari, uwo munhu unozogurwa kubva pakati pevanhu vake.’

Revhi 23:12

Nemwi munozopira gondohwe rinegore rimwe risina kuremara, ngeiro zuva raanozozunguza ndiro mwanda, kuti riite mudiro wokupisha kunaMambo Mwari.

Revhi 23:18

Munozopira pamwepo nezvingwa, magondohwe manomwe asina kuremara egore rimwe, nomukono umwe mutsva, nemagondohwe mairi kuita mudiro wokupisha kunaMambo Mwari, pamwepo nemidiro yayo yezviyo neyokumwa, mudiro unoitwa ngomuriro, wegwema rakanaka kunaMambo Mwari.

Revhi 3:1

“Kudai mudiro uri mudiro wokuiyana, kudai wechipira mhuka kubva kumutanga wezvifuyo, kunyazwi uri mukono nokuti tukazi, unozoupira pamberi paMambo Mwari isina kuremara.

Revhi 4:15

Vakuru vembungano vanozoisa nyara dzavo padera pesoro romukono pamberi paMambo Mwari, nomukono uwo unozourawa pamberi paMambo Mwari.

Revhi 4:23

naapo chishaishi chake chaakashaisha chaziikanwa kwaari, unozounza chigotokoto chisina kuremara kuita mudiro wake.

Revhi 4:3

“Kudai mupristi wakadzodzwa echishaisha, ndizvo akaisa vanhu mundaa, naapo ngaaunze kunaMambo Mwari mukono usina kuremara ngendaa yokushaisha kwake kwaakashaisha kuti aite mudiro wokushaisha.

Revhi 4:32

“Kudai echiunza gwai kuti riite mudiro wokushaisha, ngaaunze thukazi risina kuremara.

Revhi 5:15

“Naapo umwe wenyu echizoita chishaishi chokupauka, echishaisha ngokusikazia kuneizvo zvakachena zvaMambo Mwari; naapo unozounza kunaMambo Mwari kuita mudiro wechishaishi chokupauka kwake, gondohwe risina kuremara kubva mumitanga, zvinoshandurwa kuita zvigurwa zvesirivha, kudai ngechipimo chinoshandiswa mundau yakachena, kuita mudiro wechishaishi chokupauka.

Revhi 5:18

Unozounza kunomupristi gondohwe risina kuremara kubva mumitanga, nokuti zvakaedzana kuita mudiro wechishaishi chokupauka; nomupristi ngokudaro unozoita muripo ngendaa yokusikazia kwake kwaakapauka asikazi kuzia, naye unozorekererwa.

Revhi 6:2

“Kudai umwe wenyu echishaisha, nokuita chishaishi chokupauka kubva kunaMambo Mwari, echinyepa kunomuakirwana wake ngendaa yeicho chakapuwa kwaari kuti achingwarire, nokuti ngendaa yechibatiso, nokuti ngendaa yokupamba, nokuti ngokuchengedza muakirwana wake,

Revhi 6:8

Mambo Mwari wakaereketa kunaMosi echiti,

Revhi 7:16

Asi kudai uri mudiro wemhiko, wokupira ngomwoyo unoda, ngaudyiwe ngeiro zuva rowakapirwa ndiro mudiro wake, zve nechimangwani icho chakasara chinozodyiwa.

Revhi 8:18

Zvino wakaunza gondohwe romudiro wokupisha. Aroni nevakororo vake vakaisa nyara dzavo padera pesoro raro,

Revhi 8:21

Ngesure kwokusuka maura nemadondova ngemvura, Mosi wakapisha gondohwe reshe paarita; naro rakaita mudiro wokupisha kuita gwema rakanaka, mudiro unoitwa ngomuriro kunaMambo Mwari, kudai ngezvaakapanga Mambo Mwari kunaMosi.

Revhi 9:2

Naye wakati kunaAroni, “Tora mukono mutsva kuita mudiro wokushaisha, negondohwe risina kuremara kuita mudiro wokupisha, uzvipire pamberi paMambo Mwari.

Zek. 13:7

“Muka, O shoti, urwe nomuushi wangu, urwe nomunhu uri hama yangu, unoronza Mambo Mwari wehondo. Baya muushi, kuti makwai apararire kweshe; ndinozopetudza nyara yangu padera pevadoko.

Mar. 1:14

Ngaatukwe muchengedzeri, uwo unegondohwe pakati pemakwai ake, unopika kuripira, asi echipira kunaMambo Mwari chiro chinoshooreka; ngokuti ndiri Mambo mukuru, unoronza Mambo Mwari wehondo, nezina rangu rinoremeredzwa pakati pemadzinza.”

Zvi. 15:3

nemwi mwechizoita mudiro wokupisha ngomuriro kunaMambo Mwari, kubva kun'ombe, nokuti makwai, nokuti mudiro wokupisha nokuti mubairo wokuripira mhiko, nokuti kupira ngomwoyo unotenda, nokuti mudiro wemadhiri, nokuita mudiro unegwema rakanaka kunaMambo Mwari,

Zvi. 15:8

Naapo unozonasirira mukono kuita mudiro wokupisha, nokuti kuita mudiro wokuripira mhiko, nokuti kuita mudiro wokunyarara kunaMambo Mwari,

Zvi. 19:2

“Uku ndikwo kuemeswa kwechironzo chaakapanga Mambo Mwari echiti, ‘Ronzera vaIsuraeri, kuti vakuunzire tsiru shava risina kuremara nokuti mukovha, risikazi kumbosungwa pajoka.

Zvi. 23:19

Mwari aasiri munhu akadi, kuti anyepe; nokuti mukororo womunhu kuti atenderuke. Chaakagondisa aazochiiti here? Chaakaereketa aazochizadzisi here?

Zvi. 23:27

Ndizvo Bharaki wakati kunaBharamu, “Ndinokupota, uya, ndinozoenda newe kundau imweni; pamweni Mwari unozotenda kuti unditukire avo kubvira apo.”

Zvi. 23:3

Zvino Bharamu wakati kunaBharaki, “Ema panapa nomudiro wako wokupisha, inini ndechienda parutii; pamweni Mambo Mwari unozouya kushongana neni. Kunyazwi ngechiri chaanozondionisa ndinozokuronzera.” Naye wakakwira kundau yakakwirira.

Zvi. 23:30

Ndizvo Bharaki wakaita kudai ngezvaakaronza Bharamu, wakapira apo mukono negondohwe panarimwe ngarimwe remaarita.

Zvi. 28:11

“Mukuamba kwokutawa kwomwedzi yenyu munozopira mudiro wokupisha kunaMambo Mwari: mikono miiri mitsva, gondohwe rimwe nezvimagondohwe zvinomwe zvinegore rimwe zvisina kuremara;

Zvi. 28:19

Munozopira mubairo unoitwa ngomuriro kuita mudiro wokupisha kunaMambo Mwari: mikono miiri mitsva, gondohwe rimwe, nezvimagondohwe zvinomwe zvinegore rimwe zvisina kuremara.

Zvi. 28:31

Munozozvipira ngepabanze pomudiro wezuva rimwe ngarimwe wokupisha, nomudiro wezviyo munozozvipira nomudiro wazvo wokumwa. Zvinozoita zvisina kuremara.

Zvi. 29:13

Munozopira mudiro wokupisha, mubairo unoitwa ngomuriro, kuita gwema rakanaka kunaMambo Mwari: mikono mitsva gumi namitatu, magondohwe mairi, nezvimagondohwe gumi nazvirongomuna zvinegore rimwe. Zvinozoita zvisina kuremara.

Zvi. 29:2

nemwi munozopira mudiro wokupisha kuita gwema rakanaka kunaMambo Mwari: mukono umwe mutsva, gondohwe rimwe, nezvimagondohwe zvinomwe zvinegore rimwe, zvisina kuremara.

Ruka 1:35

Ngirosi yakapingura, ikati kwaari, “Mweya Wakachena unozouya padera pako, ndizvo uwo unozobarwa unozozwi wakachena, Mukororo waMwari.

Johani 1:36

naye aona Jesu echihamba, wakati, “Ringirai, Kagwai kaMwari!”

Johani 10:7

Ndizvo Jesu wakaereketazve kwavari echiti, “Ngegwinyiso ndinoti kwomuri, inini ndiri musiwo wemakwai.

Johani 10:9

Inini ndiri musiwo; kunyazwi ndiani unopinda ndini, unozoponeswa, unozopotera nokubuda, aone kudya.

2 VaK. 8:12

Ngokuti kudai kuripo kuda, nechipo chinoashirika kudai ngezvaanazvo munhu, haiwa kudai ngezvaasina.

2 VaK. 9:7

Umwe ngaumwe ngaape kudai ngezvaakaemesa mumwoyo mwake; haiwa zimupira nokuti ngokuangiridzwa; ngokuti Mwari unoda unopa ngokudakara.

Vaefesu 2:18

ngokuti kubudikidza ndiye isusu teshe tinokona kupinda ndiMweya umwe kunaBaba.

Vaefesu 5:27

kuti adziisire chiara kwaari chiri chiara chinounaku, chisina ndemo nokuti kuonyana nokuti chiro chimweni chakadaro, asi kuti chiite chakacheneswa, chisina neara.

Dhuto. 12:27

Nemwi munozopira midiro yenyu yokupisha, nyama nengazi, padera pearita raMambo Mwari, Mwari wenyu; nengazi yemibairo yenyu inozodururwa padera pearita raMambo Mwari, Mwari wenyu, nemwi munozodya nyama.

Dhuto. 15:21

Nokudai yakaremara kukumhina, nokuti ubofu, nokuti gotsa rakashata, usaipa kuita mubairo kunaMambo Mwari, Mwari wako.

Dhuto. 17:1

Musazopira kuita mubairo kunaMambo Mwari, Mwari wenyu kunyazwi ngeiri n'ombe nokuti hwai yakaremara nokuti inechakashata kunyazwi ngechiri; ngokuti izvo zvinyangadzo kunaMambo Mwari, Mwari wenyu.

Vahebheru 7:26

Ngokuti zvaiya zvakanaka kuti taisisira kuwa nomupristi mukuru, wakachena, usikashooreki, usina chinosvipisa, wakaparadzaniswa nevashaishi, wakamirudzwa padera pematenga.

Vahebheru 9:14

ngazi yaKristu inozopinda kwakaitawani, uwo kubudikidza ngomweya wemhera nariini wakadzipa asina chaangapomerwa kunaMwari, kuchenesa mhumba dzedu kubva kumishando yakafa kuti tishandire Mwari unopona!