Revhi 1:13 - Bhaibheri Rakachena muChindau

¹³ Asi unozosuka maura nemadondova aro ngemvura. Zvino mupristi unozopira zveshe, nokuzvipisha padera pearita; uyu mudiro wokupisha, mudiro unoitwa ngomuriro, wegwema rakanaka kunaMambo Mwari.

Revhi 1:13 Iomraidhean Croise

Gen. 8:21

Naapo Mambo Mwari wakafemba gwema rakanaka; naMambo Mwari wakati mumwoyo mwake, “Andichazotukizve mavhu ngendaa yomunhu, ngokuti kupinimidza kwomwoyo womunhu kwakandoshata kubvira muudoko hwake; zve, andichazoparadzizve zveshe zvinopona kudai ngezvendaita.

2 MaKro. 4:6

Wakaitazve mabhasini madoko gumi okushambiramwo, akaisa mashanu ngokumudyo, nemashanu ngokumuoshwe. Mukati mwawo mwaisukirwamwo zviro zveshe zvevaishandisa kuita midiro yokupisha. Gandwa raiya revapristi kuti vagezeremwo.

Ezek. 40:38

Paiya nekamera musiwo waro wairingira pasika dzemisiwo, apo pevaisukira midiro yokupisha.

Revhi 1:9

Asi maura ayo nemadondova ayo unozozvisuka ngemvura. Zvino mupristi unozopisha zveshe paarita, kuti uite mudiro wokupisha, mudiro unoitwa ngomuriro, unegwema rakanaka kunaMambo Mwari.

Revhi 2:11

“Kusazoapo mudiro wezviyo, womunozounza kunaMambo Mwari unozoa nomumera, ngokuti amutongozopishi mumera nokuti uchi mumudiro nokuti ngouri unoitwa ngomuriro.

Revhi 2:2

naye unozohuunza kunevakororo vaAroni vapristi, nomupristi unozonokora tsimba yahwo, hunemafuta nemakha; nomupristi unozohupisha kuita chicherechedziso padera pearita, kuti huite mudiro unoitwa ngomuriro, wegwema rakanaka kunaMambo Mwari.

Revhi 3:5

Zvino vakororo vaAroni vanozozvipisha padera pearita, ngepadera pomudiro wokupisha, uri padera pehuni dzomuriro, kudai ngomudiro unoitwa ngomuriro wegwema rakanaka kunaMambo Mwari.

Revhi 4:31

Naye unozodusa mafuta ayo eshe, kudai ngemafuta anoduswa kubva kumudiro wokunyarara; nomupristi unozoapishira padera pearita kuita gwema rakanaka kunaMambo Mwari; ngokudaro mupristi unozoita muripo ngendaa yake, nakwo kunozorekererwa kwaari.

Revhi 6:14

“Neichi ndicho chironzo chomudiro wezviyo: vakororo vaAroni vanozoupira pamberi paMambo Mwari paarita.

Revhi 8:21

Ngesure kwokusuka maura nemadondova ngemvura, Mosi wakapisha gondohwe reshe paarita; naro rakaita mudiro wokupisha kuita gwema rakanaka, mudiro unoitwa ngomuriro kunaMambo Mwari, kudai ngezvaakapanga Mambo Mwari kunaMosi.

Zvi. 15:3

nemwi mwechizoita mudiro wokupisha ngomuriro kunaMambo Mwari, kubva kun'ombe, nokuti makwai, nokuti mudiro wokupisha nokuti mubairo wokuripira mhiko, nokuti kupira ngomwoyo unotenda, nokuti mudiro wemadhiri, nokuita mudiro unegwema rakanaka kunaMambo Mwari,

Zvi. 15:4

naapo uwo unozopa mudiro wakadaro kunaMambo Mwari unozounzawo mudiro wezviyo worupande rwechegumi choufu hwakamotseka, hwakakumanidzwa norupande rwechirongomuna rweritha remafuta.

Zvi. 28:11

“Mukuamba kwokutawa kwomwedzi yenyu munozopira mudiro wokupisha kunaMambo Mwari: mikono miiri mitsva, gondohwe rimwe nezvimagondohwe zvinomwe zvinegore rimwe zvisina kuremara;

Zvi. 28:8

Gondohwe rimweni unozoripira madeekoni nomudiro wezviyo nomudiro wokumwa, wakadai ngewemangwanani; unozoupira kudai ngomudiro unoitwa ngomuriro, kuita gwema rakanaka kunaMambo Mwari.’

Dhuto. 12:27

Nemwi munozopira midiro yenyu yokupisha, nyama nengazi, padera pearita raMambo Mwari, Mwari wenyu; nengazi yemibairo yenyu inozodururwa padera pearita raMambo Mwari, Mwari wenyu, nemwi munozodya nyama.