Revhi 1:1 - Bhaibheri Rakachena muChindau

¹ Mambo Mwari wakadaidza Mosi, akaereketa kwaari kubva mutende romushongano echiti,

Revhi 1:1 Iomraidhean Croise

2 Madzi. 16:13

Naye wakapira mudiro wake wokupisha, nomudiro wezviyo, akadurura mudiro wokumwa, nokufafaza mudiro wengazi yokuiyanisa padera pearita.

2 MaKro. 29:32

Nouwandu hwemidiro yokupisha yakaunzwa ngembungano yaiya mikono makumi manomwe, nemagondohwe zana (100), nezvimakwai mazana mairi (200); zveshe izvi zvaiya midiro yokupisha kunaMambo Mwari.

EKISEDHUSI 19:3

Mosi wakakwira kunaMwari, naMambo wakamudaidza ari pamutunhu echiti, “Izvi ndizvo zvounoronza kune vemhatso yaJakobe, uronzere vana vaIsuraeri:

EKISEDHUSI 24:12

Mambo Mwari wakati kunaMosi, “Kwira kwendiri mumutunhu, ugaremwo; neni ndinozokupa marusamba emapuwe nezvironzo nemipango, izvo zvendakanyora, kuti adzidziswe.”

EKISEDHUSI 25:22

Apapo ndinozoshongana newe, ndierekete newe, ndiri padera pechigaro chenyasha, ndizvo zveshe zvendinozokupa kupanga vana vaIsuraeri, pakati pemakherubhi zviiri zvine maphaphiro mairi zviri padera pebhokisi rechitenderano.

EKISEDHUSI 29:42

Unozoita mudiro unopishwa ngenguva dzeshe kumibarirwana yenyu pamusiwo wetende romushongano pamberi paMambo Mwari, apo pendinozoshongana newe, kuti ndierekete apo newe.

EKISEDHUSI 3:4

Naapo Mambo Mwari aona kuti wapauka kuona, Mwari wakadaidzira kwaari ari mukati mwepfiba, akati, “Mosi, Mosi!” Naye wakati, “Ndiri pano.”

EKISEDHUSI 33:7

Zvino Mosi waisitora tende echiriemesa ngokubanze kwematende, kuretu nematende; akaridudza kuti, “Tende romushongano.” Munhu weshe waitsvaka Mambo Mwari waibuda kuenda kutende romushongano, raiya kubanze kwematende.

EKISEDHUSI 39:32

Ndizvo wakapera mushando weshe wethabhenakeri retende romushongano; nevana vaIsuraeri vakaita kudai ndizvo zveshe zvaakapanga Mambo Mwari kunaMosi, ndizvo vakaita kudaro.

EKISEDHUSI 40:29

Wakaisa arita rokupishira mudiro pamusiwo wethabhenakeri retende romushongano, akapirapo padera paro mudiro wokupisha newezviyo, kudai ngezvaakapanga Mambo Mwari kunaMosi.

Revhi 7:38

Icho chaakapanga Mambo Mwari kunaMosi paMutunhu weSinai, apo akapanga vanhu vaIsuraeri kuti vaunze midiro yavo kunaMambo Mwari, mushango reSinai.

Revhi 9:16

Wakaunza mudiro wokupisha, akaupira kudai ngomuitiro wacho.

Zvi. 1:1

NaMambo Mwari wakaereketa kunaMosi mushango reSinai, ari mutende romushongano, ngezuva rokutanga romwedzi wechipiri, ngegore rechipiri ngesure kwokubuda kwavo kubva munyika yeEgipite echiti,

Zvi. 7:15

mukono umwe mutsva, gondohwe rimwe, nekagondohwe kamwe kanegore rimwe kuita mudiro wokupisha;

Zvi. 7:89

Naapo Mosi apotera mukati mwetende romushongano kooereketa naMambo Mwari, wakazwa izwi rouwo waiereketa naye kubva pachigaro chenyasha chaiya padera pebhokisi rechitenderano, ari pakati pemakherubhi mairi, naye wakaereketa kwaari.

Johani 1:17

Ngokuti mipango yakapuwa kubudikidza ndiMosi; asi nyasha negwinyiso zvakaapo kubudikidza ndiJesu Kristu.

Dhuto. 27:6

Munozoaka arita iro kunaMambo Mwari, Mwari wenyu ngemimhu yemapuwe. Munozopira midiro yokupisha apo kunaMambo Mwari, Mwari wenyu.