Neh. 5:9 - Bhaibheri Rakachena muChindau

⁹ Ndizvo ndakati, “Chiro icho chomunoita achizi kunaka. Amusisiri here kuti muhambe ngokumutya Mwari wedu, kuti tisazoshoorwa ngevemadzinza, magaa edu?

Neh. 5:9 Iomraidhean Croise

Gen. 20:11

Abrahama wakati, “Ndakachiita ngokuti ndakapinimidza kuti, ‘Ngegwinyiso akuna vanotya Mwari kundau iyi; vanozondiuraya ngendaa yomukadzi wangu.’ ”

Gen. 42:18

Ngezuva rechitatu Josefa wakati kwavari, “Itai ichi, mupone; ngokuti ndinomutya Mwari.

2 Sam. 12:14

Zvakanyadaro ngokuita kwako uku ngegwinyiso watuka Mambo Mwari, mwana wounobarirwa iwewe unozofa.”

Neh. 4:4

“Izwa, A Mwari wedu, ngokuti tinoshoorwa; kunukudzira kutuka kwavo padera pemasoro avo, uvapire kuti vaite vakachakatwa munyika youhloko.

Neh. 5:10

Zve, inini nehama dzangu, nevaranda vangu takavakweretesawo mare nezviyo. Ngatirekere kutora mare yokuuyirwa yakadaro.

Neh. 5:15

Asi vakatanga pamberi pangu vakaita mutwaro unorema kuvanhu, vakatora kubva kwevari zvokudya nevhini, ngapabanze pezvigurwa zvesirivha makumi marongomuna. Kunyazwi nevaranda vavo vakatwarisa padera pevanhu avo mitwaro inorema. Asi inini andizi kuita kudaro ngokuti ndinomutya Mwari.

Nduyo 90:11

Ndiani unozia simba roushungu hwako? Ushungu hwako hwakakura kudai ngokutyisa kunokusisira.

Mazwi 16:29

Munhu unogebenga unonyengerera muakirwana wake, nokumutungamirira munjira isikazi kunaka.

Mazwi 17:26

Kuripisa munhu wakarurama azvizi kunaka, nokuti kuchaya vanhu vakuru ngendaa yokururama.

Mazwi 18:5

Azvizi kunaka kuita mukheto kumunhu wakashata, nokuti kurasha wakarurama mukutonga.

Mazwi 19:2

Kudisisa kusina kuzia akuzi kunaka, naye unokasira kuhamba unorasha njira.

Mazwi 24:23

Ayawo mazwi evakangwara: Mukheto mukutonga auzi kunaka.

Ezek. 36:20

Asi apo pevakaguma mumadzinza, peshe pevakaenda, vakasvipisa zina rangu rakachena, apo pevakaereketwa ndivo kuti, ‘Ava ndivo vanhu vaMambo Mwari, asi vaiya vabuda kubva munyika yake.’

Revhi 25:36

Usatora kubva kwaari uyirwa nokuti zvinowanzirwa, asi unozotya Mwari wako; kuti hama yako igare newe.

Zvak. 9:31

Ndizvo chiara cheshe chaiya muJudhia nomuGarire neSamaria chakaona kunyarara, chikaakiwa, nacho chechihamba ngokumutya Mambo nomukuembedzerwa ndiMweya Wakachena, chakawandiswa.

Varoma 2:24

Ngokuti, kudai ngezvakanyorwa kuti, “Zina raMwari rinotukwa pakati pevemadzinza ngendaa yenyu.”

1 Tim. 5:14

Ndizvo ndinodisisa kuti shirikadzi itsva dziroorwe, dzibare vana, dzingwarire mizi yadzo, dzisapa gaa ndau yokutituka ndiyo.

Titosi 2:5

kuti vaite vakangwara, vakasukika, vanongwarira mizi yavo, vane nyasha, vanopfaira vamuna vavo, kuti izwi raMwari risazotukwa.

1 Pet. 2:12

Mudzibate ngokuremeredzeka kunosisira pakati pevemadzinza, kuti kuneizvo zvevanomureya ndizvo, kudai ngevaiti vakashata, vangaona ngemishando yenyu yakanaka, vakudze Mwari apo paanouya kootonga.

1 Sam. 2:24

Haiwa, vakororo vangu, azvizi kunaka zvendinozwa vanhu vaMambo Mwari vechiereketa ndizvo kweshe.