Neh. 4:7 - Bhaibheri Rakachena muChindau

⁷ Asi apo Sanibharati naThobhia, vaArabhia, vaAmoni nevaAshidhodhi vazwa kuti marukumbati eJerusarema aakiswa, nemaburi arwo otanga kutsiirwa, vakanyangadzwa kakurutu,

Neh. 4:7 Iomraidhean Croise

Gen. 3:15

Ndinozoisa ugaa pakati pako nomukadzi, nepakati pemibarirwana yako nemibarirwana yake; mibarirwana yake inozoremadza soro rako, newe unozoremadza chisisinho chake.”

2 Madzi. 24:2

Mambo Mwari wakatumira kwaari zvikwata zvehondo zvevaKharadhea, zvikwata zvevaAramu, zvikwata zvevaMoabhhi, nezvikwata zvevana vaAmoni, naye wakazvituma kurwisana naJudha kuti aiparadze, kudai ngeizwi raMambo Mwari raakaereketa kubudikidza ngevaranda vake vaprofeti.

2 MaKro. 20:1

Ngesure kweizvi vaMoabhi nevaAmoni nevamweni vevaMeuni vakaguma kunaJehoshafati koorwa hondo.

Ezura 5:8

Ngakuziikanwe kunamambo kuti takaenda kunyika yaJudha, kumhatso yaMwari mukuru. Iyo irikuakwa ngemapuwe makuru, nematanda anoiswa padera mumarukumbati; mushando uyu unoenda mberi zvakanaka, unobudirira munyara dzavo.

Neh. 2:10

Naapo Sanibharati muHoroni, naThobhia muAmoni mukuru, azwa izvi, zvakavasvipidza mwoyo kakurutu kuti kwauya munhu unotsvaka kudetsera vana vaIsuraeri.

Neh. 2:19

Asi apo Sanibharati muHoroni, naThobhia muAmoni mukuru, naGeshemu muArabhia, vazwa izvi, vakatisheka nokutishoora vechiti, “Chiinyi ichi chomunoita? Munomukira mambo here?”

Neh. 4:1

Zvino apo Sanibharati azwa kuti taiakisa rukumbati, wakatseneka nokunyangadzwa kakurutu, akasheka vaJudha.

Neh. 4:6

Ndizvo takaakisa rukumbati, norukumbati rweshe rwakashonganiswa pamwepo rwakapera rupande rumwe rwokureba kwarwo; ngokuti vanhu vaiya nomwoyo wokuda kushanda.

Neh. 4:8

navo veshe vakapangana zano pamwepo kuti vakwire koorwa neJerusarema nokurikangaidza.

Neh. 6:16

Naapo magaa edu eshe azwa ndizvo, madzinza eshe akatitendenedza vakatyiswa, vakapera simba kakurutu mukuona kwavo; ngokuti vakaona kuti uyu mushando wakaitwa ngokudetserwa ndiMwari wedu.

Jer. 25:20

vanhu veshe vakabvengedzana, madzimambo eshe enyika yeUzi, madzimambo eshe enyika yeFiristia, Ashikeroni, Gaza, Ekironi, nevakasara veAshidhodhi;

Jer. 41:10

Zvino Ishumaeri wakatora vanhu veshe vakasara muMizipha, wakavaita vabatwa, vanasikana vamambo nevanhu veshe vakasara muMizipha, avo vaakapa Nebhuzaradhani nduna yevarindi kunaGedharia mukororo waAhikamu. Ishumaeri mukororo waNethania wakavatora kuenda navo kuvaAmoni vari vabatwa.

Amo. 1:13

Izvi ndizvo zvinoronza Mambo Mwari: “Ngezvipauko zvitatu zvevaAmoni nezvirongomuna, andizopetudzi kuororwa; ngokuti vakatumbura vakadzi vanemimba muGireadhi, kuitira kuti vakudze nyika yavo.

Amo. 1:8

Ndinozoparadza vagari vanobva Ashidhodhi, nouwo unobata ndonga youmambo muAshikeroni; ndinozotenderudza nyara yangu kurwisa Ekironi, nevanosara vevaFiristia vanozofa,” unoronza Mambo Mwari.

Amo. 3:9

Teketesai mungome dzeAshidhodhi, nomungome dzomunyika yeEgipite mwechiti, “Unganai pachenyu padera pemitunhu yeSamaria, muringire nyongano huru irimwo mukati mwayo, kutambudzwanyi kuri mukati mwaro.

Zvak. 5:33

Naapo vazwa izvi, vakazadzwa ngoushungu, vakada kuvauraya.

Chakapangijihwa 12:17

Zvino dragoni rakatsenekera mukadzi, rikaenda, rikaambana nevamweni vana vake, avo vanongwarira mipango yaMwari vechibata uchapupu hwaJesu.

1 Sam. 11:2

Asi Nahashi muAmoni wakapingura, “Ngenjira iyi ndinozoita chitenderano nemwi, kuti nditochore madziso enyu eshe okumudyo, nokuzviita chitsverudzo padera pevaIsuraeri veshe.”