Neh. 2:8 - Bhaibheri Rakachena muChindau

⁸ netsamba inoenda kunaAsafi mungwariri wegwasha ramambo, kuti iye andipe matanda okunasira ndiwo misiwo yetemperi, yorukumbati rwedhorobha, neyemhatso yendinozogaramwo.” Namambo wakanditendera zvendakakumbira, ngokuti nyara yenyasha yaMwari wangu yaiya padera pangu.

Neh. 2:8 Iomraidhean Croise

Gen. 32:28

Zvino wakati, “Zina rako arichazodaidzwi kuti Jakobe, asi kuti Isuraeri, ngokuti wakadzipana naMwari nevanhu, ukanyisa.”

Ezura 5:5

Asi madziso aMwari wavo airingira padera pevakuru vevaJudha, navo avazi kuvarambidza, metsa ndaa yakaiswa kunaDhariusi, naapo vakapingurwa ngetsamba ndaa iyo.

Ezura 6:22

Ngokudakara vakaita dhiri rechingwa chisina mumera mazuva manomwe; ngokuti Mambo Mwari wakavaita kuti vadakare, naye wakatenderudzira mwoyo wamambo weAsiria kwevari, kuti agwinyise nyara dzavo kumushando wemhatso yaMwari, Mwari waIsuraeri.

Ezura 6:8

Zve, ndaisa mupango ngendaa yeizvo zvomunosisira kuitira ava vakuru vevaJudha kuti iakiswe iyi mhatso yaMwari; mubhadharo ubhadharwe kuneava vanhu, wakaperera ngokukasira; mare ngaitorwe kubva muupfumi hwoumambo, hwechibaro chenyika yoruseri rworwizi.

Ezura 7:6

uyu Ezura wakakwira kubva Bhabhuroni. Waiya munyori ngwazi mumipango yaMosi, iyo yakapuwa ndiMambo Mwari, Mwari waIsuraeri; namambo wakamupa zveshe zvaakakumbira, ngendaa yokuti nyara yaMambo Mwari, Mwari wake, yaiya padera pake.

Ezura 7:9

Ngezuva rokutanga romwedzi wokutanga, wakaamba kukwira kubva Bhabhuroni, ngezuva rokutanga romwedzi wechishanu wakaguma Jerusarema, ngokuti nyara yenyasha yaMwari wake yaiya padera pake.

Neh. 7:2

ndakaemesa Hanani hama yangu kuita mutongi padera peJerusarema, pamwepo naHanania mutongi wengome ngokuti iye waiya munhu unogondeka, unomutya Mwari kupinda vazhinji.

Mazwi 21:1

Mwoyo wamambo rwizi rwemvura munyara yaMambo Mwari; unoutenderedza kweshe kwaanoda.

Muchu. 2:5

Ndakadzinasirira minda neminda yemiti yemichero, ndakasimemwo miti yembeu dzeshe dzemichero.

Muchu. 2:6

Ndakadziitira makandwa emvura, okudiridzira makwasha anokura miti.

Isa. 66:14

Naapo mwaona, mwoyo yenyu inozodakara; magodo enyu anozokura kudai ngezvisimwa zvakasvipira; zvinozoziikanwa kuti nyara yaMambo Mwari iri kuvaranda vake, noushungu hwake kumagaa ake.”

Dha. 1:9

Zvino Mwari wakaita kuti Dhanieri aone nyasha norudo kukungurirwa pamberi penduna yengome.

Zvak. 26:22

Ndizvo ndakadetserwa ngorudetso rwakabva kunaMwari, ndichakaema nanyamashi, ndechipupura kwavari veshe vadoko nevakuru, ndisikaronzi chiro chimweni ngokubanze kweizvo zvevakaronza vaprofeti naMosi kuti zvinozouya;

Zvak. 7:10

naye wakamununurira kubva kumadambudziko ake eshe, wakamupa nyasha noungwaru pamberi paFaro, mambo weEgipite, uwo wakamuemesa kuti aite mutongi padera peEgipite nemhatso yake yeshe.

2 VaK. 8:16

Asi ngaabongwe Mwari uwo wakaisa mumwoyo mwaThithusi ukwo kutsamwirira kwendaiya nakwo pachangu ndimwi.