Neh. 2:5 - Bhaibheri Rakachena muChindau

⁵ Zvino ndakati kunamambo, “Kudai zvingadakadza mambo, nokudai muranda wako aona nyasha mukuona kwako, ndinokumbira kuti unditume Judha, kudhorobha remaiba emadzibaba angu, kuti ndiriakise.”

Neh. 2:5 Iomraidhean Croise

2 Sam. 14:22

Joabhi wakawa ngehope pashi, wakagwadama akafumisa mambo; naJoabhi wakati, “Nyamashi muranda wako unozia kuti ndaona nyasha pamberi pako, makosi wangu mambo, ngokuti mambo wapingura chakakumbirwa ngomuranda wake.”

Ezura 5:17

Ndizvo zvino, kudai kwechioneka kwakanaka kunamambo, ngakutsvakisiswe mumhatso yemabhuku ekaretu hwamambo muBhabhuroni kuti kuoneke kuti zvinegwinyiso here kuti Sairusi mambo wakapanga kuti mhatso yaMwari iakiswe muJerusarema. Mambo ngaatumire kwetiri chiri kuda kwake ngeiyi ndaa.

Neh. 2:4

Zvino mambo wakati kwendiri, “Chiinyi chounokumbira?” Ndizvo ndakakumbira kunaMwari womudenga.

Neh. 2:6

Mambo wakati kwendiri, (vahosi vaiya vakagarazve ngepasinde pamambo,) “Rwendo rwako runozoita rwenguva yakadini? Unozopetuka riini?” Ndizvo zvakamudakadza mambo kuti anditume; neni ndakamuemesera nguva.

Esita 1:19

Kudai zvechidakadza mambo, ngaaemese mupango woumambo unobva kwaari, nawo ngaunyorwe pakati pemipango yevaPhesia nevaMedhia, kuti usazoshandurwa, kuti Vhashiti vasachazouyazve pamberi pamambo Ahasuerusi; namambo ngaape ndau yake youhosi kunoumweni wakanaka kupinda iye.

Esita 5:8

Kudai ndaona nyasha mukuona kwamambo, nokudai zvechidakadza mambo kuti andipe chichemo changu, nokuita kudai ngechikumbiro changu, ngaauye mambo naHamani mangwani kudhiri rendinozovanasirira, neni zvino ndinozoita kudai ngezvaakaronza mambo.”

Esita 7:3

Zvino Esita vahosi wakapingura, akati, “Kudai ndaona nyasha mukuona kwamambo, A mambo, nokudaizve zvechidakadza mambo, ngandipuwe kupona kwangu, ndicho chichemo changu, nokupona kwevanhu vangu, ndicho chikumbiro changu.

Esita 8:5

Wakati, “Kudai zvechimudakadza mambo, nokudai ndaona nyasha mukuona kwake, nokudai ichi chiro chechioneka chakarurama pamberi pamambo, neni ndikaita unoashirika mukuona kwake, ngaunyorwe mupango unokunukudza tsamba idzo dzakarongwa zano ndiHamani mukororo waHamedhatha muAgagi, idzo dzaakanyora echipanga kuti vaJudha vaparadzwe, avo vari munyika dzeshe dzamambo.

Mazwi 3:4

Ndizvo unozoona kudiwa nokuzwisisa kwakwo mukuona kwaMwari nevanhu.

Dha. 9:25

Ndizvo zia uzwisise: Kubvira pakubuda kwomupango wokunasira nokuaka Jerusarema, kuguma kumukuwo woWakadzodzwa, mutongi, kunozoita mavhiki manomwe; nemavhiki makumi matanhatu nemairi rinozoakwazve rinepato norukumbati, ngemikuwo yokutambudzika.

Mateu 23:27

“Ihehe kwomuri vanyori nevaFarisi, vadziitisi! Ngokuti mwakadai ngemaiba akacheneswa, awo ngegwinyiso anooneka akanaka ngokubanze, asi ngomukati akazara ngemagodo evakafa nezveshe zvinetsvina.

Ruthe 2:13

Zvino wakati, “Ngandiangire kuona nyasha mukuona kwako, mambo wangu, ngokuti iwewe wandiembedzera, waereketa ngokuiyanisa kunemurandakadzi wako, kunyazwi ndisikazi kudai ngaumwe wevarandakadzi vako.”