Neh. 2:4 - Bhaibheri Rakachena muChindau

⁴ Zvino mambo wakati kwendiri, “Chiinyi chounokumbira?” Ndizvo ndakakumbira kunaMwari womudenga.

Neh. 2:4 Iomraidhean Croise

2 Sam. 15:31

Dhavhidha wakaronzerwa kuti, “Ahithoferi uri mukati mwebangano raAbhusaromu.” NaDhavhidha wakati, “A Mambo Mwari, ndinokupota, shandurai kupanga kwaAhithoferi kuita upenzi.”

1 Madzi. 3:5

MuGibheoni Mambo Mwari wakaoneka kunaSoromoni usiku mukurota; Mwari wakati kwaari, “Kumbira chounoda ndinozokupa.”

Neh. 1:11

A Mambo Mwari, ndinokupota, nzee yako ngaipurutane kukumbira kwomuranda wako, nemikumbiro yevaranda vako, vanemwoyo inechidisiso chokutya zina rako. Budiririsa muranda wako nyamashi, umuitiire nyasha mukuona kwouyu munhu!” Panguvayo ndaiya mutwari wetsani yamambo.

Neh. 1:4

Naapo pendakazwa mazwi aya, ndakagara pashi ndikachema nokutsumba kwemazuva, ndikaera kudya, ndikakumbira pamberi paMwari womudenga.

Neh. 1:5

Ndakati, “A Mambo Mwari, Mwari womudenga, Mwari mukuru nounotyisa, uwo unongwarira chitenderano nenyasha kwevari vanomuda nokungwarira mipango yake;

Neh. 2:20

Zvino ndakavapingura ndechiti kwevari, “Mwari womudenga ndiye unoita kuti tibudirire; neisusu varanda vake tinozomiruka titange kuaka; asi imwimwi amuna chikoaniswa, nokuti chichemo, nokuti chicherechedziso muJerusarema.”

Neh. 2:5

Zvino ndakati kunamambo, “Kudai zvingadakadza mambo, nokudai muranda wako aona nyasha mukuona kwako, ndinokumbira kuti unditume Judha, kudhorobha remaiba emadzibaba angu, kuti ndiriakise.”

Esita 5:3

Mambo wakati kwaari, “Chiinyi chounoda, vahosi Esita? Chiinyi chikumbiro chako? Chinopuwa kwouri kunyazwi rupande rwoumambo hwangu.”

Esita 5:6

Naapo vechimwa vhini, mambo wakati kunaEsita, “Chiinyi chichemo chako? Chinozoitwa kwouri. Nechikumbiro chako chiinyi? Kunyazwi chiri rupande rwoumambo chinozoitwa.”

Esita 7:2

Pazuva rechipiri vechimwa vhini, mambo wakatizve kunaEsita “Chiinyi chichemo chako, vahosi Esita? Chinozopuwa kwouri. Chiinyi chikumbiro chako? Chinozoitwa kwouri kunyazwi rupande rwoumambo hwangu.”

Nduyo 136:26

Bongai Mwari womudenga, ngokuti nyasha dzake dzinogara mhera nariini.

Mazwi 3:6

Munjira dzako dzeshe mutende, naye unozoruramisa njira dzako.

Marku 10:51

Jesu wakaribvunza, akati, “Chiinyi chounoda kuti ndikuitire?” Nebofu rakati kwaari, “Rabhoni, kuti ndione.”

Zvak. 23:19

Nduna huru yemakumi emazana yakaribata ngenyara, ikaenda naro, ikaribvunza ngokufishika yechiti “Chiinyi chounoda kundironzera?”

Vafiripi 4:6

Musanyunyutira chiro, asi muzviro zveshe kubudikidza ngomukumbiro nokupota pamwepo nokubonga, mikumbiro yenyu ngaiziikanwe kunaMwari.