Neh. 1:3 - Bhaibheri Rakachena muChindau

³ Vakapingura vechiti, “Vakasara munyikemwo vari mukutambudzika kakurutu nokutsverudzwa; rukumbati rweJerusarema rwakaputsikira pashi, nemisiwo yarwo yakapishwa ngomuriro.”

Neh. 1:3 Iomraidhean Croise

1 Madzi. 9:7

zvino ndinozodzinga Isuraeri kubva munyika yendakapa kwevari, nemhatso yendakachenesera zina rangu, ndinozoirasha kubva pamberi pehope yangu; naIsuraeri unozoitwa chisana nechinai pakati pevanhu veshe.

2 Madzi. 25:10

Dzeshe hondo dzevaKharedhea, idzo dzaiyapo nenduna yevarindi, vakaputsira pashi marukumbati aitendenedza Jerusarema.

2 MaKro. 36:19

Vakapisha mhatso yaMwari, vakaputsira pashi rukumbati rweJerusarema, vakapisha ngome dzaro dzeshe ngomuriro, vakaparadza zvidziyo zvaro zveshe zvaiya zvakanaka.

Ezura 2:1

Zvino ava ndivo vana vomunyikeyo vakakwira kubva muuhloko, avo vaiya vakatorwa ndiNebhukhadhineza mambo weBhabhuroni, kuenda navo Bhabhuroni; vakapetuka Jerusarema neJudha, munhu weshe kuenda kudhorobha rake.

Ezura 5:8

Ngakuziikanwe kunamambo kuti takaenda kunyika yaJudha, kumhatso yaMwari mukuru. Iyo irikuakwa ngemapuwe makuru, nematanda anoiswa padera mumarukumbati; mushando uyu unoenda mberi zvakanaka, unobudirira munyara dzavo.

Neh. 11:3

Zvino ava ndivo vatungamiriri venyika avo vakagara muJerusarema; asi kumadhorobha aJudha veshe vakagara umwe ngaumwe panhaka yake mumadhorobha avo, vaIsuraeri, vapristi vaRevhi, vashandi vomutemperi, nemibarirwana yevaranda vaSoromoni.

Neh. 2:13

Ndakabuda usiku ngepaMusiwo woMubani, ndikapinda paChinyuka cheDragoni, metsa kuMusiwo weMadisa, ndikanasa kuringira marukumbati eJerusarema, akapwanyikira pashi, nemisiwo yaro yakaparadzwa ngomuriro.

Neh. 2:17

Zvino ndakati kwevari, “Munoona dambudziko retapinda, nokuparadzwa kweJerusarema kuita matongo, nemisiwo yaro yakapishwa ngomuriro. Uyai ngatiakise rukumbati rweJerusarema, kuti tisachazoita vanotsverudzwa.”

Neh. 2:3

Ndakati kunamambo, “Mambo ngaapone mhera nariini! Hope yangu ingarekera kutambudzika ngenyi, apo dhorobha, ndau yemaiba emadzibaba angu, riri dongo, nemisiwo yaro yaparadzwa ngomuriro?”

Neh. 7:6

Ava ndivo vanhu venyika vakakwira kubva kuusungwa hwouhloko, avo vakatorwa ndiNebhukhadhineza mambo weBhabhuroni; vakapetuka Jerusarema nomuJudha, munhu weshe kudhorobha rake.

Esita 1:1

Izvi zvakaitika mumazuva aAhasuerusi, uwo Ahasuerusi ndiye wakatonga padera penyika zana nemakumi mairi nemanomwe (127) kubvira India metsa kuguma Ethiopia.

Nduyo 79:4

Taita chitsverudzo kunevaakirwana vedu, kushoorwa nokushekwa ngeavo vanotitendenedza.

Mazwi 25:28

Iye usikabati mweya wake wakadai ngedhorobha rakapwanyirwa pashi risina marukumbati.

Isa. 43:28

Ndizvo ndakatuka vakuru vendau iyo yakachena, ndakaita kuti Jakobe aparadzwe, naIsuraeri kuti atsverudzwe.”

Isa. 5:5

Zvino izwai, ndinozomuronzera chendinozoita kumunda wangu wemivhini. Ndinozodusa rushosha rwawo, nawo uzodyiwa; ndinozoputsa rukumbati rwawo, nawo unozotsikwatsikwa pashi.

Jer. 24:9

Ndinozovaita chiro chinotyisa nechakashata kuumambo hwenyika dzeshe kuti vatsverudzwe, kuita chishekedzo, nokutsvinyirwa, nokutukwa kundau dzeshe kwendinozovaisa.

Jer. 29:18

Ndinozovateera ngeshoti, ngenzara nenhenda, nokuvaita chiro chinotyisa kuumambo hweshe hwenyika, kuti vaite vakatukwa, nechishamiso, nevanoridzirwa murudzi, nevanotsverudzwa, pakati pemadzinza eshe endakavadzingira kwaari,

Jer. 39:8

VaKharadhea vakapisha mhatso yamambo nemhatso dzevanhu ngomuriro; vakaputsira pashi marukumbati eJerusarema.

Jer. 42:18

“Ngokuti izvi ndizvo zvinoronza Mambo Mwari wehondo, Mwari waIsuraeri: ‘Kudai ngokutseneka kwangu noushungu hwangu zvakadururwa padera pevagari veJerusarema, ndizvo ushungu hwangu hunozodururwa padera penyu, apo pomunozoenda Egipite. Munozoita chiro chakadai ngemahundi nechishamiso, nokuita vakatukwa nevanoshoorwa. Amuchazoonizve ndau iyi.’ ”

Jer. 5:10

Kwirai ngomumisara yemivhini mwechiriparadza yaamho asi musapedza reshe; dusai matai aro, ngokuti aasiri aMambo Mwari akadi.

Jer. 52:14

Hondo yeshe yevaKharadhea, yaiya nenduna huru yevarindi, yakaputsira pashi marukumbati eshe eJerusarema akaritendenedza.

Chi. 1:7

Jerusarema rinokarakadza, ngemazuva okutambudzika nokunzerereka kwaro, zviro zvaro zveshe zvinomutengo mukuru, izvo zvaiya zvaro mazuva ekare. Naapo vanhu varo vakawira munyara dzemagaa, pasina naumwe wakaridetsera, magaa akariona akaita chishekedzo ngokuparadzwa kwaro.

Chi. 2:9

Misiwo yaro yanzvaira mumavhu; waparadza nokugura mipiningidzo yaro; mambo waro nevatongi varo vaapakati pevemadzinza; akuchina mipango; vaprofeti varo avachaoni chioniso chinobva kunaMambo Mwari.

Chi. 3:61

Wazwa kushoora kwavo, O Mambo Mwari, nokuronga kwavo ndini.

Chi. 5:1

Karakadza, O Mambo Mwari, izvo zvatigumira; ringira, uone kutsveruka kwedu.

Revhi 26:31

Ndinozoita kuti madhorobha enyu aite matongo, ndiunze ndau dzenyu dzakachena kuti dziite matongo; andizozwi gwema remitombo yenyu inegwema rakanaka.

Revhi 26:33

Ndinozomuparadzira pakati pemadzinza, ndinozomushwamurira shoti padera penyu; nenyika inozoita mafusi, nemadhorobha enyu anozoita matongo.