Neh. 1:2 - Bhaibheri Rakachena muChindau

² umwe wehama dzangu, Hanani, wakauya nevanhu vaibva kwaJudha; neni ndakavabvunza ngendaa yevaJudha vakapokonyoka, avo vakatiza uhloko, nendaa yeJerusarema.

Neh. 1:2 Iomraidhean Croise

Gen. 14:10

Zvino Bani reSidhimu raiya rakazara ngemigodhi yebhithumini; naapo madzimambo eSodhoma neeGomora vatiza, vamweni vakawiramwo, naavo vakasara vakatizira kumutunhu.

2 Madzi. 24:14

Wakatwara veshe veJerusarema, makota eshe, varwi vehondo nengwazi dzeshe dzinesimba nokushinga, vaiya gumi remakumi emazana (10,000), vakaitwa hloko, veshe vari ngwazi dzemishando nevapfuri; akuna naumwe wakasiiwa asi vega varombo venyika.

2 Madzi. 25:12

Asi nduna yevarindi yakasiya vevarombo kakurutu venyika kuti vaite vanasiriri vemavhini nevarimi veivhu.

Ezura 9:14

tingachagurazve here mipango yako, nokuroodzana nevanhu vanoita zvinyangadzo zvakadai? Aungazotinyangadzirwi here metsa utipedze, metsa pasisina naumwe unosara nounopokonyoka?

Neh. 7:2

ndakaemesa Hanani hama yangu kuita mutongi padera peJerusarema, pamwepo naHanania mutongi wengome ngokuti iye waiya munhu unogondeka, unomutya Mwari kupinda vazhinji.

Jer. 44:14

kuitira kuti pasaa naumwe wevakasara waJudha, waavo vakauya munyika yeEgipite koogaremwo, unozopona nokuti kusara, nokuti kupetuka munyika yaJudha. Kunyazwi vanodisisa kupetuka koogarayo, apana unozopetuka ngokubanze kwaavo vanozopokonyoka.”

Ezek. 6:9

Avo venyu vanopokonyoka vanozondikarakadza vari pakati pemadzinza, apo pevanotorwa kuitwa hloko; ndakapwanyiwa ngomwoyo yavo inodisisa umhombo, iyo yakapauka kubva kwendiri, nemadziso avo akaita mhombo ngokutenderukira kumiedzaniso yavo yokudira. Navo vanozodzinyenya pachavo mukuona kwavo ngokushata ukwo kwevakaita muzvinyangadzo zvavo zveshe.

Ezek. 7:16

Kudai varipo vanopona vanopokonyoka, vanozooneka padera pemitunhu, vakadai ngemagora omumapani, veshe vechibonda, umwe ngaumwe ngendaa yokushata kwake.