Muchu. 3:3 - Bhaibheri Rakachena muChindau

³ mukuwo wokuuraya, nomukuwo wokurapa; mukuwo wokupwanyira pashi, nomukuwo wokuaka;

Muchu. 3:3 Iomraidhean Croise

Gen. 9:6

“Kunyazwi ndiani unoparadza ngazi yomunhu, ngazi yake inozoparadzwa ngomunhu; ngokuti Mwari wakaita munhu ngomuedzaniso wake.

Isa. 44:26

uwo unogwinyisa izwi romuranda wake, nokuzadzisa kupanga kwenhumwa dzake; uwo unoti ngeJerusarema, rinozogarwa, nemadhorbha aJudha kuti, anozoakiswa, ndinozoakisa ndau dzavo dzakaputsika;

Isa. 6:10

Kodza mwoyo yevanhu ava, utsiire nzee dzavo, upofomadze madziso avo; kuti vasaona ngemadziso avo, nokupurutana ngenzee dzavo, nokuzwisisa ngomwoyo yavo, vatenderuke, vatambiswe.”

Jer. 1:10

Wona, nyamashi ndakuemesa padera pemadzinza nepadera poumambo, kubvita nokuputsa, kuparadza nokudzasa pashi, kuaka nokusima.”

Jer. 31:28

Kudai ngezvendakaringira padera pavo, kubvita, nokuvaputsira pashi, kubvisa, kuparadza, nokuunza kushata, ndizvo ndinozovaringira kuaka nokusima,” unoronza Mambo Mwari.

Jer. 33:6

Ringira, ndinozoriponesa nokurirapa, ndinozovarapa nokuvaonisa kukura kwokunyarara nokwokungwaririka.

Jer. 45:4

“Izvi ndizvo zvounozoronza kwaari kuti, ‘Izvi ndizvo zvinoronza Mambo Mwari: Ringira, ndinozoputsira pashi icho chendakaaka, kubvita icho chendakasima, ndiyo nyika yeshe.

Ezek. 13:14

Ndinozopwanyira pashi rukumbati rwomwakaseta ngemasuko, nokuruputsira pashi, kuti matsikiro arwo aoneke; apo perunowa, munozopereramwo nemwi munozozia kuti inini ndini Mambo Mwari.

Hag. 1:2

“Izvi ndizvo zvinoronza Mambo Mwari wehondo: Vanhu ava vanoti, ‘Ausati waguma mukuwo, mukuwo wokuakisa mhatso yaMambo Mwari.’ ”

Hag. 1:4

“Mukuwo here wokuti imwimwi mwemene mugare mumhatso dzenyu dzinemawaro ngepadera, apo iyi mhatso yechiita dongo?

Zek. 1:12

Zvino ngirosi yaMambo Mwari yakapingura yechiti, “O Mambo Mwari wehondo, unozoita mukuwo wakaitawani usikaitira nyasha Jerusarema nemadhorobha aJudha, awo ewakanyangadzirwa aya makore makumi manomwe?”

Dhuto. 32:39

“Wonai zvino kuti inini, kunyazwi inini, ndini, akunazve chimwari ngepabanze pangu. Inini ndinouraya, neni ndinoponesa; ndinokuvadza, neni ndinoporesa; akuna ungabvisa kubva munyara dzangu.

1 Sam. 2:25

Kudai munhu umwe echishaishira umweni, Mwari ungamuemerera; asi kuti munhu echishaishira Mambo Mwari, ndiani unozomurwira?” Asi avazi kupurutana izwi rababa avo, ngokuti kwaiya kuda kwaMambo Mwari kuti vaurawe.

1 Sam. 2:6

Mambo Mwari unouraya, nokuponesazve; unodzasa muiba, nokumusazve.