Muchu. 2:3 - Bhaibheri Rakachena muChindau

³ Ndakatsvaka mumwoyo mwangu njira yokudzidakadzisa ndiyo ngevhini, mwoyo wangu wechinditungamirira ngoungwaru; nenjira yokubata ndiyo upenzi, metsa ndaona kuti chiinyi chakanakira vanhu, kuti vaite pashi pomudenga pamazuva avo mashomani okupona kwavo.

Muchu. 2:3 Iomraidhean Croise

Gen. 47:9

Jakobe wakati kunaFaro, “Mazuva emakore okuhamba kwangu makore zana nemakumi matatu (130); mashomani neakashata mazuva emakore okupona kwangu, aazi kuwanda kudai ngemazuva emakore okupona kwemadzibaba angu mumazuva okuhamba kwavo.”

Jobe 14:14

Kudai munhu echifa, uchazoraramazve here? Mazuva eshe okushanda kwangu ndinozogarira metsa ugume mukuwo wokusunhurwa kwangu.

Nduyo 104:15

nevhini rinodakadza mwoyo yomunhu, nemafuta anoita kuti hope in'anikire, nechingwa chinogwinyisa mwoyo womunhu.

Mazwi 20:1

Vhini mutsvinyi, nokumwa kunoradzisa kunopara bopoto; kunyazwi ndiani unobatwa ndizvo aazi kungwara.

Muchu. 1:17

Neni ndakapira mwoyo wangu kuti ndizie ungwaru, nokuzia zvoupengo nezvoupenzi. Ndakaonazve kuti izvi kurumbirirana nemhepo.

Muchu. 10:19

Dhiri rinoitirwa kudakara, nevhini rinoitirwa kudakadzwa, nemare inokwanisa izvo zveshe zvinodiwa.

Muchu. 12:13

Kupera kwendaa; kuzwika kwayo yeshe: Itya Mwari, ungwarire zvironzo zvake; ngokuti uyu ndiwo mushando weshe womunhu.

Muchu. 2:24

Akuna chiro chakanaka kunomunhu kupinda kudya nokumwa, nokuti mweya wake udakare mukunaka kwomushando wake. Ichiwo ndakaona kuti chakabva munyara yaMwari,

Muchu. 5:18

Ichi ndicho chendakaona, kuti chakanaka nokusisira kuti munhu adye nokumwa nokuona kudakara mumushando wake weshe waanoshanda pashi pezuva mazuva eshe okupona kwake, aanopuwa ndiMwari; ngokuti ichi ndicho chikoaniswa chake.

Muchu. 6:12

Ngokuti ndiani unozia chinonakira munhu apo echipona mazuva mashomani okupona kwake kusina shwiro, aanopedza kudai ngebvuri? Ndiani ungamuronzera munhu izvo zvinozoapo ngesure kwake pashi pezuva?

Muchu. 7:18

Zvakanaka kuti ubatisise chimwe, usatendera kuti chibve ngendaa yechimweni; ngokuti uwo unomutya Mwari ndiye unozopokonyoka kubva kwezviri zveshe.

Muchu. 7:25

Ndakakunukudza mwoyo wangu kuti ndizie nokutsvaka nokutsvakisisa kungwara nemazano, kuti ndizie kuti kushata upenzi, noupenzi upengo.

Muchu. 8:15

Ndizvo ndakairikidza kudakara, ngokuti apana chiro chakapinda kunaka pashi pezuva chinopinda kudya nokumwa, nokudzikudza pachake, ngokuti ichi chinozoenda naye mukushanda kwake mumazuva eshe okupona kwake kwaanopuwa ndiMwari pashi pezuva.

Mateu 6:24

“Akuna munhu ungakona kushandira madzimambo mairi; ngokuti unozonyenyeredza umwe, ade umweni, nokuti unozoshoora umwe abatirire kunoumweni. Amungashandiri Mwari nemare.

Vaefesu 5:18

Musaradza ngevhini, iro rinopara kusikadzibata, asi mwechizadzwa ndiMweya,

Vato. 9:13

Asi muvhini wakati kweiri, ‘Ndingazorekera kubudisa vhini rangu here rinodakadzisa ndiro zvimwari nevanhu, kuti ndiende ndipepereke padera pemiti yeshe?’

1 Sam. 25:36

NaAbhigairi wakauya kunaNabhari; waiita dhiri mumhatso yake, kudai ngedhiri ramambo. Mwoyo waNabhari waiya wechidakara, ngokuti waiya aradza; ndizvo aazi kumuronzera chiro metsa mangwani.