Mik. 7:9 - Bhaibheri Rakachena muChindau

⁹ Ndinozotwara ushungu hwaMambo Mwari, ngokuti ndakashaisha kwaari, metsa andirwira ndaa yangu nokundiunzidzira. Unozondiunza mukujeka, neni ndinozoona kururama kwake.

Mik. 7:9 Iomraidhean Croise

2 Sam. 24:17

Naapo Dhavhidha aona ngirosi iyo yechiuraya vanhu, wakati kunaMambo Mwari, “Ndashaisha inini ndega, inini ndega ndakaita zvakashata; asi aya makwai akaitenyi? Ndinokupota kuti nyara yako ngaiwe padera pangu, nepadera pemhatso yababa angu.”

Jobe 23:10

Asi iye unozia njira yendinohamba ndiyo; naapo andiedza, ndinozobuda ndakadai ngomukore.

Jobe 35:14

Kwakapinda kutsonga kwakadini peunoti, ‘Andimuoni, kuti ndaa iri pamberi pake; newe unomugarira.’

Nduyo 119:154

Rwira ndaa yangu, undiripire; ndiponese kudai ngokugondisa kwako.

Nduyo 37:6

Unozoita kuti kururama kwako kujeke kudai ngechiveneko, nokururamisirwa ndaa yako kudai ngemasikati.

Nduyo 43:1

Ndipembedze, A Mwari, undivhikire ndaa yangu kunedzinza rakashata; kubva pamunhu unochengedzera nousikazi kururama ndirwirenyi!

Nduyo 7:6

Miruka, Mambo Mwari, muushungu hwako; dzimirudze pachako kurwisana noushungu hwemagaa angu; muka, A Mwari wangu; wakaemesa kutonga.

Nduyo 94:15

Ngokuti kutonga kwakarurama kunozohwirira kunevakarurama, navo veshe vakarurama mumwoyo vanozokuteera.

Isa. 42:16

Ndinozohambisa mapofu ngepato revasikazii; ndinozovatungamirira ngenjira dzevasikazi kuzia. Ndinozoita kuti chidima chiite kujeka pamberi pavo, ndau dzisikazi kuserera kuti dziserere. Ndinozoita izvi zviro kwevari, andizovasii akadi.

Isa. 42:7

kuti ubeure madziso akapofomadzwa, nokusunhura mabhanditi kubva mutirongo, nokubudisa kubva mutirongo avo vanogara muchidima.

Isa. 46:13

Ndinounza pasinde kununura kwangu, akusiri kuretu, noruponeso rwangu aruzononoki; ndinozoisa ruponeso rwangu muZioni, ngendaa yaIsuraeri uthende hwangu.”

Isa. 51:22

Izvi ndizvo zvinoronza Mambo wako, Mambo Mwari, Mwari wako uwo unoemerera ndaa dzevanhu vake, “Ringira, ndakutorera tsani yokuthethereka kubva munyara yako; auchazomwi masese ejomeya roushungu hwangu.

Isa. 56:1

Izvi ndizvo zvinoronza Mambo Mwari, “Ngwarirai kutonga kwakarurama nokuita zvakarurama, ngokuti ruponeso rwangu ruri pasinde pokuuya, nokuripira kwangu kunozooniswa.

Jer. 10:19

“Ihehe kwendiri ngendaa yokuremadzwa kwangu! Ronda rangu rakakura. Asi ndakati, ‘Chokwadi uku kuororwa kwangu, kunotamika kuti ndikutware.’

Jer. 14:7

O Mambo Mwari, kunyazwi zvishaishi zvedu zvinopupura tisu kutiitire ndaa, chiita ngendaa yezina rako; ngokuti takahwirira sure kazhinji, takashaisha kwouri.

Jer. 51:10

“Mambo Mwari wabudisa kururama kwedu; uyai, ngatidaidzire muZioni mushando waMambo Mwari, Mwari wedu.

Chi. 1:18

Mambo Mwari wakarurama; ngokuti ndamukira mipango yake. Asi izwai, imwimwi vanhu mweshe, muringire kutambudzika kwangu; mhandwe dzangu nemajaha angu vapinda muuhloko.

Revhi 26:41

ndizvo inini ndakatsvatsvana navo, ndakavaunza munyika yemagaa avo; kudai mwoyo yavo isikazi kuchekwa yechipfaiswa, navo varipa muripo wokushaisha kwavo.

Mar. 3:18

Zvino kamwezve munozoona muparadzaniso pakati pevakarurama nevakashata, pakati pouwo unoshandira Mwari nouwo usikamushandiri.”

1 VaK. 4:5

Ndizvo musatonga chiro nguva isati yaguma, Mambo asati auya, uwo unozounza mukujeka zviro zvakafishika zvechidima, naye uchabudisa pamhene mipinimidzo yomwoyo. Naapo munhu weshe unozoashira kukudzwa kwake kunobva kunaMwari.

2 Tim. 4:8

Kubvira zvino ragadzikirwa inini dzungudza rokururama, iro raanozondipa ngeiro zuva Mambo, mutongi wakarurama, haiwa kwendiri ndega, asi nokwavariwo veshe vakada kuoneka kwake.

Chakapangijihwa 18:20

Dakarai ngendaa yake, iwewe denga, nemwi vakacheneswa, nemwi vapostori, nemwi vaprofeti! Ngokuti Mwari wakamutonga ngendaa yeizvo zvaakaita kwomuri.”

1 Sam. 24:15

Ndizvo Mambo Mwari ngaaite mutongi, atonge pakati pako neni. Ngaaone kwezviri, arwire ndaa yangu, nokundinunura kubva kunyara yako.”

1 Sam. 25:39

Naapo Dhavhidha azwa kuti Nabhari afa, wakati, “Ngaakudzwe Mambo Mwari, uwo wakaunzidzira ndaa yokutsverudzwa kwangu ndiNabhari, akangwarira muranda wake kubva munezvakashata; Mambo Mwari wakahwirinza kushata kwaNabhari padera pake.” Zvino Dhavhidha wakatuma kunyenga Abhigairi kuti aite mukadzi wake.

1 Sam. 26:10

Dhavhidha wakati, “Kudai ngezvaanopona Mambo Mwari, Mambo Mwari unozomuuraya; nokuti zuva rake rokufa rinozoguma, nokuti unozoenda muhondo nokuurawa.

1 Sam. 3:18

Ndizvo Samueri wakamuronzera zveshe, apana chaakamufishira. Zvino wakati, “NdiMambo Mwari; ngaaite zvinomunakira.”