Mik. 7:6 - Bhaibheri Rakachena muChindau

⁶ Ngokuti mukororo aaremeredzi baba, mwanasikana unomukira mai ake, muzakazi mazvarira ake; magaa omunhu ndivo avo vemhatso yake yemene.

Mik. 7:6 Iomraidhean Croise

Gen. 49:4

Usikatsimi kudai ngemvura, auzoa nokunakisisa akadi, ngokuti wakakwira pamubhedhi wababa ako; naapo wakausvipisa, wakakwira pamubhedhi wangu.

2 Sam. 16:11

Dhavhidha wakati kunaAbhishai nokuvaranda vake veshe, “Ringirai, mukororo wangu emene wakabarwa ndini unotsvaka kupona kwangu. Zvino munoshama ngenyi ngouyu muBhenjamini? Murekerenyi ngaatuke, ngokuti wakaronzerwa ndiMambo Mwari.

Nduyo 41:9

Kunyazwi hama yangu yepamwoyo yendaigonda mweiri, uwo wakadya chingwa changu, wandimirudzira chisisino chake kurwisana neni.

Mazwi 30:11

“Varipo avo vanotuka madzibaba avo, vasikafumisi vanamai vavo.

Mazwi 30:17

“Dziso rinotsvinyira baba, nokushoora kupurutana mai, makungu omubani anozoritsoura, nokudyiwa ngemakodzi.

Isa. 3:5

Vanhu vachatambudzana, umwe noumweni, munhu weshe ngomuakirwana wake; mudoko uchashoora mukuru, usina shwiro uchashoora vanoremeredzwa.

Isa. 9:19

Kubudikidza ngoushungu hwaMambo Mwari wehondo nyika yakatsva, nevanhu vakaita kudai ngehuni dzomuriro; akuna munhu unozokungurira hama yake.

Jer. 12:6

Ngokuti kunyazwi hama dzako, nevemhatso yababa ako, kunyazwi vakaita ngokuchengedzera kwouri; vanokudaidzira; usavagonda, kunyazwi vechiereketa mazwi akanaka kwouri.”

Jer. 20:10

Ngokuti ndinozwa vazhinji vanovherevhenza vechiti, “Kutyisa kuri kumarupande eshe.” Vakati, “Muronzenyi! Ngatimuronze.” Vangani vangu veshe vakagarira kukorera kwangu vechiti, “Pamweni ungakona kunyengererwa, nesu tingakona kumunyisa nesu tinozokona kuunzidzira padera pake.”

Jer. 9:4

“Ngwarai, umwe ngaumwe, muakirwana wake, musagonda kunyazwi ngouri mukoma; ngokuti vakoma veshe vanozopambirana, nomuakirwana weshe unozohamba kudai ngomureyi.

Ezek. 22:7

Baba namai vanoitwa chishekedzo mukati mwako; vapara vanogara mukati mwako vakaangiridzwa; nherera neshirikadzi vanoshaishirwa mukati mwako.

Obh. 1:7

Vanhu vaizwanana newe vakakuchengedzera, vakakudzingira kumugano; vanhu vakaiyana newe vakakuchengedzera, vakakunyisa; vanodya kudya kwako vakuteya ngechirimbana, akuna kuzwisisa kwacho.

Mateu 10:21

Nomukoma unozohina munun'una kuti afe, ngokudaro baba mwana wavo, nevana vanozomukira vabari nokuvauraya.

Mateu 26:23

Naye wakapingura, akati, “Uwo washeya ngenyara yake muchidziyo neni, ndiye unozondipira.

Ruka 12:53

“Baba vanozopesana nomukororo, nomukororo unozopesana nababa, namai vanozopesana nemwanasikana, nemwanasikana unozopesana namai, namazvarira vanozopesana nomuzakazi wake, nemuzakazi unozopesana namazvarira ake.”

Ruka 21:16

Munozopirwa kuvatongi kunyazwi ngevabereki, vakoma, hama neshamwari, navo vanozoita kuti vamweni venyu vaurawe.

Johani 13:18

Andiereketi ndimwi mweshe akadi; ndinovazia avo vendakatsanangura; asi kuti chinyorwa chizadzisike chinoti, ‘Uwo unodya chingwa changu, wakandimirudzira chisisinho chake kurwisana neni.’