Mik. 7:5 - Bhaibheri Rakachena muChindau

⁵ Musagonda mungani, musaisa gonda renyu kune unodikanwa; ngwarira misiwo yomuromo wako kubva kunouwo unoata paditi rako.

Mik. 7:5 Iomraidhean Croise

Nduyo 141:3

Emesa murindi padera pemiromo yangu, A Mambo Mwari; ngwarira ruvhi rwemiromo yangu.

Nduyo 38:14

Ngegwinyiso, ndakadai ngomunhu usikazwi, nomumuromo mwake amuna kupingura.

Nduyo 41:9

Kunyazwi hama yangu yepamwoyo yendaigonda mweiri, uwo wakadya chingwa changu, wandimirudzira chisisino chake kurwisana neni.

Jer. 9:3

“Vanokunga rurumi rwavo kudai ngouta kufura manyepo: haiwa ngegwinyiso revanonyisa ndiro munyika. Ngokuti vanobva mukushata kuenda mukushata, navo avandizii,” unoronza Mambo Mwari.

Jer. 9:4

“Ngwarai, umwe ngaumwe, muakirwana wake, musagonda kunyazwi ngouri mukoma; ngokuti vakoma veshe vanozopambirana, nomuakirwana weshe unozohamba kudai ngomureyi.

Chi. 1:2

Rinochema kakurutu usiku, nemasodzi aro anomozoka pamatama aro; pakati pevadikani varo arina naumwe wokuriembedzera; vangani varo veshe vakashanda naro ngokuchengedzera, navo vakaita magaa kweriri.

Mateu 10:16

“Ringirai, ndinomutuma kudai ngemakwai mukati mwemathika. Ndizvo mwechingwara kudai ngenyoka, mwakapfaa kudai ngenjia.

Vato. 14:17

Naye wakachema pamberi pake mazuva manomwe edhiri. Ngezuva rechinomwe wakamuronzera, ngokuti iye wakamunesa kakurutu. Zvino wakadudzira chinai kunevanhu vake.