Mik. 7:4 - Bhaibheri Rakachena muChindau

⁴ Uwo wakapinda kunaka kwevari wakadai ngorukato, nouwo wakapinda kururama wavo rushosha rweminzwa. Zuva rokurinda kwavo nerokuororwa ravo rauya; zvino kwaapasinde kukangaidzwa kwavo.

Mik. 7:4 Iomraidhean Croise

Isa. 10:3

Munozoitenyi ngezuva rokuororwa, mukati mwokuparadzwa kunozobva kuretu? Munozotizira kunaani koodetserwa? Munozosiya pari upfumi hwenyu?

Isa. 22:5

Ngokuti Mambo Mwari, Mwari wehondo, unaro zuva rokutambudzika nokutsikwa tsikwa pashi nokukangaidzwa mubani rechioniso; zuva rokuputswa kwemarukumbati, nerokuchemera kudetserwa kumitunhu.

Isa. 55:13

Pandau yomuti weminzwa panozomera muti womusaiprasi, pandau pegwananguruwe panozomera mumitiri; neichi chinozoita chikarakadziso kunaMambo Mwari, nechioniso chisikaperi chisikazogurwi.”

Jer. 10:15

Aina shwiro, mishando yokuchengedzera; ngomukuwo wokuororwa kwayo inozopera.

Jer. 11:23

apana naumwe wavo unozosara. Ngokuti ndinozounza kuparadzwa padera pevanhu vaAnathothi, gore rokuororwa kwavo.”

Jer. 46:21

Kunyazwi varwiri varo vari pakati paro vakadai ngamakonyana akakodzwa muchibaya; navowo vakapetuka, vakatiza veshe pamwepo; avazi kuema, ngokuti zuva rokuororwa kwavo kukuru ravagumira; mukuwo wokuororwa kwavo.

Jer. 8:12

Vakatseruka here, apo vakaita zvinyangadzo? Haiwa, avazi kutsveruka napadoko, avana kuzia kutsveruka. Ndizvo vanozowa pakati peavo vanowa; ngomukuwo wokuhambirwa kwavo vanozorigwa pashi,” unoronza Mambo Mwari.

Ezek. 2:6

“Neiwewe, O mukororo womunhu, usavatya, newe usatya mazwi avo, kunyazwi vakadai ngemakato neminzwa zvakakutendenedza, newe unogara pakati pezvinyaada; usatya mazwi avo, nokuti kupera simba ngokuringirika kwavo, ngokuti imhatso inomukira.

Ezek. 28:24

“Mhatso yaIsuraeri aichazoonizve rukato runobaya, nokuti munzwa unokuvadza pakati pavo veshe vakavatendenedza, avo vakavanyenya. Navo vanozozia kuti inini ndini Mambo Mwari.

Amo. 8:2

Wakati, “Amosi, unoonenyi?” Neni ndakati, “Chitundu chemichero yepazienza.” Zvino Mambo Mwari wakati kwendiri, “Kupera kwaguma padera pevanhu vangu Isuraeri; andichazovapindizve.

Nah. 1:10

Kudai ngeminzwa yakakodyana, kudai ngezviradza zvaradziswa ngokumwa kwavo, vanozopishwa kudai ngematsotso akaoma.

Ruka 21:25

“Nezvioniso zvinozoitika pazuva, pamwedzi, panyeredzi, nepadera penyika kunozoapo kupera simba nokutyiswa ngendaa yokutinhira kworuandhle nemafungu.

Vahebheru 6:8

Asi kudai yechibereka minzwa nemakato, inoita isina shwiro yaapasinde pokutukwa, magumisiro ayo kupishwa.