Mik. 7:3 - Bhaibheri Rakachena muChindau

³ Nyara dzavo ingwazi kuita zvakashata; mukuru nomutongi vanokumbira fumha muromo; nounesimba unoronza zvaanokarira mumwoyo wake; ndizvo vanofukidza kutonga kwakanaka.

Mik. 7:3 Iomraidhean Croise

Mazwi 16:30

Uwo unochonya madziso ake unoronga zviro zvinopaukisa; uwo unopwerudza miromo yake unoita kuti kushata kuitike.

Mazwi 17:23

Munhu wakashata unoashira chitengero chakafishika kupaukisa njira dzokutonga kwakanaka.

Isa. 1:23

Vatongi venyu vanoita mbengo nokuita vangani vemambavha. Veshe vanoda bata muromo, vanoteera kuthuswa. Avatongi zvakanaka ndaa dzenherera, nendaa dzeshirikadzi adziuyi pamberi pavo.

Isa. 26:21

Ngokuti, ringira, Mambo Mwari unobuda kubva kundau yake kuorora avo vanogara munyika ngendaa yokushaisha kwavo; nyika inozoduhumura ngazi yakaparadzirwa padera payo, aichazofukidzizve vakaurawa vayo.

Isa. 3:5

Vanhu vachatambudzana, umwe noumweni, munhu weshe ngomuakirwana wake; mudoko uchashoora mukuru, usina shwiro uchashoora vanoremeredzwa.

Isa. 32:7

Kushata kwevakashata kwakashata: unoronga mazano akashata kuuraya varombo ngamazwi okunyepa, kunyazwi apo kupota kwounotama kwakanaka.

Isa. 5:23

imwimwi munopembedza vakashata ngendaa yokutengerwa, munodusa maruramiro ewakarurama!

Jer. 3:5

Unozogara anoushungu hwake mhera nariini here? Unozogara akatseneka metsa kumagumo here?’ Aya ndiwo maereketere ewaita, asi waita kushata kweshe kudai ngezvewaikona.”

Jer. 4:22

Ngokuti vanhu vangu mapenzi, avazi kundizia; vakadai ngevana vane upenzi, avazwisisi. Ingwazi mukuita zvakashata, avazii kuita zvakanaka.

Jer. 8:10

Ndizvo ndinozopa vakadzi vavo kunevamweni, neminda yavo kune vanyisi, ngokuti umwe ngaumwe kubvira kumudoko metsa kunomukuru vakadzipira mukuemura; kubvira kumuprofeti metsa kumupristi, umwe ngaumwe unoita ngokuchengedzera.

Ezek. 22:12

Mukati mwako vanoashira zvitengero kuti vaparadze ngazi; iwewe unoashira zveshe kuuyirwa kuchazouya nezvinowanziswa, wakaashira kuuyirwa kusikazi kunaka kubva kumuakirwana wako, newe wandiriyarwa, unoronza Mambo Mwari, Mwari.’

Ezek. 22:27

Vatongi varo vari mukati mwaro vakadai ngemakava anobvajura zvokudya, kuparadza ngazi nokuuraya vanhu kuti vaone kuuyirwa kusikagondeki.

Ezek. 22:6

Ringira, vatongi vaIsuraeri vari mweuri, weshe kudai ngesimba rake, waiya akakotama kuparadza ngazi.

Ezek. 34:21

Ngokuti imwimwi mwatunga ngeparutii nepafudzi, mwechithuthumidza dzeshe mhuka dzinenhenda ngenyanga dzenyu, metsa mwadziparadzira kuretu nokupamhama,

Ezek. 9:9

Wakati kwendiri, “Kushata kwemhatso yaIsuraeri neyokwaJudha kwakakura yaamho; nyika yakazara ngokuparadzwa kwengazi nedhorobha rakazara ngokusikarurama, ngokuti vanoti, ‘Mambo Mwari wasiya nyika, naMambo Mwari aaoni akadi.’

Hos. 4:18

Naapo kumwa kwavo kunozhazha kwapera, vanogara vechihura; vatongi vake vanodisisa zvinotsverudza kupinda uthende hwavo.

Hos. 7:3

“Ngokushata kwavo vanoita kuti mambo adakare, nevatongi ngemanyepo avo.

Amo. 5:12

Ngokuti ndinozia uwandu hwokupauka kwenyu, nokukura kwezvishaishi zvenyu, imwimwi munotambudza vakarurama, munotora chitengero, munopaukisa varombo pamusiwo.

Mik. 2:8

Asi zuro vanhu vangu vakamiruka kurwisana neni kudai ngegaa: munokhumura jazi pamwepo nechokupfeka chepashi mukunyarara kubva kuneavo vanopinda ndipo mukugonda vasikapinimidzi ngehondo.

Mik. 3:11

Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Mik. 3:2

Imwimwi munonyenya kunaka, mwechida kushata; munokwamura ganda revanhu vangu, nenyama kubva kumagodo avo;

Mateu 26:15

Naye wakati kwavari, “Chiinyi chomunozondipa kuti ndikazomuhina kwomuri?” Navo vakamuerengera zvigurwa zvesirivha makumi matatu.

1 VaK. 4:5

Ndizvo musatonga chiro nguva isati yaguma, Mambo asati auya, uwo unozounza mukujeka zviro zvakafishika zvechidima, naye uchabudisa pamhene mipinimidzo yomwoyo. Naapo munhu weshe unozoashira kukudzwa kwake kunobva kunaMwari.