Mik. 7:2 - Bhaibheri Rakachena muChindau

² Munhu wakagondeka wakafa kubva panyika, akuna wakarurama naumwe wakasara; veshe vanogarira kuparadza ngazi, vanovhimana umwe noumweni wake ngemambure.

Mik. 7:2 Iomraidhean Croise

Nduyo 10:9

Unohwarira pakasitika kudai ngemhondoro iri muchikwasha chayo. Unohwarira kubata varombo; unobata varombo echivakweya ngomumbure wake.

Nduyo 12:1

Detsera, Mambo Mwari, ngokuti apachina naumwe unoda Mwari; vakagondeka vanyangarika kubva pakati pevana vevanhu.

Nduyo 12:2

Vanoereketa manyepo umwe kuneumweni; ngemiromo inochengedzera, nomwoyo miiri vanoereketa.

Nduyo 57:6

Vakateya tsoka dzangu ngemambure kundibata; mweya wangu unokotamiswa pashi. Vakatsa hunza munjira yangu, asi vawira mukati mwayo pachavo. Selah.

Mazwi 1:11

Kuti vechiti, “Hamba nesu, ngatigare tiparadze ngazi, ngatihwarire avo vasina ndaa;

Mazwi 12:6

Mazwi ewakashata ngeokuhwarira kuparadza ngazi, asi kuereketa kwewakarurama kunomununura.

Isa. 3:5

Vanhu vachatambudzana, umwe noumweni, munhu weshe ngomuakirwana wake; mudoko uchashoora mukuru, usina shwiro uchashoora vanoremeredzwa.

Isa. 57:1

Vakarurama vanopera, apana naumwe unopinimidza ndizvo; vanhu vanoda Mwari vanotorwa, pasina naumwe unozwisisa. Ngokuti vakarurama vanotorwa kubva mukushata,

Isa. 59:7

Tsoka dzavo dzinorumbirira zvakashata, navo vanokasira kuparadza ngazi isina ndaa; mipinimidzo yavo mipinimidzo yokushaisha; kushakera nokuparadza zviri munjira dzavo.

Isa. 9:19

Kubudikidza ngoushungu hwaMambo Mwari wehondo nyika yakatsva, nevanhu vakaita kudai ngehuni dzomuriro; akuna munhu unozokungurira hama yake.

Jer. 16:16

“Zvino ndinodaidza vabati vehove vazhinji, unoronza Mambo Mwari, navo vanozodzibata; navo vapedza ndinozodaidza vavhimi vazhinji, navo vanozovhima kubva pamutunhu umwe ngaumwe nepachimutunhu chimwe ngachimwe nomumapako emapuwe.

Jer. 5:16

Chikomwe chavo chakadai ngeiba rakabeuka; veshe ingwazi dzehondo.

Jer. 5:26

Ngokuti vakashata vanooneka pakati pevanhu vangu; vanotora zviro zvevamweni, vanoteya chirimbana vechibata vanhu.

Jer. 8:6

Ndakapurutana ndikazwa, avaereketi zvakarurama; apana watenderuka kubva mukushata kwake echiti, ‘Ndakaitenyi?’ Umwe ngaumwe waenda kunjira yake kudai ngehachi rinorumba kupinda muhondo.

Chi. 4:18

Vakateera tsoka dzedu, nesu atizi kukona kuhamba mumapato edu; magumo edu akwedzera pasinde; mazuva edu akaerengwa, ngokuti kupera kwedu kwaguma.

Ezek. 22:12

Mukati mwako vanoashira zvitengero kuti vaparadze ngazi; iwewe unoashira zveshe kuuyirwa kuchazouya nezvinowanziswa, wakaashira kuuyirwa kusikazi kunaka kubva kumuakirwana wako, newe wandiriyarwa, unoronza Mambo Mwari, Mwari.’

Ezek. 24:6

Ndizvo izvi ndizvo zvinoronza Mambo Mwari, Mwari: “Ihehe kunedhorobha rengazi, hari inengura mukati mwayo, ngura yayo aizi kubuda kubva kweiri! Budisai kubva kweiri chigurwa ngechigurwa; usatendera kuti zviitirwe mabhigidha.

Hos. 5:1

“Izwai ichi, O vapristi! Purutana, O mhatso yaIsuraeri! Purutana, O mhatso yamambo! Ngokuti kutongwa kuri kwomuri, ngokuti mwakaita murau muri Mizipha, nomumbure wakatambanudzwa padera paThabho,

Hos. 6:9

Kudai ngezvikwata zvembavha zvinohwarira munhu, ngokudaro chikwata chevapristi chinouraya munjira yeShekhemu, vanoita zvinonyangadza zvakakura.

Mik. 2:8

Asi zuro vanhu vangu vakamiruka kurwisana neni kudai ngegaa: munokhumura jazi pamwepo nechokupfeka chepashi mukunyarara kubva kuneavo vanopinda ndipo mukugonda vasikapinimidzi ngehondo.

Mik. 3:10

vanoaka Zioni ngengazi neJerusarema ngokushata.

Mik. 3:2

Imwimwi munonyenya kunaka, mwechida kushata; munokwamura ganda revanhu vangu, nenyama kubva kumagodo avo;

Zek. 11:6

“Ngokuti andichazorwadziwi mwoyo ndivo avo vanogara munyika iyi, unoronza Mambo Mwari. Ringira, ndinozovaita veshe uwo nouwo kuti awire munyara yomuakirwana wake, uwo nouwo awire munyara yamambo wake; naavo vanozoparadza nyika, andizovanunuri naumwe kubva kunyara yavo.”

Zvak. 24:9

NevaJudha vakapindirawo kumuitira ndaa, vechigwinyisa kuti izvi ndizvo.

1 Sam. 24:11

Ringirai, baba angu, wona mupendero wenguwe yako uri munyara yangu; ngokuti kucheka kwendaita mupendero wenguwe yako, andizi kukuuraya, ungazia zvino nokuona kuti akuna kushata nokuti kupauka kwendiri. Andizi kukushaishira, kunyazwi unotsvaka mweya wangu kuuraya.

1 Sam. 26:20

Ndizvo zvino ngazi yangu isazorashika pamavhu kubva pamberi pokuona kwaMambo Mwari; ngokuti mambo waIsuraeri wakabuda kutsvaka nhata, kudai ngomunhu unobuda kuvhima chikware mumitunhu.”