Mik. 7:1 - Bhaibheri Rakachena muChindau

¹ Ihehe kwendiri! Ngokuti ndakadai ndivo vanotsvaka michero yepazienza apo yapera kuunganidzwa, naapo zvimavhini zvinosara zvapera kukaiwa, akuna chikore chokudya; apana maonde aibva okutanga endinodisisa.

Mik. 7:1 Iomraidhean Croise

Nduyo 120:5

Ihehe kwendiri, ngokuti ndiri chigarandimo muMeshekhi, kuti ndinosisira kugara mumatende eKhedha!

Mazwi 20:6

Vanhu vazhinji vanodziteketesa pachavo kuita vanogondeka, asi ndiani ungaona munhu unogondeka?

Isa. 17:6

Hwarakwatwa dzemaorivhi dzinozosiyiwamwo apo miti yemaorivhi yazungunyiswa, michero miiri nokuti mitatu inozosara kumagumo edai redera, mirongomuna nokuti mishanu kumagumo ematai anobereka kakurutu,” unoronza Mambo Mwari, Mwari waIsuraeri.

Isa. 24:13

Ngokuti izvi zvinozodaro panyika, nepakati pemadzinza evanhu, kudai ngeapo panozungunyiswa mukukukurwa kwomuorivhi, kudai ngezvimavhini zvinosarira apo kukukura kwapera.

Isa. 24:16

Kubvira kumagumo enyika tinozwa nduyo dzokukudzwa kweWakarurama. Asi ndinoti, “Ndinopera simba, ndinopera simba. Ihehe kwendiri!” Ngokuti vachengedzi vaita ngokuchengedza; vachengedzi vanochengedzera kakurutu.

Isa. 28:4

Kufota kwouthende kwounaku hweruva riri padera pesoro reavo vanogutiswa ngokudya kwakawanda kunodai ngomuchero womuonde wokutanga kuibva risati raguma zienza; kunyazwi ndiani uwo unouona unoudya ngokukasira, apo waguma munyara mwake.

Isa. 6:5

Apo ndakati, “Ihehe kwendiri! Ngokuti ndofa; ngokuti ndiri munhu unemiromo isikazi kusukika, ndinogara pakati pevanhu vanemiromo isikazi kusukika; ngokuti madziso angu aona Mambo, Mambo Mwari wehondo.”

Jer. 15:10

Ihehe kwendiri, mai angu, mwakandibara kuita munhu wokuambana nokuita hasha munyika yeshe! Andizi kumbokweretesa munhu kuti ndiuyirwe, nevanhu avazi kundikweretesa kuti vauyirwe; asi veshe vanondituka.

Jer. 24:2

Chitundu chimwe chaiya nemaonde akanaka yaamho, kudai ngemaonde okutanga kuibva, asi chitundu chimweni chaiya nemaonde akashata yaamho, asaidyika ngokuti aiya akanyanya kushata.

Jer. 4:31

Ngokuti ndakazwa izwi rakadai ngeromukadzi unorwadziwa ngokubereka, unorwadziwa kwakadai ngouwo unobereka mwana wedangwe, kuchema kwemwanasikana weZioni, unofemurika echitambanudza nyara dzake echiti, “Ihehe kwendiri zvino! Inini mweya wangu unopera simba pamberi pevaurayi.”

Jer. 45:3

Wakati, ‘Ihehe kwendiri! Mambo Mwari wakatutsira kusvipa mwoyo kunekurwadziwa kwangu; ndaremba ngokugwimba kwangu, neni andioni kuzorora.’

Jer. 5:1

“Rumbai imwimwi mberi nesure mumapato eJerusarema, ringirai peshe zvino, muzie! Mutsvake mundau dzaro dzakapamhama, kuti mungaona munhu umwe here unoita zvakanaka, echitsvaka gwinyiso, kuti ndirirekerere.

Hos. 9:10

Ndakaona Isuraeri akadai ngemavhini mushango. Kudai ngemitanguro yomuonde yenguva yawo yokutanga ndakaona madzibaba enyu. Asi vakaenda kuBhaaripeori, vakadzipira kunechiro chinotsverudza, nokuita zvinonyangadza kudai ngechiro chevaida.

Zvi. 18:13

Mitanguro yemichero yeshe yomunyika yavo, iyo yevanozounza kunaMambo Mwari inozoita yako; munhu weshe wakasukika wemhatso yako unozozvidya.