Mik. 5:8 - Bhaibheri Rakachena muChindau

⁸ Nepakati pemadzinza vakasara vaJakobe vakatendenedzwa ngevanhu vakawanda, vanozodai ngemhondoro iri pakati pemhuka dzomugwasha, kudai ngemhondoro itsva iri pakati pemitanga yemakwai, iyo, apo yechihamba ngepakati, inotsikatsika pashi nokubaura kuita zvigurwa, pasina naumwe unganunura.

Mik. 5:8 Iomraidhean Croise

Gen. 49:9

Judha, mwana wemhondoro; mukororo wangu, wakakwira kubva kune zvakachakatwa, wakakotama, wakanyangwira kudai ngemhondoro, nokudai ngehadzi yemhondoro; ndiani unotsunga kumumusa?

Nduyo 104:20

Iwewe unoita chidima kuti uapo usiku, apo mhuka dzeshe dzomugwasha dzinobuda dzechigwezva.

Nduyo 44:5

Kubudikidza ndiwe tinorigira pashi magaa edu; ngezina rako tinozotsikirira pashi avo vanotimukira.

Nduyo 50:22

Pinimidzai izvi zvino, imwimwi munoriyarwa Mwari, kuti ndisamubweshura, akuzoapo naumwe kumununura.

Mazwi 30:30

Mhondoro iyo yakagwinya pakati pezvikara zveshe zvomushango, aifuratiri imweni,

Isa. 5:29

Kurira kwawo kunodai ngemhondoro, vanorira kudai ngemhondoro itsva; vanobhonga nokubata mhuka, vanoitwara kuenda nayo, pasina naumwe unonunura.

Ezek. 39:10

Ndizvo avazotezi huni kubva mushango, nokuti kutema muti nokuti ngouri mugwasha, ngokuti vanozobasa muriro ngezvokurwa ndizvo; navo vanozochakata avo vakavachakata, nokupamba avo vakavapamba, unoronza Mambo Mwari, Mwari.

Hos. 5:14

Ngokuti ndinozodai ngemhondoro kunaEfuremu, nokudai ngemhondoro itsva kumhatso yaJudha. Inini ndemene, ndinozobaura nokuenda; ndinozotwara kuenda, akuna unozomuponesa.

Mik. 2:12

Ngegwinyiso ndinozomuunganidza mweshe pamwepo, O Jakobe, ndinozounganidza veshe vakasara vaIsuraeri; ndinozovaisa pamwepo kudai ngemakwai ari muchibaya, nokudai ngezvifuyo zvemakwai pakati pemafuro awo; vanozoita bope guru ngouwandu hwevanhu.

Mik. 4:13

“Miruka, upure, O mwanasikana Zioni, ngokuti ndinozoita kuti runyanga rwako rudai ngesimbi, ndinozoita kuti masondo ako adai ngethusi; unozoputsa vanhu vakawanda kuita zvigurwa; unozopira kunaMambo Mwari kuuyirwa kwavo, upfumi hwavo kunaMambo Mwari wenyika yeshe.”

Mik. 4:7

Wakaremara ndinozomuita wakasara, nouwo wakadzingirwa kuretu aite dzinza rakagwinya; naMambo Mwari unozotonga padera pavo muMutunhu Zioni, kubvira zvino metsa mhera nariini.

Mik. 5:3

Ndizvo unozovarekera, metsa mukuwo apo uwo unobereka abereka; naapo hama dzake dzakasara dzinozohwirira kuvanhu vaIsuraeri.

Mik. 7:18

Ndiani Mwari wakadai ndiwe, unokungurira kushata, echidarika padera pendaa yevakasara venhaka yake? Aagari noushungu hwake mhera nariini, ngokuti unodakara ngokuitira nyasha.

Zek. 10:5

Pamwepo vanozodai ngengwazi muhondo, dzinotsikatsika pashi magaa adzo mumatope emapato vanozorwa, ngokuti Mambo Mwari unavo, navo vanozotsverudza vagadhi vemahachi.

Zek. 11:6

“Ngokuti andichazorwadziwi mwoyo ndivo avo vanogara munyika iyi, unoronza Mambo Mwari. Ringira, ndinozovaita veshe uwo nouwo kuti awire munyara yomuakirwana wake, uwo nouwo awire munyara yamambo wake; naavo vanozoparadza nyika, andizovanunuri naumwe kubva kunyara yavo.”

Zek. 12:3

Pazuva iro ndinozoita kuti Jerusarema rireme kudai ngebuwe kuvanhu veshe; veshe vanoritwara vanozodzipwanya pachavo kuita zvigurwa. Nemadzinza eshe omunyika anozoungana pamwepo kurirwisa.

Zek. 14:18

Kudai mhuri yeEgipite isikakwiri nokudzipira pachavo, nhenda inozouya padera pavo iyo yaanounza Mambo Mwari padera pemadzinza awo asikakwiri kungwarira mushongano wokudya wematende.

Zek. 9:15

Mambo Mwari wehondo unozovavhikira; navo vanozoparadza nokunyisa ngemapuwe anokandirwa ngechimvii; vanozomwa, nokuita bope kudai ngepavhini; vanozozara kudai ngendiro huru, nokunyikwa ngemakhona earita.

Mar. 4:3

Nemwi munozotsikatsika pashi vakashata, ngokuti vanozodai ngemarota pashi petsoka dzenyu, ngeiro zuva rendinozoita izvi,” unoronza Mambo Mwari wehondo.

Zvi. 24:9

Unozohwarira kudai ngemhondoro, nokudai ngemhondoro yehadzi huru; ndiani unozomumusa? Unofumiswa uwo weshe unokufumisa, unotukwa uwo weshe unokutuka.”

Mateu 10:14

Kunyazwi ndiani usikazomuashiri nokuti kupurutana mazwi enyu, mwechibudamwo mumhatso iyo nokuti dhorobha iro, guwai bukuta kubva patsoka dzenyu.

Zvak. 18:6

Vakati vaphikisa nokumutuka, iye wakaguwa bukuta kubva pane zvokusimira zvake, akati kwavari, “Ngazi yenyu ngaigare padera pemasoro enyu! Andina ndaa inini. Kubvira zvino ndinozoenda kune vemadzinza.”

Vahebheru 12:25

Ngwarai kuti musaramba uwo unoereketa; ngokuti kudai vasikazi kupokonyoka avo vakaramba uwo wakavapanga munyika muno, isusu tinozoita mapokonyokerenyi, kuti techiramba uwo unotipanga echibva mudenga!

Vahebheru 2:3

isusu tingaita mapokonyokerenyi kudai techirekeredza ruponeso rukuru rwakadai? Urwo rwakatanga kuereketwa kubudikidza ndiye Mambo, rukagwinyisiswa kwetiri ngaavo vakamuzwa,